يله نبدء
بسم الله
-صلو على النبي-
كلت هيج وكفت حتى انفوت جوه اني وياها تونه ردنه نفوت لكيت منتصر واكف يم الباب الصغير يخابر كلت بكلبي عزه العزاني بس لاسمع حجينه شفته ملتهي بتلفونه وعبرت من يمه اني واثار وفتنه جوه وكلت.
امنه"اكلج اثوره برايج سمع حجينه لو لا.
اثار"لا ما توقع سمع لان مبين مشغول بتلفونه لو سمع ردة فعله ماتكون هيج.
امنه"ريحتيني الحمدلله.
اثار"ربي يحفظكم.
فتت للصالة وجان تصيحلي ام سوسن اكعد يمها واجيتها واثار كعدت يم انفال وخربانه ضحك لان بكل لقاء تقريباً ينعاد نفس الحجي ام سوسن لو بيدها تزوجني من منتصر من اليوم بس مو بيدها.
ام سوسن"امونه خطية ماترحمين هذا المسكين منتصر بهل برد دا يجي يوميه او بين يوم ويوم اهنا لبيت جدو علمودج من كثر جياته بقت بس يجيب الفراش ويبات يمكم شويه تغزلي بيه احجيله حب بلكت يسرع العرس لان خلينالج مكياج ورتبناج وما فاد بيه يمكن مخلي بكلبه حجر ترى اذا بقيتي تنتظرينه راح نموت ومايصير عرسج ما شفت برودة دمه.
اتذكر دائماً كلام منتصر بس يكلي سايريهن بالحجي وگلت"الله كريم مايصير غير المكتوب والقرار الاول والاخير بكيف منتصر واني عاجبتني الكعده اهنا جده مدللتني هي وجدو ربي يحفظهم.
ام جابر"دللي بنيتي تستاهلين وتلحك على الزواج امونه عوفي المزوجين براحتهم بس لاتطلعين انتي كلتي لابو سوسن احبك خلي نزوج.
باوعت شفت ام سوسن استحت ودنكت راسها وكالت"جده تعرفيني جنت استحي حيل لذلك ما اريد احد يضيع فترة الخطوبه اذا اني شلعت كلب ابو سوسن قبل ومتندمه هسه خطية الواحد مضامن شكد يعيش والاعمار بيد الله بس الواحد لايضيع الشخص الي يحبه بسبب خجله لان الشخص المقابل ماراح يفتهمها خجل راح يفتهمها رفض فاني الي عليه انصح والباقي عليكم حتى يا امنه بعد ما احجي شي وياج براحتكم بعد بس لا تصيرين مثل عمه بتول شلعت گلب صگر عشرين سنه.
هزيت راسي وكعدت تحجي ويه انفال وعمه بتول واني كاعده والافكار تاخذني وتوديني كلها تحجي بالحب بس غير لو اعرف شنو هو واني ما اعرف روحي احب منتصر لو لا هو صاحب فضل عليه وما انسه مساعدته ليه وتعودت عليه وعلى زياراته حتى عصبيته تعودت عليها بس يعصب اسكت واهز براسي ويمشي الموضوع ابد مكسرت كلامه ولا جذبت عليه قررت اطرده من افكاري واني ادعي ربي ما سمعني احاول اركز بدراستي هو طلب من عندي درجات واذا اخذ درجات ناصية راح يرزلني.
☆☆☆☆☆☆☆☆☆
محافظة اربيل
يوم السبت.
بيت ابو جابر.
عند امنه
مر على سوالي لاثار بيت جدو اسبوع تاكدت منتصر ماسامع شيء لان ابد مجابلي طاري الي صار جان اكو سؤال يشغل بالي شلون خاله بتول وافقت تتزوج صگر وهي رادتها بالبداية بس خطبة شلون اقتنعت تتزوجه ماعندي احد اسئلة واخاف اسئلهن هسه حتى ميكللي بديتي تهتمين بقصص الحب يعني انتي تحبين منتصر وهو اني ما اعرف روحي شنو اشعر اتجاه منتصر.
أنت تقرأ
سأكون أثر في حياتك ((باللهجة العراقية))
Romanceرواية حقيقية/ تمنيت اقتلاع ذلك القلب الذي نبض لك في الماضي لكم تمنيت تمزيق تلك الخربشات الطفولية التي وصلت اليك لقد تغيرت ألان وقلبي تغير انا الان اكرهك بل احتقرگ لقد انگشف قناعگ لقد استطعت خداع الجميع لكن لن تستطيع خداعي فانا ألان لا استطيع سماع اي...
