يله نبدء
بسم الله
-صلو على النبي-
كطع ابويه الاتصال ودموعي نزلت وكلت"زواج شنو اني ما موافقه ازوجك شبيك ساكت اتصل عليه وگله سامحتني بس ما وافقت تتزوجني.
صگر"خلي نصل البيت واني افهمه لاتخافين .
بتول"خابره هسه وكله اذا ما تخابره راح اخابره اني.
صگر"اش على كيفچ اعصابج اني افهمه بس نصل ميحتاج تخابرينه وكليلي بتول ليش ماتوافقين ننخطب اني وياج هيج شكم شهر وشوفي نفسج بلكت تتقبليني واذا ماتقبلتيني بفتره الخطوبه عادي نفصخ خطوبتنه وكل واحد يروح بطريقه.
بتول"قابل اني خبله اوافق انخطب لك حتى اريد ما اريد تخليني اتزوجك هاي سالفه اضحكو بيها على غير بنات بس عليه ماتعبر ما اوافق ازوجك.
صگر"ههههههههه هل كد ماعندج ثقه بيه اذا اوعدج افصخ الخطوبه اذا ما ردتيها تصدكيني.
بتول"ماتفيدني هاي سوالف من الاساس ما اوافق على الخطوبه تعبت من حچي الناس اذا انخطبت لك بعد سنين طويله وانفصخت الخطوبه راح يكولون شاف عليها ابن عمها وفصخ خطوبتها مراح يرحمني حچي الناس ولا اني اتحمل.
صگر"لعد خلينه ننخطب فتره وبعدها نتزوج واني اخليج تحبيني مثل قبل شكلتي.
بتول"ما موافقه.
صگر"هههه منين ما اجيچ انتي ماتوافقين حرت شنو اسوي على الاقل كليلي اذا واحد تقدملج للزواج غيري توافقين لو لا.
بتول"اذا خايف عبالك راح اتزوج غيرك وكل شويه راجع تخطبني فلا تخاف شلت موضوع الزواج من عقلي لذلك كافي تخطبني اني ما مفكره لا اتزوجك ولا اتزوج غيرك.
صگر"عادي اسئلج بس عفيه لادكليلي انت مالك دخل او شنو يخصك بالموضوع تعرفيني اني فضولي بكدج ويجوز اكثر اذا انتي تكدرين ضمين فضولج اني لا.
بتول"اسئل انت خلصتها كلها اسئله بلكت اذا اجاوبك تعوف الموضوع نهائي لان والله تعبت ومابيه حيل اتجادل وياك راسي يوجعني وماليه خلكك.
صگر"ليش ماتريدين تتزوجين هسه.
بتول"شبقى من العمر هسه عمري34كم شهر راح اصير35 سنه كبرت على سالفة الزواج والجهال والانسان ما يعرف ايمت يموت وباي لحظة اريد ابقى هيچ متونسه ومرتاحه بدون هموم.
صگر"الحب والزواج مايعرفن عمر اعرف نسوان بالاربعين يله يتزوجن عادي شبيچ بعدچ صغيره وشحلاتج تخبلين باوعي عليه لعد اني شكول عمري43سنه وجد واريد ازوج.
أنت تقرأ
سأكون أثر في حياتك ((باللهجة العراقية))
Romansaرواية حقيقية/ تمنيت اقتلاع ذلك القلب الذي نبض لك في الماضي لكم تمنيت تمزيق تلك الخربشات الطفولية التي وصلت اليك لقد تغيرت ألان وقلبي تغير انا الان اكرهك بل احتقرگ لقد انگشف قناعگ لقد استطعت خداع الجميع لكن لن تستطيع خداعي فانا ألان لا استطيع سماع اي...
