يله نبدء
بسم الله
-صلو على النبي-
((مصار مجال اعزيچ والتقي بيچ قهرني الي صار وياكم ماتستاهلون ابد چنت اشوفچ واشوف الدموع بعيونج بس تطلعين تحجين ويه ولد اخوانج واخواتج تمنيت اكون بقربج واواسيج وامسح حزنچ بس يجوز ماليه حق لان اني هم احد اسباب حزنچ ردت اگلچ بتول انتي حياة صگر وابد ما اكدر انساچ ومستعد انتظرچ طول العمر
اعرف هذا الوگت مو مناسب وانتو هسه بفترة عزه بس اريد اكلچ فكري وحاولي تنطينه فرصه خليني اعوضج عن كل خطأ ارتكبته بحقچ معقوله گلبچ حجر ابد ما حن على صكورچ شلون يطاوعچ گلبچ تنسيني من حياتچ واني عمري ما نسيتج تزوجت وكلت راح انساج وما نسيتچ خلفت جهال وصرت جد ولا مره غبتي عن عقلي رغم رفضچ الي سابقاً وبدن سبب ومستعد انسى كل الماضي وابد ما اجيب سيرته كدامج بس حاولي تنطينه فرصة ترى انتي هم تستحقين السعادة.
المرسل الذي يحبك بكل لحظة من لحظات حياته صگر.))
گملت قرايةالرسالة ودموعي نزلت واني اكول ربي خلي صگر ينساني ويشوف طريقة ماتحمل الي كاعد يسويه ما اتحمل ينفتح هذا الموضوع اكثر واني مستحيل اكدر اسامحه كل سنين عذابي من وراه رجعت الرسالة بضرفها وفتحت صندوق عندي قديم بالجراري حاطته خليت بيه هاي رسالة وقفلت الصندوق وضميت المفتاح.
☆☆☆☆☆☆☆
يوم الاحد
بليل
بيت ابو مازن
عند امنه
استلمنه نتائجنه مالت نصف السنة اليوم كاعده واباوع على نتيجه نجحت الحمدلله ودرجاتي زينه بالسبعينات اقل مادة عندي بالانكليزي60واعلى مادة الرياضيات اخذت بيها80.
خليت شالي على راسي ورحت للصالة ماما كالتلي منتصر يريد يحچي وياچ.
رحت وسلمت.
منتصر"استلمتو النتائچ اليوم.
امنه"اي الحمدلله ناجحه.
منتصر"چيبيلي الشهادة وتعالي.
امنه"ماشي.
گلت هيچ ورحت جبتله النتيجه واني خايفه لا يرزلني انطته ياها واني افرك اديني من التوتر.
منتصر"عفيه عاشت ايدج خوش درجات.
ابتسمت وگلت"صدگ لو تتشاقه.
شفته ابتسم"والله صدگ شبيچ بس اريدج شدين حيلج بعد اكثر ماشي.
امنه"ماشي.
أنت تقرأ
سأكون أثر في حياتك ((باللهجة العراقية))
Storie d'amoreرواية حقيقية/ تمنيت اقتلاع ذلك القلب الذي نبض لك في الماضي لكم تمنيت تمزيق تلك الخربشات الطفولية التي وصلت اليك لقد تغيرت ألان وقلبي تغير انا الان اكرهك بل احتقرگ لقد انگشف قناعگ لقد استطعت خداع الجميع لكن لن تستطيع خداعي فانا ألان لا استطيع سماع اي...
