يله نبدء
بسم الله
-صلو على النبي-
باوعتلي عمتي بتول وگالت ودموعها تنزل"بنيتي خالد والي وياه صار عليهم حادث وانگلبت بيهم السيارة.
بس گالت هيج نزلت دموعي وگلت"شلون صحته گليلي عمه.
بتول"ماعرف والله ماعرف بس بعده عايش گالو ناقلينهم للمستشفى.
سگتت ومعرفت شنو اكول بس دموعي تنزل
عمامي راحو وراحت وياهم ام خالد ماتحملت اله تروح وياهم وراحت عمتي بتول وياها واحنه البقينه رحنه كعدنه بالاستقبال.
☆☆☆☆☆☆☆☆☆
بيت ابو جابر
عند اثار
مر اسبوعين على نفس الحال صرت ما احجي ويه ثائر وهو ابد محاول يسالني بعد الي صار حتى بوجهي ميباوع حجيت لامنه عن الي صار لان صديقتي وما اكدر اضم عليها شي واحترمت قراري وكالت مستحيل تتدخل بيناتنه حجتلي بان منتصر مرزلها لان ماخذه63 حجتلي عن اخبار المدرسه بغيابي بس رجعت للمدرسه صارت عندي تراكمات بالدراسه وامتحانات ماممتحنتهن مره امتحن شهري مره يومي حتى الحك الفاتني بعد الغداء احنه وكاعدين باوعنه على الي صار بره
وسمعنه خالد مسوي حادث دموعنه نزلت بدون ما انحس اباوع على انفال وهي تبجي الورطه بعدني صغيره وماعرف اواسي اي احد شفت بجي انفال على خالد كسرت گلبي خطيه وعرفتها تحب خالد حيل دعيت ربي يحفظه ويرجعه الها سالم حتى متخسر الي تحبه.
راحو الزلم كلهم والنسوان الي بقن راحن للاستقبال ويه انفال واني وامنه رحنه كعدنه بالحديقه بمكانه واثنينه نبجي.
اثار"معقوله خالد يموت.
امنه"اش لاتسمعج انفال فال الله ولا فالج ان شاء الله يكوم بالسلامه.
اثار"ان شاء الله.
امنه"خطيه خالد بلكت ميصير بيه شي ما اتحمل نجي لبيت جدو وما انشوفه.
اثار"خصوصاً بس نلعب او نسوي شي نشتاگ لرزايله.
كعدنه نبجي اني وامنه ومرات نضحك بس نتذكر مواقفنه وياه وساعه نبجي محد مستعد بهل بيت يخسر خالد لكل يحبونه.
☆☆☆☆☆☆☆☆
بيت ابو جابر
عند انفال
كاعدين بالاستقبال ننتظر اخبار من عدهم بخصوص خالد كاعدين نبجي وكعدت بسد جدتي وهي تبجي ومحاوطه جتفي و ام سوسن كاعده بصفي (بسدي) من الجانب الاخر وكل الي كاعدين يبجون من ضمنهم ماما.
ام سوسن" ادعوله بهاي اللحظه ما عدنه غير الدعاء.
ام جابر" اويلي عليك خالد شكم مره اكوله لاتبقى تسافر ارحم شيبت ابوگ وامك بس ميفيد الحچي وياه طاير نهار كله وكلما اكله لاتسافر يكلي لاتخافين اتزوج واقلل السفر ان شاء الله.
أنت تقرأ
سأكون أثر في حياتك ((باللهجة العراقية))
Romanceرواية حقيقية/ تمنيت اقتلاع ذلك القلب الذي نبض لك في الماضي لكم تمنيت تمزيق تلك الخربشات الطفولية التي وصلت اليك لقد تغيرت ألان وقلبي تغير انا الان اكرهك بل احتقرگ لقد انگشف قناعگ لقد استطعت خداع الجميع لكن لن تستطيع خداعي فانا ألان لا استطيع سماع اي...
