يله نبدء
بسم الله
-صلو على النبي-
توني اخذت اختبار فحص الحمل من عدها والتفت ورايه وشفت صگر واگف يم باب المطبخ ويباع عليه ومبين سمع حچينهتوني اخذت اختبار فحص الحمل من عدها والتفت ورايه وشفت صگر واگف يم باب المطبخ ويباع عليه ومبين سمع حچينه.
كالي صگر بتول جيبي عبايتج والحكيني.
ام سوسن"هاج عمه عبايتي وروحي اني اسوي ريوگ.
اخذت العباية من عدها.
ومشيت وره صگر وحسيته ضايج من الي صار طلع من بيت اهلي وفتح باب بيتنه وفتت وياه للبيت وسد الباب.
لحكته وگلت"صگر اسمعني.
فات جوه ومارد عليه وكعد على القنفه وصد بغير جهه عرفته زعل هاي اول مره يزعل من عندي حتى على وجهي ماباوع.
دمعت عيوني من حركته واجيت عليه اثنيت رجليني على الكاع وكعدت كباله وكمشت ادينه وباوعت عليه وگلت"زعلان مني صگوري.
صگر"ليش تجذبين عليه بتول ودكولين تريد تبقين علمود امنه وانتي متفقه ويه ام سوسن وجايبتلج اختبار منزلي لفحص الحمل يعني لوما جيت صدفه وسمعت حجيكم انتي ما ناويه دكليلي.
بتول"لا والله ردت اتاكد واسويلك ياها مفاجئه اذا طلعت حامل.
صگر"وفرضاً لو متاكده وطالعه مو حامل جان شنو سويتي.
نزلت راسي ونزلت دمعتي وگلت"چان مكتلك.
صگر"شوفي بتول اني عايفج براحتج وماضغطت عليج ابد بزواجنه وكل الي كاعد اسويه علمودج بس ردت من عندج شيء واحد اريد اعرف عنج كل صغيره وكبيره بحياتج ترضينها اني شكبري وتجذبين عليه لا احترمتي شيباتي ولا العشره الي بيناتنه وهسه شدكول ام سوسن عنج ورطتي المره ويه زوجها هسه شنو راح يكول ابو سوسن عني ماعدها رجل يشتريلها لو زوجها مو مهتم بيها حتى تطلب من غيره.
نزلت دموعي ماتحملته يعاتبني ويحچي عليه وگلت"اسفة مو قصدي شيء والله مردت افرحك مثل ذاك اليوم وتاخذني للدكتوره واطلع مو حامل وتنقهر ماتوقعتك تزعل لاتزعل مني عفيه حتى هذا الاختبار راح ارجعه لام سوسن وبعد ما اريده غلطت وماكلتلك وعد منا ورايح اكلك بكل شيء يصير ويايه بس فدوه لگلبك حبيبي لاتزعل من عندي.
سحبني وخلاني اكعد بسده وخله راسي على صدره وكعد يمسح على ظهري ودموعي ازدادت.
صگر"امسحي دموعج مو زعلان منچ ولا اكدر ازعل بس بعد لاتعدينها وترى اني ادري من البارحه بليل ابو سوسن كالي بهل بيت كل كلمة تنكال تصلني ولد اخوانج ابد مايقصرون يعتبروني مثل عمهم وهسه امسحي دموعج وروحي افحصي ولاتنقهرين اذا ماطلعتي حامل الرزق بيد الله وبعد منا ورايح لاتفكرين تضمين على اي شيء لان يصلني الحچي وبعدين ازعل.
أنت تقرأ
سأكون أثر في حياتك ((باللهجة العراقية))
Romanceرواية حقيقية/ تمنيت اقتلاع ذلك القلب الذي نبض لك في الماضي لكم تمنيت تمزيق تلك الخربشات الطفولية التي وصلت اليك لقد تغيرت ألان وقلبي تغير انا الان اكرهك بل احتقرگ لقد انگشف قناعگ لقد استطعت خداع الجميع لكن لن تستطيع خداعي فانا ألان لا استطيع سماع اي...
