يله نبدء
بسم الله
-صلو على النبي-
اثار"وانت شنو دخلك وفتحت الباب عبالي ثامر مو انت لو ادري بيك انته فلا افتحلك الباب.
ثائر"هههههههه انتي بنت خالي واني ابن عمتج واكبر منج گلت گلمه طلعتي لسانج همزين ابقي هيج ام لسان عبالي لسانج راح وگافي حاقده عليه ترى ماسويت جريمه بحقچ بس نصحتج وترى اعرف ثامر مو اهنا ردت اوصيج تصرفي طبيعي مثل قبل علمود ثامر لان خطيه سألني وقلقان تعرفين بيه اني صديقه الروح بالروح وانتي اخته لمدلله فماردته يشيل هم لذلك اريد اكلج خلينه نرجع مثل قبل على الاقل كدامهم بيت جدو وگدام ثامر شنو گلتي ترى اني بس نصحتج ماسويت جريمه بحقچ خلينه ننسى الي صار ونرجع مثل قبل.
اثار"مانرجع مثل قبل بس موافقه احچي وياگ طبيعي بس كدام ثامر اذا بوحدنه ما احچي وياك.
ثائر"لعد انتي هسه شنو گاعد تسوين مو گاعد تحچين ويايه.
اثار"راح افوت جوه احسلي تعبتني.
ثائر"فوتي وبعد لاتطلعين على الباب بدون شال مايصير ولاتفتحينه لحالچ اذا ما تتاكدين منو الي يدگ الباب.
اثار"وانت شنو دخلك بيه مادگلي.
ثائر"ابن عمتج وصديق اخوچ واختي صديقتچ اگول اثوره ردت اكلچ عن امنه.
اثار"شبيها امنه خما صاير بيها شي.
ثائر"لا بس چانت تريد تبطل من المدرسة لان راسبه وبعدين حجينه عليها واجه منتصر حجيه وياها وافقت ترجع گليلي اثار صاير شي ويه امنه خلاها تريد تبطل من المدرسه معقوله سالفة الرسوب هيچ اثرت بيها تعرفين شي اذا تعرفين ياريت دگليلي بلگت اگدر اساعدها.
اثار"الحمدلله المهم رجعت اداوم رادت تعوف المدرسه لان رزلتنه معلمة الانكليزي گدام الصف احنه الراسبين وهي اخذت اقل شي بس اكو طالبتين انزل من عدها فحسيتها حيل تاثرت بس المعلمه راح تعيدلنه الامتحان يوم الاحد.
ثائر"شدو يحلكم بالدراسة ولاتخلون احد يضحك عليكم تمام مايفيدكم شيء غير دراستكم.
اثار"لاتخاف محد يضحك علينه واذا قصدك على الخواطر الي كتبتهن قبل الك گلتلك حركت الدفتر وبطلت كتابه وقررت اركز على دراستي بس تعرف شنو كتبت باخر سطر فاتك.
ثائر"شنو.
اثار"كتبت سأكون أثر في حياتك وحرگتها عاد.
ثائر"ههههههههههه اويلي شلون واثقه اصلاً الواحد بس يبتعد عنچ ينساچ اگلچ انتي منو ذكريني باسمچ شو ماتذكر اسمچ.
أنت تقرأ
سأكون أثر في حياتك ((باللهجة العراقية))
Romanceرواية حقيقية/ تمنيت اقتلاع ذلك القلب الذي نبض لك في الماضي لكم تمنيت تمزيق تلك الخربشات الطفولية التي وصلت اليك لقد تغيرت ألان وقلبي تغير انا الان اكرهك بل احتقرگ لقد انگشف قناعگ لقد استطعت خداع الجميع لكن لن تستطيع خداعي فانا ألان لا استطيع سماع اي...
