يله نبدء
بسم الله
-صلو على النبي-
منتصر"ترى مصير كل انسان يتزوج وهاي سنة الحياة ماتعرفين يجوز بزواجج خير يجوز تتعودين وتتقبلين فكرة الزواج يجوز الشخص الي ترفضينه راح يكون كل حياتج مستقبلاً والزواج قسمة ونصيب وكل شيء مكتوب.
اسمع كلامه وحسيت الاشياء الي قبل كالي ياها بان اني اوقف زواجج ومحد يجبرج على شيء ماتريدينه كله جذب حسيت اخر امل ليه تدمر وگلت ودموعي ينزلن.
امنه"ليش خليتني اكمل دراسة اذا مصيري ابطل لو مبطلة من ذاگ اليوم جان منقهرت هيج ليش واعدتني محد يجبرني على شيء ما اريده وانت عايش وخشمك يشتم الهوه وهاي تراني اني كدامك باجر خطوبتي واني مو موافقه ولان كلتلهم مو موافقة انكتلت وانضربت ومحد اهتم بكلامي فوگ ضرب عمتي قدرية ابوية ضربني راشدي وما اهتم حتى لرفضي وخواتي كعدن يقنعني حتى ارضى بمصيري وطلعت مثلهم كلي ليش خليتني اثق بيگ وانت متكدر تمنع زواجي.
منتصر"ردتج تعشين يومج وماتفكرين بشيء كليلي زعلانه من عندي لان ما اكدر اوقف موضوع زواجج زعلانه من عندي لان واعدتج اساعدج وماوفيت بوعدي.
امنه"ما اكدر ازعل منك حتى لو اريد تعرف ليش لان انت صاحب فضل عليه وانت گلت هيج حتى ماشيل هم على الاقل كلامك ريحني بوگتها وكلما اقلق انت طمئني اعرف موضوع خطوبتي وزواجي ماتكدر تمنعه وتساعدني بيه فلا دير بال ساعدتني بما فيه الكفايه كفيت وفيت ماتقصر شكراً لكل شيء سويته للنه.
منتصر"دللي.
امنه"اثار اخبارها.
منتصر"الحمدلله زينه تعبت من كثر ماتسأل عنج وانتي ماتجين لادكولين عندي خوال ازورهم اسلم عليهم تعودتي على عمامج ونسيتينه حتى ويه امج صرتي ماتزورينه.
امنه"ماما وبابا ميخلوني اجي يكولون عندي دراسة ومايصير اعوفها مسوين روحهم حرصين عله دراستي وهسه يريدون يزوجوني حتى الدراسة راح يبطلوني من عدها تعرف جنت اضن بان اهلي علمود دراستي منعوني بعدين سمعت كلام بابا وماما وعرفت عمامي منعوني من زيارتكم سمعت حجي بابا وماما وسويت روحي ما ادري باي شيء.
منتصر"كليلي يا امنه انتي تحبين الدراسة.
نزلت دموعي مره اخرى ومسحتها وگلت.
امنه"اي احبها بس شنو الفايدة خليتني احب الدراسة وماتهيئتلي ضروف للدراسة وهسه راح اعوفها.
منتصر"الله كريم ربچ يحلها مايصير غير المكتوب ان شاء الله.
امنه"ونعم بالله كلي شعجب جيت اهنا للسليمانيه شنو جيت تاخذ ماما.
منتصر"لا عندي مشكلة بالشغل وجيت احلها وسمعت بانچ مخطوبة وكلت اباركلج قبل لا اروح.
امنه"راح ترجع لاربيل.
أنت تقرأ
سأكون أثر في حياتك ((باللهجة العراقية))
Romanceرواية حقيقية/ تمنيت اقتلاع ذلك القلب الذي نبض لك في الماضي لكم تمنيت تمزيق تلك الخربشات الطفولية التي وصلت اليك لقد تغيرت ألان وقلبي تغير انا الان اكرهك بل احتقرگ لقد انگشف قناعگ لقد استطعت خداع الجميع لكن لن تستطيع خداعي فانا ألان لا استطيع سماع اي...
