يله نبدء
بسم الله
-صلو على النبي-
كال هيج وسحب ايدي وباسني على الجرح الي بطن كف ايدي وطلع وخله عواصف مشتعله بداخلي وخله گلبي ينبض بس لشي واحد هو لمنتصر حضنت ايدي الي باسها وخليتها على كلبي وكعدت افكر بيه واحس روحي فرحانه ودعيت ربي يحفظلي ياه احبه يا ناس احبه كعدت على جربايه واني افكر بيه كلما اطرده من عقلي ارجع اذكره واتذكر نضراته مضى اكثر من نص ساعه بس راح ما حسيت اله على فتح باب غرفتي وفاتت اثار.
وكعدت تشوفني الفستان الي مشتريته ابتسمت مشتريه فستان احمر كالت تضامنن وياج اشتريته من لون بدلتج حتى مانختلف باي شي.
ابتسمت وكلتلها" يخبل راح تطلعين تجننين.
اثار"تسلمين ينادونج جوه.
امنه"يله ننزل.
نزلت جوه وشفت منتصر كاعد بالصاله يمهم ابتسمت بس شفته ردت اروح اكعد يم ماما بس اشرتلي ماما اروح اكعد يمه رحت كعدت بسده بالصالة.
ام سوسن"بخصوص حفلة باجر دزينه عليج نريدج تركصين ويه منتصر شدكولين توافقين.
ما عرفت شنو اجاوب واحسها عيب اركص وياه كدامهم واني متوتره من هسه فگلت واني اباوع على منتصر"اسألي منتصر اي شيء يكوله اني حاضره.
ام سوسن"شدكول منتصر توافق تركص تراها مره وحده بالعمر.
منتصر"افكر وارجعلكم خبر ويه امنه وعمه سهام اشترينه لامنه ذهب باجر اجيبه ويايه حتى البسها ياه.
سهام"ماتقصر يابني ربي يحفظك ويسعدكم يارب انت ابد ما قصرت ويانه وعمرك كله ما قصرت ويه امنه.
منتصر"تدللون يا عمه مو مانيه وامنه كل شي اسويه للها قليل بحقها تستاهل اكثر وهسه نترخص اريد امنه احجي وياها بشكم شغله لان جان عندي شغل وقبل شويه اجيت ملحكت احجي وياها.
سهام"اخذو راحتكم ابني.
اسمع كلامه واني متفاجئه هو قبل ساعه جان يمي فوگ وعلمني على الحركات الي راح نسويهن باجر
شفته كام من مكانه وكمت وياه لحكته وام سوسن كالت بس عبرت من يمها بصوت ناصي"قنعي حتى تركصون..هزيتلها راسي.
وكملت مشي وياه وفتنه بغرفة جدتي فتنه ورد الباب وراه.
تقدم وكف كدامي وكال"تعجبيني بس اكول عن شي كدام الاهل تسايريني وماتجذبيني عفيه عليج.
امنه"الله يعافيك تعلمت منك انت بس احجي شي كدام احد وابررله انت حتى لو تعرف الحقيقه تعوفها بوجها وماطلعني جذابه.
أنت تقرأ
سأكون أثر في حياتك ((باللهجة العراقية))
Romanceرواية حقيقية/ تمنيت اقتلاع ذلك القلب الذي نبض لك في الماضي لكم تمنيت تمزيق تلك الخربشات الطفولية التي وصلت اليك لقد تغيرت ألان وقلبي تغير انا الان اكرهك بل احتقرگ لقد انگشف قناعگ لقد استطعت خداع الجميع لكن لن تستطيع خداعي فانا ألان لا استطيع سماع اي...
