يله نبدء
بسم الله
-صلو على النبي-
((الحياة قاسيه وماكو احد مرتاح لا الي عنده مال مرتاح ولا الفقير مرتاح صدگ من گال لا راحة بالدنيا ولا حيلة بالرزق ولا شفاعة عند الموت.
العادات والتقاليد هي اشياء تربو عليها اجدادنه من سنين وتناقلناها جيل بعد جيل.
بس اريد اسئلكم سؤال العادات الي دا يحچون بيها دگول لازم البنيه ماتحصل على وظيفه؟
دگول لازم تدرس عد حد معين؟
دگول لازم البنيه اول مايصير عمرها 13او14 وتبلغ يزوجونها ؟
تتزوج البنيه وهي مشايفه شيء من دنيتها وتبقى حسرة العلم والدراسة داخل روحها.
وحتى اذا تخلص دراسة مايخلوها تتوظف
و ابسط شيء بس تتزوج يكلولها القرار بيد زوجچ وزوجها طبعاً يكون مثل ابوه فمايخليها تكمل دراسة ولا يخليها تحصل على وظيفه))
في رواية سأكون أثر في حياتك سوف تتعرفون على بطلاتنه.
أثار وبرائتها واحلامها الورديه وسنين مراهقتها.....؟
وامنه وشجاعتها وبداية ادركها للامور والمصير الي ينتظرهم....؟
وانفال.... ودراستها وتفوقها ومحاربتها للاشياء الي تحصل لكن الى متى راح تستمر محاربتها....؟
وماهو دور ابطالنه بكل الي دا يصير والاشياء الي راح تحصل وگل واحد منهم يتملك صفه معينه لكنهم جميعاً يشتركون بصفه واحده العصبية والعناد.
وهسه طولت عليكم راح اخليكم انتو تتعرفون على الرواية وابطالها.
وماهو المصير الذي ينتظر اثار وثائر؟
☆☆☆☆☆☆☆☆بسم الله☆☆☆☆☆☆☆☆
محافظة الانبار
قضاء-القائم
يو الجمعة
بيت ابو جابر
الساعة8:30صباحاً.
عند انفال
اجيت من صبح لبيت جدو ويه ثامر حتى اشتغل ويه عمتي بتول أول ماوصلت لبيت جدو رحت سلمت على جدو وجده
وبعدها فتت للمطبخ كعدت اني وعماتي بتول ونهى نحضر حتى نطبخ سوينه اربع كيلوات لحم احنه ودا نگطع بيهن فاتلنه خالد ابن عمي جايب دجاج مذبوح بالعلاليك.
خالد"اريد صينيه.
بتول"روحي انفال انطيه صينيه.
جبتله صينيه وفتح العلاليك طلعن اربع دجاجات هن وريشهن ذابحهن وجاي.
بتول"ماكدرت تنضفهن بالسوگ وتجيبهن هو بس اني وانفال موجودات ونهى راح تروح تراقب جهالها هسه شلون نلحك.
خالد"تلحكون لاتخافون وزايد هو بس تحطوهن بجدر مي مغلي وطلعونهن وتهلسونهن وكل مره انتو تهلسون بقت على اليوم لو عندج اعتراض يا بنت عمي اذا ماتكدرين تهلسينهن اني اكعد اهلسهن.
أنت تقرأ
سأكون أثر في حياتك ((باللهجة العراقية))
Romanceرواية حقيقية/ تمنيت اقتلاع ذلك القلب الذي نبض لك في الماضي لكم تمنيت تمزيق تلك الخربشات الطفولية التي وصلت اليك لقد تغيرت ألان وقلبي تغير انا الان اكرهك بل احتقرگ لقد انگشف قناعگ لقد استطعت خداع الجميع لكن لن تستطيع خداعي فانا ألان لا استطيع سماع اي...
