يله نبدء
بسم الله
-صلو على النبي-
ما حسيت اله ايد تسحبني من الكاع وباوعت عليه
شفت صگر واگف گبالي لابس دشداشه سوده وشماغ احمر وعكال عبالي كاعد احلم او اتخيل لان مصدومه من الي صار قمضت عيوني ورجعت فتحتها نفس الشيء شفته واكف گبالي اني واباوع عليه من بين دموعي سودت الدنيا بعيني وماحسيت بشيء بعدها
كعدت على ايد تضرب على وجهي وصوت يناديني بقلق"بتول بتول اكعدي.
فتحت عيوني وشفت صكر گبالي وحده من ادينه جوه راسي والاخره يضرب بيها على وجهي حتى اكعد.
نزلت دموعي واني اباوع على صگر وخليت ايدي تمشي على وجهه اريد اشوفه حقيقي لو اني كاعد اتخيل وگلت"صگر هذا انت لو اني كاعده احلم.
صگر"هلا ياروح صكر لا مو بحلم ياعمري هذا منتصر تشاقة وياج هيج راد يشوف غلاتي عندج بس اني ماتحملت دموعج وفتت للغرفه عليج بتول سامحيني بتول وسامحي منتصر ترى كل نيته راد يشوف غلاتي بكلبج.
اباوع عليه واني متفاجئه ودموعي تنزل وعقلي ما كاعد يستوعب الي يسمعه كعدت ومحجيت شيء وهو ساعدني حتى اكعد واكف على رجليه تقدمت عليه ورميت روحي بحضنه حظنته وكعدت ابجي على صدره ابجي واحمد الله لان كاعده اشوفه كبالي وبعده عايش ما مات خله ادينه تحاوطني وحضني وگال
"بتول كافي تبجين ياروح صگر هذا اني كدامج كل شي مابيه هاي لدموع حزن على فراگي لو فرح لان عبالج متت وردتي تخلصين مني.
بقيت ابچي ومجاوبته.
بعدني عنه وبيده مسح دموعي وخلاني اباوع عليه وگال"باوعي وشوفيني هذا اني كدامج كل شيء مابيه اذا بقيتي تبجين راح اروح اجيبلج منتصر واحجي عليه كدامج حتى ترتاحين والرجال راد يساعدنه مو قصدة شيء والله ماتوقعت يصير بيج كل هذا ياروح صگر احچي وريحيني عاتبينه سوي اي شيء بس كافي تبجين جيت ومابلغت احد بجيتي ردت اسويها مفاجئه لج.
اسمع كلامه ورجعت دموعي تنزل واني اباوع عليه ومبين بعيونه القلق عليه فگلت.
بتول"ديربالك على صحتك ماشيء ولاتسوق ابد بسرعه وابد لاتوقع افرح بموتك ترى انت ابن عمي وغالي عليه رغم كل شيء صار بيناتنه وصح جنت ادعي عليك بس ابد ماتمنى موتك ولاتحجي على منتصر بعد صارت السالفة حتى لو حجيت عليه دموعي الي وكعن من عيني مراح يرجعن.
صگر"تخافين عليه بتول.
بتول"طبعاً اخاف ما اريد يصير عليك شيء واكعد اتندم عليك ويعذبني ضميري طول العمر.
صگر"تتندمين على شنو.
سكتت ومجاوبته.
أنت تقرأ
سأكون أثر في حياتك ((باللهجة العراقية))
عاطفيةرواية حقيقية/ تمنيت اقتلاع ذلك القلب الذي نبض لك في الماضي لكم تمنيت تمزيق تلك الخربشات الطفولية التي وصلت اليك لقد تغيرت ألان وقلبي تغير انا الان اكرهك بل احتقرگ لقد انگشف قناعگ لقد استطعت خداع الجميع لكن لن تستطيع خداعي فانا ألان لا استطيع سماع اي...
