يله نبدء
بسم الله
-صلو على النبي-
اما خوالي سمعت ناوين يروحون لاربيل اني وراكبه سيارة نزلت دموعي وادرگت بهاي لحظة والسيارة تمشي اني راح اتفارگ ويه ناس غالين على كلبي لان راح نسكن مناطق مختلفه ضنيت هاي المساله راح تنحل بيوم شهر سنه ماتوقعت راح تمضي ليالي بدون ماشوف الناس الغالين علينه بهذا سفرنه احنه ونمشي بالسياره وحاطين ادينه على گلوبنه بخوف وندعي ربنه يوصلنه بالسلامه من هاي اللحظة الي طلعنه محافظتنه وتركنه بيوتنه ونزحنه حسينه روحنه كبرنه وصدگ راح نبدي نشيل هموم وطفولتنه تركناها بالبيت الي چنه عايشين بيه.
☆☆☆☆☆☆☆☆☆
اقليم كردستان.
محافظة اربيل
عند اثار
نزحنه احنه وعمامي وعماتي لربيل ماعدا عمتي سهام سمعت راحت للسليمانيه وعمتي بتول بقت بالانبار ويه جدو وجده ما وافقت تعوفهم وتمشي انقرهت لان مراح اشوفها وماما كالت لاتنقهرين اكيد راح تجي زيارات.
عشنه بقلق لما وصلنه والحمدلله سفرنه طول فوگ الست ساعات تعبنه تعب ماصاير تاخرنه بالاقامه مالت اربيل لان هواية عوائل نازحه فتخرنه يله سولنه الاقامه وفتنه لمحافظة اربيل رحنه للمطعم كعدنه نتغدنه ومنتصر وصفوان راحو يدورون مكان حتى نبقى نبات بيه رحنه تاجرنه شقق بشارع40 تقريباً الشقه باليوم ندفع80الف راحو تاجرولنه واجمي اخذونه للشقه.
امحتانات الجامعة وكفت وعصام نزح ويانه مانعرف شنو مصيرهم حتى بالحلم ماتوقعنه الي يصير انفال تعبت تعب ماصاير بالطريق وهي توها تقريباً حملها بشهر الخامس تاجرنه كلنه بنفس الطابق باب شقه يم باب شقه اخرى الحمدلله حصلنه يعني ناس يم ناس حتى محد يستغرب اتفقنه يوم الجمعة نطلع سفره للبارك وتلتم العوائل حتى مانستغرب لان الشقه مو مثل رفاهية البيت وجنه عبالنه النزوح يطول شهر شهرين مادرينه راح يطول سنين چنة نصرف بدون وجع گلب وبكل رفاهيه.
چانو عمامي وبابا مو مرتاحين ابد ويردون جدو وجده وعمتي بتول يجون يخافون على عمتي بتول ويكولون لجدي الدنيا ما تتمن والاوضاع دا تصير من سيء الى اسوء جدو كاللهم لاتخافون صگر موجود اذا حسيت بشي يخوف ازوجها لصگر حتى بعقد شيخ عادي.
واني اكول منو هذا صگر كل الي اعرفه عنه ذاك اليوم خطب عمتي بتول ورفضته ما اعرف اي شي اخر بخصوص قصتهم
فاجئني كلام جدو شلون يزوج عمتي بتول لصگر اذا صار شيء هي مو رفضته وانتهى الموضوع الافكار توديني وتجيبني سمعت صوت منتصر وصفوان بالصالة فطلعت وگلت.
اثار"عمتي سهام شنو اخبارها.
صفوان"الناس تسلم بالبدايه.
أنت تقرأ
سأكون أثر في حياتك ((باللهجة العراقية))
Romanceرواية حقيقية/ تمنيت اقتلاع ذلك القلب الذي نبض لك في الماضي لكم تمنيت تمزيق تلك الخربشات الطفولية التي وصلت اليك لقد تغيرت ألان وقلبي تغير انا الان اكرهك بل احتقرگ لقد انگشف قناعگ لقد استطعت خداع الجميع لكن لن تستطيع خداعي فانا ألان لا استطيع سماع اي...
