يله نبدء
بسم الله
-صلو على النبي-
اثار"امنه على كل كلمة جانت دكول انت تريد مصلحتنه وتثق بيك وهي ابد ماتنسه مساعداتك النه حتى مره كالتلي بان تعلمت ماتجذب من وراگ وجانت بكل امتحان بالوزاري تبذل جهدها وتتعب دگول ما اريد اضيع تعب منتصر تريدك تفتخر بطالبتك وبس تشجعها تفرح چانت صح تخاف من عصبيتك بس كل مره دكول منتصر مستحيل ياذينه وبانك تريد مصلحتنه.
منتصر"مو ضربتكم بالمسطره.
اثار"نستاهل والله لان ماتوبنه من سالفة اريج نعرفك ماتسوي شيء لحالك وتريد مصلحتنه بفضلك حسيت على دراستي وصرت شاطره فضلك علينه للموت ماننساه.
منتصر"دللو مسويت شيء وتهمني مصلحتكم واني حاضر بكل وگت تحتاجون ان شاء الله ولاتفكرين بامنه وركزي بدراستج شفتي امنه شلون تهتم بالدراسة ومنا لعطلة نصف سنة او اخير السنه اكيد تجي امنه.
اثار"توعدني تجي امنه انت تكدر تروح تجيبهم.
منتصر"ما اكدر اوعدج بس احاول اخليهم يجون اصبري الغايب عذره وياه.
اثار"ماشي ان شاء الله اصبر.
☆☆☆☆☆☆☆
محافظة السليمانية
بيت ابو مازن
عند امنه
مرت الايام والاشهر صار عرس خالتي بتول ماكدرت احضره اجاني خالد للمدرسة وكلتله عندي امتحانات شفته سأل عن مستواية الدراسي وكالي شدي حيلج وبالتوفيق وراح واني اكول لو منتصر بداله جان رزلني
على درجاتي جية خالد وسؤاله عن دراستي ذكرتني لازم اشد حيلي بالدراسه رغم الضروف الي كاعد امر بيها ورزايل عمتي قدرية اليه
وراحت ماما طولت ثلاثة ايام ورجعها صفوان ماخذ اجازه من شغله رجعت ماما وسالتها عن اخبار خوالي عاد انطتني كم صورة للعرس رحت بغرفتي وكعدت اكلب بيها شفت اثار لابسه كوستم موروني واكفه وياهم بالصورة الجماعيه وطالعة حلوه تلمس بالصورة شكل اثار ونزلت دموعي واني اكول مشتاقتلج اثار انتي هم اشتاقتيلي حاولت اهدي بروحي وگلت اكيد هسه بعطلة نص السنة اروح لخوالي هسه علمود الدراسة ميخلوني اروح.
قاطع افكاري جيت ثائر لغرفتي.
ثائر"شنو سبب هل دموع.
امنه"مشتاقه لخوالي ومشتاقه لاثار بس شفت الصور تذكرتهم.
اخذ ثائر صور وكلب بيهن وگال.
ثائر"لاتبجين مصير الحي يتلاكه على الاقل صديقة عمرج عايشه وتتنفس تتذكرينها ويجوز هي تذكرج احمدي الله واشكرية المفروض تفرحين بس تشوفين صورها وهي بخير مو تكعد تبجين.
أنت تقرأ
سأكون أثر في حياتك ((باللهجة العراقية))
Romanceرواية حقيقية/ تمنيت اقتلاع ذلك القلب الذي نبض لك في الماضي لكم تمنيت تمزيق تلك الخربشات الطفولية التي وصلت اليك لقد تغيرت ألان وقلبي تغير انا الان اكرهك بل احتقرگ لقد انگشف قناعگ لقد استطعت خداع الجميع لكن لن تستطيع خداعي فانا ألان لا استطيع سماع اي...
