يله نبدء
بسم الله
-صلو على النبي-
منتصر"اني كلت ما احب الالعاب ومخليتني اكمل كلامي وكلتي تمام وكعدتي تبجين بس اني ما گلت ماموافق اني لخاطركم انتي واثار مستعد العب وياكم ومايهمني احد اصلاً الروحة لمدينة الالعاب اني سويتها لخاطركم لوما انتو مستحيل اسسلهم هيج روحه مدگليلي شنو سبب هل دموع شو صايره من صدگ ام دميعه لو دموعج من صدگ مجهزتهن بس ليه شو صايره حساسه وبسرعه تبجين.
امنه"اني مو ام دمعيه.
منتصر"لعد شنو هاي الدموع.
امنه"ردت اكلك تراب فات بعيوني بس اخاف تعتبرني اجذب عليك واترزل.
منتصر"زين بعدج مذكره كليلي هسه شنو سبب هل دموع لو مرزلج جان كلت بس اضن اني مسويتلج اي شيء وانتي بجيتي.
امنه"اني ضايجه وجيت اتونس اهنا وفرحت بس كلت البارحه عن روحه لمدينة الالعاب حتى ما نمت الليل عدل من كثر ما فرحانه ومتحمسه للروحه ويله ويله اريد اشوف اثار حتى اكللها اي لعبة نلعب وبس سالتك عادي نلعب بالالعاب انت كلت ماتلعبون بعدين دكول تلعبون ولازم احد من الاكبار وياكم ردتك تلعب ويانه ودكول ماتحب تلعب ففكرت انو انت بالاساس ماتريدنه نلعب وخليت هذا الشرط لحالك حتى سكتني ومالح عليك توقعت حتى لو نلكه شخص غيرك انت مراح تخلينه نلعب لذلك دموعي نزلت.
باوعت شفت منتصر عصب وگال"الله على افكارج هيچ ضنچ بيه بعد كل هذا الوگت اني اكول هيچ حتى اسكتكم تعرفين العتب مو عليج العتب عليه الي كاعد استخطيكم واسوي كل شيء علمود مصلحتكم واريد افرحكم وتاليتها هيچ تجازيني احس تعبي وياگم ضايع روحي من كدامي يا امنه.
اسمع كلامه ودموعي نزلت وتندمت لان حچيت هيج.
وگلت"اسفه مو قصدي شيء والله.
عاط عليه وگال"روحي من كدامي يا امنه ليش تحبين تكسرين كلامي.
عفت كل شيء وطلعت من المطبخ خوفتني عصبيته
همزين جده مو بالصالة وماشافتني صعدت لغرفة عمتي بتول ورديت الباب وكعدت ابجي واني اكول شگل البچي والقهر مكتوب عليه سواء چنت يم عمامي او يم خوالي كاعده اذكر الي صار وموعي تنزل واني اكول يربي عصب منتصر اكيد زعل لذلك طردني من المطبخ حتى مخلاني احچي هو مايريدني اجذب عليه شو بس حجيتله رزلني واكيد زعل مني مسحت دموعي وگلت فكري يا امنه هسه الساعه ب11صبح مابقى شيء للعصر وراح نروح لمدينة الالعاب لازم احل المشكله الي صارت لان اذا اروح اهناك ومنتصر معصب عليه اثق مراح اتونس ابد ولا راح نكدر نلعب شجعت روحي شويه وتذكرت مواقف منتصر ويانه وشلون رجع علاقتي بثائر ورضاني اني واثار تذكرت اني سبوع باقيه اهنا ومنو يكول بعد التقي بيهم والاوضاع ماتنعرف وبالنزوح هواية ناس ماتت وناس تفرقت واني جيت اصنع ذكريات حلوه مجيت اسبب زعل وهاي اول مره شخص يزعل مني.
أنت تقرأ
سأكون أثر في حياتك ((باللهجة العراقية))
عاطفيةرواية حقيقية/ تمنيت اقتلاع ذلك القلب الذي نبض لك في الماضي لكم تمنيت تمزيق تلك الخربشات الطفولية التي وصلت اليك لقد تغيرت ألان وقلبي تغير انا الان اكرهك بل احتقرگ لقد انگشف قناعگ لقد استطعت خداع الجميع لكن لن تستطيع خداعي فانا ألان لا استطيع سماع اي...
