الحلقة 20 :
.
معناها الحالة خطيرة ؟؟؟ والشي هذا لازم نجتمعولو .
الكس : ايه اجتماع خلاف بعد مدة طويلة ....
.
.
اجتمعو في بلاصة تربط الأراضي 3 ....
ألكس : وهكا كيما خبرتكم لازم نتوحدو ونتولهو ...قادر الجواسيس الي دخلو يكونو في اي بلاصة من اراضينا .
آتانيا : كان عندي علم انو ساحر من أرضي تدبح ...اما آخر حاجة توقعتها انو تكون عندكم نفس الحالة و كيفاش الحل ؟؟؟ واش رايك دوركس ؟
دوركس : ديرو الي تحبو ....
ألكس : دوركس من درك نخبرك راك زعيم المارون ....و زيد بزيادة مرانا عارفين علا ارضكم والو ؟؟؟ سامحني علا الكلمة اما راني شاك فيكم راكم مخبيين علينا حاجة .
آتانيا : ايه ...راك مخبي حاجة ...كيفاش تفسر انو لدرك مظهر حتا ملك ليكم ....لمشكل انو حتا الحارس مظهرش !!! من الاحسن تتكلم .
دوركس : نفهم من هذا انكم تهدوني ؟؟؟ اسرار ارضي و انا حر فيها نهدرها ول لا ...
الكس : اسرارك رايحة تدينا للهاوية كامل ...مراكش تفهم الوضع لازم نعرفو كلش على الاقل ...واش كاين كيفاش قدرتو تخبو الملك او الحارس ؟؟
دوركس : مخبينا حتا ملك و مخبينا حتا حارس ....
آتانيا : مستحيل !!! هاذ الشي غير مفهوم .
دوركس : توأم .
____________
ايه ...شعرها قصير متفهمش نتا ؟؟؟
نزيم : كيفاش يصير الشي هذا ...ادم سامحني علا السؤال ..اسيل اختك الحقيقية ؟؟؟
ادم : لا .
نزيم : معناها عندها توأم .
ادم : توأم ؟؟؟؟ كيفاش راحت من بالي .
نزيم : سامحني ...علا الازعاج ...نقدر غدوة الصباح نجي عندك ..بصفتي صديقك حاجة باينة و نشوفها حايب نقطع الشك .
ادم : ايه تقدر و درك سامحني راني عيان نروح ننعس .
.
دخل لدار وطلع لبيتو ....نحا تريكو و بقا يشوف فالوشم في هاد الليلة جاوه مشاعر بزاف ....راهي تحكي معاها باينة .
____________
ندى : و هكذا يا لالة نكون فهمتك كلش .
ايمان : يعني نتي حارسة لواحد اسمو صقر و صقر هدا ملازمش يكون قريب مني ...ونتي تاني لازم تبعدي .
ندى : ايه يا ملكة النار ههههه .
ايمان : علاش ؟؟؟ علا خاطر يتاما خيرونا ؟؟؟
ندى : تعرفي والله ماجات الفكرة هادي في بالي ....صقر تاني يتيم .
ايمان : معناها انو ادم تاني يتيم .
ندى : يمكن ...و درك احكيلي علا الحارس الجذاب تاعك هههه
ايمان : ممممم يهبل .... تمنيني لوكان نقلك حبيتو قبل منشوفو ..
ندى : واضح ...اصلا نسيتيني ...دالي بلاصتي .
ايمان : ههههه اسكتي اسكتي ... ونتي يا لالة ...راكي مع كعبة بقلاوة ..؟
ندى : اه اه ....متزيدينيش . راني نحرس فيه ... وانا شكون يحرس قلبي .
ايمان : سيف ههههه
ندى : اسكتي عليا اسكتي لمعوق هداك ..مسقساش عليا .
ايمان : يمكن ...معرف .
ندى : مممم راني بدلت الجاميعة .
ايمان : ممم معليش المهم كل ليلة تعيطيلي .
ندى : حاجة باينة منخليكش خلاص تتمعشقي نتي و ادومة هههه
ايمان : ههههه كلبة نتي .
ندى : استناي ...صقر راهو يعيط
ايمان : مديتيلو رقمك ؟؟؟
ندى : يا بنتي لوكان منمدهولوش يظل يخبط فراسو بالمقلة .
ايمان : هههههه . روحي روحي احكي معاه ...تصبحي بخير .
ندى،: نتي تاني .
دوركس💕
