يله نبدء
بسم الله
-صلو على النبي-
شفت صگر اجه من الممر يمشي وفاتلي للاستقبال ورد الباب وراه فزيت وگفت من مكاني واني احس روحي بحلم حسيت بخوف مو طبيعي بس شفته گبالي وحسيت ايدي ترجف واني اگول هذا منين اجه وشلون فات.....
گعد على القنفه الي يم الباب وگال.
صگر"اريد احچي وياچ گلت لعمي (ابوچ)واخذت الاذن منه انطاني نص ساعة اكعدي خل نحچي.
بعدت نظري عنه ونزلته بالگاع ماگدر اباوع حتى بشگله وگلت.
بتول"مابيناتنه اي حچي صگر اطلع منا لا اصيح والم الناس عليگ لاتصير ماتستحي.
صگر"20سنه كامله مقاطعتني وماتحچين ويايه تدرين شگد اشتقت لشوفتچ اشتقت لنطق اسمي من لسانچ بس اسمع باسمي من لسانچ احس بيه رنه ثانيه لحد الان ما اكدر انساج تزوجت وصرت جد بس ولا يوم نسيتچ بتول انتي تعرفين بيه شكد احبچ وترى اني ندمان على الي صار الله شاهد لو يرجع الماضي مراح اذيچ ماتوقعت ولافكرت بالي راح يصير بيچ چنت يأس وردت طريقة حتى تكونين ليه اني اسف بتول وترى عمت الغيره عيوني والله ابد مو قصدي اذيچ اريد اعوضچ عن الماضي ونبدي صفحة جديده اني وانتي.
بتول"بشنو يفيدني ندمك هسه اني ما محتاجه ندمك الله لايوفقك ان شاء الله دمرت حياتي دمرت طفولتي ودمرت حتى مستقبلي انسه شيء اسمه اني وانت اني عمري ماكون الك ياصگر گلتها الك قبل وهسه ارجع اكولها عمري ماصير الك.
صگر"انتي خبلتيني ماخليتي عقل عندي ليش تلوميني بس اني عن الي صار ليش ماتلومين نفسچ انتي چنتي تباوعيلي بنضرات كلها حب وچنتي قريبه من عندي حيل ونكعد نحچي سوه وچنتي تثقين بيه حيل چنت اعرف بانچ تحبين الدراسة بس ماتوقعتج ترفضيني بس تقدمتلچ ورفضتيني بدون سبب طيرتي عقلي توقعتچ تحبين ابن خالتچ سعدي لان سعدي چان غريب من عندچ والي طير عقلي اكثر وخلاني انهي عليچ سمعت سعدي يريد يخطب خفت لايجي يخطبچ وانتي توافقين عليه خفت لا اخسرچ ونهيت عليچ وردتچ ليه بس شنو رجعتي رفضتيني مدگليلي ليش رفضتيني بالبداية مرتين بدون سبب.
بتول"انت بنضري چنت ابن عمي وبس ماگو شي اخر وعمري ما حبيتك وميحتاج تسالني عن سبب رفضي الك لانك اكثر واحد تعرفني ماريد اتزوج واحب دراستي بس انت اناني وحقير وتهمك نفسگ وانكشفت حقيقتك بس فتت جامعه وانت متزوج ما خفت الله گلي ماگلت هاي بنت عمي وسمعتها من سمعتي تعرف شيء بس سمعت چاي انت معترف بانك انت السبب بالي صارلي ماصدگت سالت اكثر من مره اخاف اني متوهمه وسامعه غلط ردت سبب واحد حتى ابريك تمنيت اني بحلم تعرف ليش لان اكثر انسان چنت اثق بيه هيچ سوه بيه ولك ليش لان مردت ازوجك مو حرام عليك شوهت سمعتي ودزيت لبابا رسايل من شخص مجهول دگول بيها مسوي روحك تخاف الله روح شوف بنتك شنو الي گاعد تسويه بالجامعة يوميه مصاحبتلها واحد شگل وما گتفيت بهاي زرعت الشگ بگلب بابا منين چبتها سالفة بنتك تريد تنهزم ويه مسعود اذا مازوجتوها له هو اني غير لو اعرف منو مسعود ما خفت الله بيه ودزيتولي شاب باليوم الي بابا اجه بيه للجامعه اچه بابا فجئه حتى يتاكد من الگلام الي وصله ولگه شاب يحچي ويايه الشاب سالني وين رئاسة القسم واني على نياتي وگفت حچيت وياه ودليته ماسويت چريمه وتعرف بابا سوه اجه وعاط عليه والشاب نهزم سحبني من ايدي والناس تباوع عليه ورحنه للبيت.
أنت تقرأ
سأكون أثر في حياتك ((باللهجة العراقية))
Romanceرواية حقيقية/ تمنيت اقتلاع ذلك القلب الذي نبض لك في الماضي لكم تمنيت تمزيق تلك الخربشات الطفولية التي وصلت اليك لقد تغيرت ألان وقلبي تغير انا الان اكرهك بل احتقرگ لقد انگشف قناعگ لقد استطعت خداع الجميع لكن لن تستطيع خداعي فانا ألان لا استطيع سماع اي...
