يله نبدء
بسم الله
-صلو على النبي-
خالد"هههههههههه من صدگ الي يشوف تصرفاتچ يگول وحده عمرها10سنين خلي احچيلچ سالفة بنت عمي حچيتي سولفتي طلعتي الي بگلبچ هسه شويه راح ترتاحين بس خليني اگلچ على موضوع زعلچ مني يدل اهتمامچ بيه لوما تهتمين بيه چان ماطول زعلچ ثلاث اسابيع وانقهرتي حيل مني واخذتي على خاطرچ راجعي حسابتچ بنت عمي قبل لادگولين بانچ تكرهيني والزواج گلتلچ موعده ومراح اغيره وتذكري فقره مادام انتي خطيبتي وعلى ذمتي ومادام خشمي يشتم الهوه مستحيل تكونين على ذمه شخص غيري.
انفال"انت تخبلت.
قاطعني خالد
خالد"اش گافي لاتعبين صوتچ گلت الي عندي سلامي بنت عمي فكري بكلامي زين.
گالي هيچ وطلع من الغرفه
حتى مانتظر يسمع ردي
صدمني گلامه راح واني احس گلبي يدگ بسرعة هذا اگيد تخبل مو صاحي لو صاحي چان مگال هيچ النوب علساس اني مهتمه بيه لذلك مقهوره اگيد تخبل اني قاهرتني دراستي خما مقهوره عليه.
باوعت بالمرايه شفت وجهي احمر وكمشت وجهي وگلت اگيد اني مصخنه شوشني گلام خالد ليش اعتذر مني ليش حچه ويايه واليوم تصرفاته غريبه هو مايحب يحچي هوايه واليوم حجه ويگول ماكون لغيره الي يسمعه يگول هذا يحبني بس اني اعرف خالد مايحبني صارت السالفه سالفة عناد قررت مستحيل اضعف گدامه راح ابقى احاربه بگل فرصه لحد مايفصخ خطوبتنه نزلت من الدرچ ورحت للمطبخ شفت عمتي بتول باوعتلي ومبتسمه.
بتول"باجر تعالي لبيت جدچ.
انفال"ليش.
بتول"صديق جدچ هو ولده راح يجون باجر علينه الصبح فاريدچ تچين تساعديني.
انفال"دللي عمتي من عيوني من صبح اكون عندج.
گلتلها هيچ وبعدها رحت كعدت بالصالة.
☆☆☆☆☆☆☆☆☆☆
بيت ابو جابر
السبت
عند انفال
اليوم اثار ما اجتي ويايه بقت بالبيت ماما ماخلتها تجي كالتلها اكعدي اقري بالبيت لان التهت تلعب وحتى واجباتها مكاتبتهن فكعدت ماما تراقبها اجيت ويه صفوان وصلني وراح للشغل
وصلت لبيت جدو سلمت عليهم ورحت مسحت الاستقبال ورتبته ورجعت للمطبخ لگيت عمتي بتول تغسل مواعين الريوگ.
انفال"عمه شراح نسويلهم غده شو مامحضره شيء.
بتول"وصينه على لحم من السوگ راح يجيب خالد هسه يوصل مابقاله شيء.
انفال"تمام لعد عود ناديني بس يصلج المسواگ وتبلشين تشتغلين راح اروح على جدتي.
بتول"ماشي.
أنت تقرأ
سأكون أثر في حياتك ((باللهجة العراقية))
Любовные романыرواية حقيقية/ تمنيت اقتلاع ذلك القلب الذي نبض لك في الماضي لكم تمنيت تمزيق تلك الخربشات الطفولية التي وصلت اليك لقد تغيرت ألان وقلبي تغير انا الان اكرهك بل احتقرگ لقد انگشف قناعگ لقد استطعت خداع الجميع لكن لن تستطيع خداعي فانا ألان لا استطيع سماع اي...
