يله نبدء
بسم الله
-صلو على النبي-
ام سوسن"يراد نجيبلها خويلد حتى يلهيها وبعد مدور ترجع لان شكلنه احنه مانعجب.
سمعت صوت ورايه"مادگلولي شعدكم ويه خويلد.
فزيت ورجعت لي وره وحسيت روحي انضربت بصدره وهو اسندني.....جمدت واني احس بايده لازمه زندي عرفته خالد وماكدرت حتى التفت عليه.
ام سوسن"گلشي ماعدنه سلامتك دا نحچي ويه خطيبتك.
نهى"ابن الحلال تونه جبنه طاريك.
خالد"بخير لو بشر.
نهى"طبعاً بخير هاي خطيبتك انفال تريد تروح للبيت
واحنه نريد نسولف ويه امها فگلنالها يراد نجيبك حتى تلهيها وتنسى فكرة الروحه.
حسيت خالد يحجي وجه قريب من يمي مدنكر"حقها تروح لان ماشاء الله بكل مكان منتشرين الجهال والاكبار حتى الواحد ميكدر يحچيله حچايه ويه خطيبته .
ام جابر(الجده)"روحو لغرفتي 10دقائق احجي وياها وتعالو ماخلي احد يقاطعكم.
خالد"تسلمين ماتقصرين غير مره راح نكعد بالمطبخ اني وياها شويه وانتو احجو ويه ام صفوان براحتگم.
گال هيج ومانتضر يسمع ردهم سحبني من ايدي وفتنه للمطبخ وهد ايدي وكعد على دوشگ.
خالد"تعالي اكعدي.
اشرلي حتى اكعد بسده.
كعدت وخليت مسافه نص متره بيني وبينه شفت عيونه تباوعلي بنضرات استهزاء لان ماگعدت بسده يربي لو اعرف شعنده ويايه مبين مايريدني مايعوفني بحالي.
خالد"نسيت ماوصيتج لاتبينين الي بيناتنه لاي شخص وخلي بعقلچ كلما تكونين موجوده حتى لو عشر دقائق نحچي اني وياج كل سبوع اهنا بيت جدو حتى محد يشگ بوضعنه وحاولي تبتسمين بس تشوفيني مو گلما تشوفيني عبالك اريد اخذ روحج.
انفال"ماحب ادخل احد بمشاكلي لاتخاف وصورتك كدام عمامي وعماتي محد يخربها وگافي تسوي نفسگ كدام عماتي وجدتي انو ميت بس تريد تحچي ويايه هذا التمثيل عوفه مايفيدگ بشيء.
خالد"ليش المفروض تشكريني على الاقل يگولون يريدها ومحد يزعجچ بشيء.
انفال"عاجبك هذا الوضع الي احنه بيه هسه.
خالد"حتى لو مو عاجبني مراح يتغير شيء اريد اوصيچ على كم شغله.
انفال"شنو هي.
خالد"تجنبي عصبيتي ولاتخالفين كلامي وسايري الوضع الي احنه بيه.
انفال"هو انت تتعصب اربع وعشرين ساعه حتى الجهال مو خلصانين من عصبيتك وكلامك اذا اكدر اسويه اسويه اذا ماكدر ماسويه واني لخاطر انو انت ابن عمي كاعده احچي وياك.
خالد"يصير خير ان شاء الله وروحي حطيلج اگل واگليلج لكمه حتى مايكولون الناس شو البنيه ذبلت وره الخطوبه مايصير تبقين بدون غده ترى وجهچ اصفر صاير ليمونه.
أنت تقرأ
سأكون أثر في حياتك ((باللهجة العراقية))
عاطفيةرواية حقيقية/ تمنيت اقتلاع ذلك القلب الذي نبض لك في الماضي لكم تمنيت تمزيق تلك الخربشات الطفولية التي وصلت اليك لقد تغيرت ألان وقلبي تغير انا الان اكرهك بل احتقرگ لقد انگشف قناعگ لقد استطعت خداع الجميع لكن لن تستطيع خداعي فانا ألان لا استطيع سماع اي...
