يله نبدء
بسم الله
-صلو على النبي-
صديت مباشر بغير اتجاه ما اريد اشوف شكله وماليه خلگه وگلت"روح ما بيناتنه حچي وما اريد اشوفك.
ثائر"اريد احچي وياج علمود المسواگ شنو محتاجه جدو دزني عليج لان الشباب بالشغل ودزوني بدالهم حتى اشوف شنو محتاجين حتى اتسوگ.
اسمع كلامه واحس روحي فشلانه من الموقف الي انحطيت بيه عبالي يريد يحچي ويايه وطلع علمود المسواگ وگلت بتوتر"هسه اشوف الثلاجه.
رحت فتحت الثلاجه واحس روحي مخنوكه ماتوقعت اشوفه اليوم وكعدت اباوع بالثلاجه واشوف شنو محتاجين وگلت بدون ما اباوع على شكله"طماطه و خيار و كرفس وليمون وبصل.
ثائر"تمام اكو علاگه بالكاونتر سوده بيها غراض صباين منتصر يريدها انطيني.
كعدت ادور بالكاونتر ولكيت العلاكه وانطيته ياها واخذها وراح.
كعدت اطبخ واني احاول اطرده من افكاري و اكول تحملي اثار هي بس اليوم تشوفينه ضرف استثنائي بقية الايام مالج دخل بيه اعتبريه ماكو.
كعدت اقنع بنفسي وحاولت اركز بالطبخ خليت الجداري على الطباخ وطبخت باميه على لحم وتمن وكعدت اغسل مواعين الريوك وجده كالتلي محتاجه شي كلتلها لا...رحت غسلت الطرمه صاير عليها تراب وكملت.
اني وبالمطبخ اجه ثائر جايب وياه المسواگ وفات خلاه على الميز.
ثائر"اثوره راح يجون الزلم بعد شويع لاتطلعين بره وحضري دولكه مي وكلاص حتى اول ميجون اقدملهم.
كلت" تمام.
جهزت دولكه المي والكلاص خليتهن على الميز بالمطبخ اندك باب الحوش وفاتو ثلاث زلم لابسين عكل كبار بالعمر واحد بكد جدي واثنين بكد ابويه.
اجه ثائر اخذ الدولكه وراح.
كملت الغده واستوه وجده كاعده يمي بالمطبخ استغربت محد اجه من عمامي ولا من البنات.
فسالت"جده عمامي ميجون اليوم يتغدون ويه الخطار.
الجده"كلمن ملتهي بشغله وبعائلته وحياته الخاصه خابرتهم مايجون واني ماردت اشغلهم خليهم خطيه وعنده انتي اثورتنه السباعيه ربي يحفظج النه ماتقصرين.
اثار"دللي جده حاضره بكل وگت.
مر الوكت سويت زلاطه ورتبت المواعين حضرت الصياني الي اصب بيهن توني ردت اصب اجه ثائر وكال خليني اني اصب انطيته ومكلت شي وكعد هو يصب ويوجه الصينيه كمل الصب وراح فرش النايلون للخطار ودالهم الاكل اني كعدت على الميز بالمطبخ وجده راحت لغرفتها حتى ترتاح فات ثائر للمطبخ وتفاجئت بس اجه كعد كبالي على الميز اني شفته كعده كمت من مكاني وردت اطلع لان الصراحه اختنكت حيل من وجوده وخايفه لا انفجر بوجهه باي لحظة ردت اتجنب المشاكل وياه شلون بك
أنت تقرأ
سأكون أثر في حياتك ((باللهجة العراقية))
عاطفيةرواية حقيقية/ تمنيت اقتلاع ذلك القلب الذي نبض لك في الماضي لكم تمنيت تمزيق تلك الخربشات الطفولية التي وصلت اليك لقد تغيرت ألان وقلبي تغير انا الان اكرهك بل احتقرگ لقد انگشف قناعگ لقد استطعت خداع الجميع لكن لن تستطيع خداعي فانا ألان لا استطيع سماع اي...
