يله نبدء
بسم الله
-صلو على النبي-
سگت الطفل وما رد تنهدت عقلي يم انفال وين راحت قررت اعوفه اكيد اهله اهنا خلي اروح ادور انفال وعود احير بهذا الجاهل توني ردت اعوفه كمش بعباتي بيده.
ردت افگ ايده وراد يبچي.....اباوع عليه الطفل حلو ابيض عنده خدود وعيونه صفر حاده ورموشه طويله وشعره بي لون مبين ملامحه عرف بس الورطه اول مره اشوفه تنهدت وگلت"شنو تريد مادگلي احچي اذا ما حچيت راح اوديك للشرطه هم يلگون اهلك.
اني گلت هيچ تورطت الجاهل گام يبچي والناس تباوع علينه اني بس اريد اسكته لا يروح يسويلي مشكله وعبالهم اريد اخطفه گعدت اسكت بيه شلته وگلت"اش حبيبي والله گاعد اشاقيك ما وديگ للشرطه اذا تسكت انطيك چگليته.
باوعلي وشويه بدأ يهدأ ردت انزله بالكاع كمش بركبتي.
الطفل"اريد چگليته.
بتول"انزل وخلينه نتفاهم.
الطفل"ما تريدين تعوفيني وتنهزمين اريد چگليته.
بتول"والله ما عوفك بس عوفني.
گلت هيچ ونزلته بالكاع فتحت چنطتي همزين لگيت عندي ثلاث چگليتات انطيته اياهن وسكت وگعد ياگل اكل وحده واثنين ضمهن بجيبه.
بتول"هسه گلي وين ماما و بابا حتى اوديك عليهم.
الطفل"بابا بغداد وماما بيت جدو.
بتول"ويه منو اجيت.
الطفل"جدو.
بتول"وينه جدك.
الطفل"گالي اكعد اهنا اشتري علاج واجيك.
اشرلي على كراسي الانتظار بالمستشفى.
بتول"تمام ابقى اهنا ولاتركض انتظر جدگ واني اروح.
شفت الطفل راد يبجي وگال"اخاف لاتعوفيني بوحدي.
اسمع كلام الطفل واكول شلون اهل شنو هذا الاهمال يرسلون طفل ويه جد والجد يعوف طفل بوحده الطفل ما يصير ينترك بوحده بمكان غريب كسرلي گلبي هذا الجاهل وشكله حلو يجذب الواحد له تريد ما تريد كدت الطفل من ايده ومشيت يم مكان شراء الادويه وكفته ويايه گلت بلكت يشوف گرايبه احنه واكفين واني عيوني دور على انفال صاح واحد گال"معتز تعال شنو الي جابك اهنا.
شفت الطفل راح ركض على واحد باوعت شفته
صگر...شافني وكاد الطفل من ايده وتقدم بتجاهي.
صگر"شنو الي گاعد تسوينه اهنا.
سگتت ومجاوبته باي حق يسالني ردت اعبر وسحبني من زندي وكفني گباله.
صگر"سالت جاوبي.
بتول"باي حق تسالني مالك حق تسالني عوفني هد ايدي لا اصيح والم الناس عليك اني شگلت گافي تطلع گدامي انساني بتول ماتت.
أنت تقرأ
سأكون أثر في حياتك ((باللهجة العراقية))
Romanceرواية حقيقية/ تمنيت اقتلاع ذلك القلب الذي نبض لك في الماضي لكم تمنيت تمزيق تلك الخربشات الطفولية التي وصلت اليك لقد تغيرت ألان وقلبي تغير انا الان اكرهك بل احتقرگ لقد انگشف قناعگ لقد استطعت خداع الجميع لكن لن تستطيع خداعي فانا ألان لا استطيع سماع اي...
