يله نبدء
بسم الله
-صلو على النبي-
عصام"على الاقل تذكريني وياه بطريقج لو الحلويات كلهن لثائر واحنه ماللنه شيء.
اتفاجئت من حجيهم وهم وره ضهري وسمعت صوت ثائر يكلي بصوت ناصي"هسه كولي لصفوان عني اذا تتجرائين وتعلمي لاتهدديني ترى تخسرين اثورتي يله انتظرج كليله وخلينه نخلص اذا انتي سبعه.
استفزني كلامه وكلت"راح اكوله هسه باوع وشوف.
كلت هيج وباوعت على صفوان وگلت"صفوان احچي على ثائر قهرني.
اجه صفوان وكف يمي وكال" ثائر ليش تقهر اثورتنه.
ثائر"زعلت من عندي لان انطيتها كاكو دولار وحده وعلج واحد وشافت عندي كاكو دولار ثاني بجيبي ضامه ولان ما انطيتها ياه زعلت من عندي تريد ترجع الكاكو الي انطيته للها واني جنت اشاقيها اريد انطيها ياهن اثنينهن بس انتو جيتو وهي زعلت.
ابتسم صفوان وگال"لاتزعلين اثوره اليوم راح اشتريلج باكيت لعيونج واخذي الكاكوايه من عنده خطيه لان الهدية لاترد ولاتعطى.
عصام"لاتفشلينه مشتريها وتعبان اخذيها.
اسمع كلامهم وما اعرف ليش سكتت وماكدرت ارد بشي مدلي الكاكويه الثانيه من جيبه وانطاني ياها شفته يباوعلي ومبتسم اخذتها ورحت للغرفة وسديت الباب وخليت الكاكو بالجراري ودا الوم بروحي ليش بقيت ساكته لو كايله لصفوان عن تصرفاته ويايه ليش سكتت ما اعرف ليش ما كدرت احجي لصفوان وحرت شنو اكله لان كتل ثامر الله يرحمه ما اريد اشوفه
خفت اذا اكوله هيج خفت لا صفوان يرزلني ويكف ويه ثائر ضدي لان مبينين يحبونه ويجوز اي شخص احجيله عن ثائر راح يرجع اللوم عليه بان اني دا اتهجم عليه وهو ماله دخل شوفت ثائر دا تعبني واريد احجي وياه بلكت يتفهم ويعوفني بحالي تعبت حيل من عنده تعبت اشوفه كبالي واحسه بكل مره يشوفني يحاول يستفزني.
مالحكت اكعد خمس دقايق اجه عليه عصام وكالي تعالي سوي عشى ماما دكول لان ثائر راح يتعشى يمنه.
كمت وخليت الشال على راسي وهل مره شفت ماما كاعده وياه بالصالة واني رحت للمطبخ واحس روحي ضايجه هذا صدك بدون احساس شعنده جاي علينه تمنيت احطله سم بالعشى وكعدت استغفر ربي من وراه
هذا الشخص بدون احساس لو عنده احساس جان ما اجه علينه چان ماطب بيتنه بعد كل شيء سواه بكل جرائه كاعد وياهم ولاعبالك شيء صاير.
سويت العشى وكملت وكعدت بالمطبخ اجه صفوان اخذ العشى وراح وبعدها صبيتلهم جاي.
أنت تقرأ
سأكون أثر في حياتك ((باللهجة العراقية))
Romanceرواية حقيقية/ تمنيت اقتلاع ذلك القلب الذي نبض لك في الماضي لكم تمنيت تمزيق تلك الخربشات الطفولية التي وصلت اليك لقد تغيرت ألان وقلبي تغير انا الان اكرهك بل احتقرگ لقد انگشف قناعگ لقد استطعت خداع الجميع لكن لن تستطيع خداعي فانا ألان لا استطيع سماع اي...
