يله نبدء
بسم الله
-صلو على النبي-
منتصر"ادري گاعد تمشون على بيض واني الشمس الدگ براسي عايف شغلي ومضيع وقتي وجاي اخذكم وانتو ملتهين بالحچي.
امنه"مانعرف بانك راح تجي تاخذنه توقعنه لو صفوان لو خالد ياخذنه للبيت.
منتصر"عدهم شغل وطلبو مني اوصلكم بطريقي يله على سياره.
رحنه على سيارته وگالي"اثار تعالي اركبي لي كدام.
ركبت لي كدام وامنه وره بالسياره.
منتصر"شلونكم بالامتحان اليوم.
اثار+امنه"الحمدلله.
منتصر"خما عدكم احد مضايقكم بالمدرسه او طالبه تحسونها مثل اريج وسوالفها وتحاول تضحك عليكم.
اثار"لا ماكو الحمدلله مرتاحين هسه بالمدرسه.
منتصر"تعرفون شلون ينغسل عقل الواحد.
استغربنه سؤاله وگلت.
اثار"ماعرف.
منتصر"وانتي امنه.
امنه"اعرف العقل بالراس بس ماعرف شلون ينغسل.
منتصر"تعرفون الله سبحانه وتعالى انطانه عقل وخلانه نميز الصح من الغلط وهذا حلال وهذا حرام بس أگو ناس ماعدهم لاذمه ولا ضمير يريد يغسلون عقل الواحد بافكار واشياء ومعتقدات خطأ مثل هسه عدگم اريج وسوالفها الي گلها حب وغرام رادت تغسل عقلكم وتغير فكركم حتى تمشون بطريقها وتنحرفون عن طريق الصحيح والي يتحكم بيكم مو عقلكم رغباتكم وغرائزكم وتصيرون تتصرفون تصرفات مو صحيحه.
سگت شويه وگال.
منتصر"تعرفون اريچ مكضيتها كلها استهتار ودايحه ومصاحبه شباب وهي ماتعرف شيء عن الحب ماكو اجمل من حب الاهل والاخوان ماكو اجمل من حب الزوج حتى خطيبكم لاتحبونه حيل وتتعلقون بيه يجوز مايصير زوجكم امور دنيا فلذلك حبو زوجكم الحب والموده تكون بعد الزواج اغلب الناس يجوز يمرون بمرحله اعجاب بشخص معين عادي بس يخلي الامور طبيعيه ويمشي حياته
هسه احنه حبنه للاهل ولد العم والخال گلنه ناس تحب ناس وناس تخاف على ناس حبنه كله اخوي ومايتعده الاخوه الحب وره الزوج يجي والشخص مايصير يفوت بعلاقات محرمه ديربالكم من قصص الحب وسوالفه لاتجيكم وحده مثل اريج دور تغير تفكيركم دائماً تذكرو كلامي ولاتكعون بخطأ وعوفو هاي السؤالف عوفو كلشي وتوكلو على الله سبحانه وتعالى والمكتوب يصير......الخ.
اسمع كلام منتصر وارجع احس بندم على الي سويته دمعت عيوني مدري ليش احس منتصر يعرف بكل شي يمر بحياتنه صح هو عصبي بس مثل تفهمه ابد مشفت ماعدنه ابد واحد ينصحنه ويكعد يعلمنه هذا صح وهذا غلط مخلينه احنه نعلم نفسنه بنفسنه وننتظر شنو يگلولنه ونفذ كعدت امسح دموعي صدگ سوالف منتصر ويانه ازيد من الاخ كعد ينصحنه هوايه نصايح وبان ما نثق باي شخص وبان نركز على دراستنه واهم شيء الدراسه بحياتنه.
أنت تقرأ
سأكون أثر في حياتك ((باللهجة العراقية))
Romanceرواية حقيقية/ تمنيت اقتلاع ذلك القلب الذي نبض لك في الماضي لكم تمنيت تمزيق تلك الخربشات الطفولية التي وصلت اليك لقد تغيرت ألان وقلبي تغير انا الان اكرهك بل احتقرگ لقد انگشف قناعگ لقد استطعت خداع الجميع لكن لن تستطيع خداعي فانا ألان لا استطيع سماع اي...
