يله نبدء
بسم الله
-صلو على النبي-
ردت اطلع من باب المطبخ شفت الباب مقفول والمفتاح جان معلك بالمسمار ماكو خفت حيل واني اسمع صوت ضربه على باب المطبخ الداخلي الي يفوت للصاله التفت على صوت باوعت شفت واحد لابس دشداشه سوده وشماغ احمر ملثم مامبين من وجه شي ولابس نظارة سوده حتى ما تطلع عيونه ولابس جفوف سود
بيده كعدت اباوع عليه واحس رجليني بالكوه شايلتني..
وكعدت اعيط بعلات صوتي بخوف" ياناس يا عالم حرامي.
بس كلت هيج تقدم عليه وسد حلكي بيده اني متت خوف وكعدت اضرب بيه اريده يهدني مايفيد نزلت دموعي من الخوف والموقف الي انحطيت بيه واحس روحي راح اموت باي لحظة شفت جفجير على المغسله سحبته وردت اضربه كمش جفجير وهدني وكمت اصيح سد حلكي بيده وذب الجفجير وهل مره نطق وميزت صوته"زرفتي اذني تصيحين حرامي حرامي اذا تخافين شعندج باقيه بوحدج بالبيت هذا اني ثائر .
كال هيج وارتاحيت شويه بانه ثائر مو حرامي وفل شماغه ونزع مناظرة اباوعله ودموعي تنزل واحس جسمي يرجف بخوف انهاريت اعصابي تعبت وشلت كلاصات بلاستك موجودات يمي على المغسله وشلتهن وطلكتهن عليه وهو يصد بيهن واجه كمش اديني حتى ما الكحهن عليه وگلت"اطلع بره لا اكمل صياحي واخلي الناس تلتم عليك الله لايوفقك وكفت گلبي مكافك الي سويته تريد تصير حرامي بتالي عمرك.
ثائر"اش لاتدعين عليه وفوتي جوه بدلي والبسي شالج وخليني اوصلج لبيت جدو.
گلت من بين دموعي واني اوخر عنه بخوف ولزكت
بالباب"تحلم ما اروح اليوم ولا اصل لبيت جدي اروح غير يوم وباي حق تجي لبيتنه ترى راح اگول لصفوان عليك.
ثائر"بيت خالي ومحد يمنعني من الجيه وما مسوي شيء خطأ.
اثار"اي مامسوي شيء خطأ وتفوت مثل الحراميه للبيت هسه اطلع بره لا اصيح والم ناس عليك.
ثائر"خمس دقايق تتجهزين وتمشين كدامي لبيت جدو.
اثار"كلتلك ما اروح.
ثائر"ما انصحج تختبرين صبري اثوره ويجوز ما تتحملين باعي على نفسج دموعج تنزل وايدج ترجف بخوف.
اثار"ثائر كافي لخاطر الله تطلع كدامي ترى كرهت عيشتي من وراك البارحه جيت وضربتني وسكتت وما حجيت لاي احد مو معناتها تتمادى وتجي اليوم بكل صلافه لبيتنه والبيت مابي احد انت ما تحس اذا احد اجه وشافك ويايه بالبيت والبيت ما بي اي احد شراح يكولون اذا انت ماتخاف على سمعتك اني اخاف
استحي على نفسك شويه.
ثائر"اذا تريديني ما اجي عليج للبيت تعالي لبيت جدو كافي تتحججين بالمرض الى متى تبقين تتحججين يوم يومين شهر شهرين خما تبقين تتجنبيني العمر كله ماتفكرين بهاي تصرفاتج شراح دكولين لجدو والجده ومافكرتي اذا بقيتي دكولين مريضه راح يودونج للطبيب وتنكشف جذبتج.
أنت تقرأ
سأكون أثر في حياتك ((باللهجة العراقية))
Romanceرواية حقيقية/ تمنيت اقتلاع ذلك القلب الذي نبض لك في الماضي لكم تمنيت تمزيق تلك الخربشات الطفولية التي وصلت اليك لقد تغيرت ألان وقلبي تغير انا الان اكرهك بل احتقرگ لقد انگشف قناعگ لقد استطعت خداع الجميع لكن لن تستطيع خداعي فانا ألان لا استطيع سماع اي...
