يله نبدء
بسم الله
-صلو على النبي-
اسمع كلام بابا واني مصدومه...وگلت
انفال"اني ماموافقه ازوج شلون تنطي موافقتك بدون ماتسالني.
ابو صفوان"اني ردت ابلغج ماجيت اخذ رأئيج ردتي تدرسين درستي وصلتي خوش مرحله اخرت زواجچ اكثر من مره بس هسه انتهى انتي لخالد وبخصوص موضوع الجامعه بكيف خالد يخليچ تقدمين على الجامعة او تبطلين بقت بكيفه.
عصبت ماتحملت الكلام الي دا يگوله وگلت بكل قهر"حرام عليك بابا والله ماموافقه اتزوج عندي طموحات بالدراسه واريد اكمل والي يصير خلي يصير زواج مازوج.
ابو صفوان"انچبي ولاتراددين مبين منطيج وجه زياده عن لزوم هسه ولي من كدامي اني گلت الي عندي ادبسزز.
انفال"ماتزوج خالد لو تنگلب الدنيا.
گام من مكانه بابا وسطرني راشدي وراد يضربني نوب بس شفت اخواني وگفو من مكانهم وسحبوني وگفو گبالي.
صفوان"بابا استهدي بالرحمن اكعدو تفاهمو ميحتاج تضربها.
عصام"هي صح غلطت بس ميحتاج ضرب تعوذ من ابليس وتذكر اذا تاذت واحد شافها باجر شراح دگول لجدي.
شفت ثامر كمش بايدي وگالي"انفال تعالي ويايه لغرفتي.
رحت من الاستقبال واسمع صوت عصام وصفوان ويه بابا ودا يهدون بيه واسمعه يحچي عليه.
رحت لغرفة اخواني وكعدت على جربايه ثامر واحاول اسيطر على روحي حتى مابچي.
ثامر"لاتسوين مشاكل مراح تغيرين شيء برفضج وصياحج راح تضرين نفسج وانتي اكثر وحده تعرف بطبيعة عائلتنه.
انفال"انت اكثر واحد تعرف حبي للدراسه وشوقي للجامعه دا اشعر روحي بحلم واريد اصحى منه.
ثامر"اعرف بس الامر للاسف مو بيدنه تعرفين الزلم بس يقررون شيء انتهى وهو انطاهم كلمه گدام الزلم فمستحيل يتراجع واني ماردتچ تتجادلين وياه خفت عليچ من عصبيه بابا اخاف تتاذين شكم انفال عندي منو يسويلنه الاكل اذا تاذت انفال منو دلل اخوها اذا راحت انفال.
ابتسمت على كلامه اعرفه دا يسوي هيج حتى اغير جو وگلت"اكيد ماكو غير انفال بس ياثامر ماكدر انسى شفت الي صار بالاستقبال راح اتخبل.
قاطع كلامي صفوان"استرخي لاتاخذين الموضوع بسلبيه.
عصام"يجوز خالد يخليج تكملين دراسة ليش سديتي كل الابواب من هسه.
انفال"ماريد ازوج اريد ادرس
.
صفوان"الى متى ترفضين زواج هم بعد اربع سنين اول ماتخلصين جامعه راح يرجعون يفتحون موضوع الزواج وياج وترى خالد ماكو منه مو لان صديقي الروح بروح ورفيق دربي دا ادافع عنه لا والله اصيل ويتحمل المسؤوليه تزوجي خالد ارحملچ مما تتزوجين غيره.
أنت تقرأ
سأكون أثر في حياتك ((باللهجة العراقية))
Romanceرواية حقيقية/ تمنيت اقتلاع ذلك القلب الذي نبض لك في الماضي لكم تمنيت تمزيق تلك الخربشات الطفولية التي وصلت اليك لقد تغيرت ألان وقلبي تغير انا الان اكرهك بل احتقرگ لقد انگشف قناعگ لقد استطعت خداع الجميع لكن لن تستطيع خداعي فانا ألان لا استطيع سماع اي...
