يله نبدء
بسم الله
-صلو على النبي-
خالد"فديت الي يغار ياناس تعرفين صار شكد مشتاگ لغيرتچ عليه الي عنده مثلچ شسوي بغير بنيه ولاتزعلين ماريدج تطلعين ويه النسوان تتمشين لان انتي حامل اخاف عليج من المشي مو زيلج اخاف تاذين روحچ تعرفين بيه شكد اخاف عليج انفال اني اخاف عليج حتى من نفسي اخاف عليچ لا تطلعين مشي والسوگ ازدحام وتروحين تتاذين.
انفال"عندي نواقص اريد اروح اشتري من السوگ ترضاها صايره چني جابر النجار بدون مكياج وترتيب راح اتخبل بس نزحنه نسيت مكياجي اهناكه كله وباجر كلهم يروحون للباركات.
خالد"الناس نزحت وحايره شلون تعيش وانتي حايره دورين مكياج.
انفال"ماشتري غير كم شغله ما اصرف غير10الاف عفيه وذهبي كله كدامك نبيعه اذا احتچنه شي ترضاها الناس دگول مرت خالد مو حلوه.
خالد"لا ماكو طلعه ويه النسوان حتى لو تصرفين الف دينار ممنوع تطلعين بس اذا تريدين اني اخذچ على سوگ بنفسي واشتريلچ النواقص واشياء على ذوقي موافق نروح نشتري حتى لو ب100الف وترى مرت خالد حلوه بعيونه بدون مكياج ميحتاج تقلق من ناحيته.
انفال"موافقه المهم اطلع مو انت تطلع والنسوان يطلعن واني ابقى كاتلني الهم والقهر.
خالد"ههههههه لاتخافين احنه الولد بطلعاتنه سوالف البنات ماتهمنه مدوختنه الاشغال هسه وتذكري باجر نروح على دكتوره ونشوف جنس الجنين بنيه لو ولد ونطمن على وضعج.
انفال"اني زينه ميحتاج نروح.
خالد"ما اريد اي اعتراض باجر نروح وهسه الشباب كاعد يدكون عليه راح اطلع وتعالي اوديج لشقة اهلج تعليله النسوان اليوم يمكم والزلم بشقة ابو منتصر.
انفال"تمام.
وصلني للشقه مالتنه هو احنه جيران شقه بس شقه بس يعجبه يسلمني لاهلي ويسلم يله يروح عمتي ام خالد جانت جايه قبلي للتعليله لان هي طلعت وياهم ورادت من خالد يخليني اجي وخالد ما يقبل فتت سلمت وكعدت بسد جدتي مشتاقتلها ومشتاقه لسوالفها سالتني عن وضعي واخباري وجاوبتها وچان ام سوسن تسأل السؤال الي بعقلي وماكدرت انطقه.
ام سوسن"جده عمه بتول شنو اخبارها.
ام جابر"بخير هسه هي بغداد منتصر بعد يومين يروح حتى يجيبها ان شاء الله.
ام سوسن"اخبار صگر وياها رجع طلب ايدها للزواج لو لا وشلون انتي توافقين خليتي عمتي تروح وياهم لبغداد وهي حتى اسمه ضوچ من عنده.
ام جابر"صگر ابن عمها وبعد كل شيء الي صار احنه نعرف مستحيل يضرها وگال بانه مستعد ينتظرها طول العمر لو اليوم بتول دكول اني موافقه مستعد يزوجها بنفس الوگت چنت مو حيل اثق بحبه لبنيتي بس بعد الي سواه والوادم الي نزحت هو بقى بناته علمود بنيتي بتول اهم شيء هسه تدعون بلكت الله يهداها ويلين گلبها عليه بهل روحه لبغداد ويجتمعون.
أنت تقرأ
سأكون أثر في حياتك ((باللهجة العراقية))
Romanceرواية حقيقية/ تمنيت اقتلاع ذلك القلب الذي نبض لك في الماضي لكم تمنيت تمزيق تلك الخربشات الطفولية التي وصلت اليك لقد تغيرت ألان وقلبي تغير انا الان اكرهك بل احتقرگ لقد انگشف قناعگ لقد استطعت خداع الجميع لكن لن تستطيع خداعي فانا ألان لا استطيع سماع اي...
