يله نبدء
بسم الله
-صلو على النبي-
قاطعنه صوت منتصر فات للمطبخ هو وخالد وگال"منو الثلاجه يا ام سوسن.
باوعت شفت ام سوسن سكتت بخوف ومكالت شي وانفال كامشه ضحكتها.
ام سوسن بتوتر"كلت لامنه ديربالج من الثلاجه لاتجين يمها وايدج متاذيه لان البروده تاذي الجرح.
منتصر"تمام.
خالد"الحمدلله على السلامه يا امنه.
امنه"الله يسلمك.
منتصر"اخذتي علاجج امنه.
امنه"لا بعدني توني كعدت.
منتصر"تمام تريكي وكملي واخذي علاجج وتعالي بغرفة جدتي حتى ابدلج الشاش للجرح.
امنه"تمام.
راح خالد بره ومنتصر فات بالصالة.
انفال ضحكت اول مافات خالد للصاله وام سوسن كالت الحمدلله عدا الموضوع بسلام بس ترى صح كلامي ثلاجه شفتي حتى مكاللها شلونج شلون صرتي مباشر سأل على العلاج وسوي هيج.
واني كعدت اتريك واسمع تعليقاتهن ومبتسمه وخاله بتول تكسرلي الخبر كلما اكول شبعت تلح عليه حتى اكل ومكدرت اكسر بخاطرها كملت الريوك ورحت اخذت العلاج بلعت الحبوب الي موصي عليهن الطبيب
واخذت العلاكه لان بيها شاش وتعقيم ورحت على منتصر فتت لغرفة جدتي ولكيته كاعد على الدوشك بالكاع اجيت كعدت بسده وانطيته العلاج.
منتصر"اخذتي علاجج
امنه"اي.
منتصر"ايدج شلون صارت هسه خما بعدها توجعج.
امنه"لا ماتوجعني بس احاول احركها توجعني لذلك بطلت كمت ما احاول احركها.
منتصر"تمام هسه انطيني ايدج.
مديتله ايدي المتاذيه وكعدت اباوع عليه لزمها وكعد يفتح بالضماد وكال"غمضي عيونج.
امنه"خليني اباوع اريد اشوفها.
منتصر"تمام بس مو تشوفينها وتخافين لان اعرفج خوافه.
امنه"لاتخاف ما اخاف.
دا يفتح بيها وشفت الشاش لازك على الجرح الخياط وشفت طارف الخياط ماتحملت اباوع وصديت بغير اتجاه حسيت بده يخلي تعقيم حتى يخلي الشاش ينزع وحسيته نزع كعدت اباوع على ايدي خياط طويل واثنين صغار واكو زروف بدون خياط منظر ايدي خوفني واني اباوع عليها وحاولت اقوي كلبي شفته
كعد يعقم بقطعة شاش نضيفه الجروح حسيته بس يلخ الجرح وجعني صديت بغير اتجاه متحملت اباوع اكثر كمل التعقيم وكعد يلف ايدي بحذر كمل وكال"لاتخافين من شكله الجروح زينه وهي طيب ان شاء الله.
أنت تقرأ
سأكون أثر في حياتك ((باللهجة العراقية))
Romanceرواية حقيقية/ تمنيت اقتلاع ذلك القلب الذي نبض لك في الماضي لكم تمنيت تمزيق تلك الخربشات الطفولية التي وصلت اليك لقد تغيرت ألان وقلبي تغير انا الان اكرهك بل احتقرگ لقد انگشف قناعگ لقد استطعت خداع الجميع لكن لن تستطيع خداعي فانا ألان لا استطيع سماع اي...
