يله نبدء
بسم الله
-صلو على النبي-
سحبني من زندي وكفني يمه وبعدها شالني جيت اوخره ماكو لان عندي ايد وحده سليمه واضربه على صدره وگلت بصوت عالي"نزلني نزلني شبيك ما اروح وياك نزلني.
ما اهتم لكلامي وطلع من الغرفه شايلني وقبل لا ننزل الدرج كالي" اذا تريدين ماتكعين ونتكسر اني وياج انصحج تبطلين ضربي.
بطلت ضربه لان خفت لا نكع ونموت ونزل بيه درج واني اصيح نزلني نزلني ما اروح جدو جده ما اروح.
طلع جده وجدو من الاستقبال وكال منتصر"بعدين نتفاهم جدو وجدع هسه راح نروح للمستشفى جده اذا ما تصير زحمه خليلنه نعالاته بالسياره.
الجده"خلي انطيك عبايه هم انتظر شويه ميصير تروح هيج راح انطيها عباية بتول.
راحت جده تجيب العبايه
طلع بره وهو شايلني ومقبل ينزلني وجدو يباوع علينه واشوفه مبتسم ماطولت جده فتحتله باب السيارة ركبني وردت انزل مخلاني وخله النعالات والعبايه بالسيارة وقفل الباب واني ادك على الشباك واكول"جده كوليله خلي يعوفني جده ما اريد اروح ما اريد اروح.
ركب منتصر السيارة وماهتم لصياحي وعاط عليه"اذا بقيتي تبجين وتصحين راح ابتلي بيج من صدك ومحد يخلصج مني وشفتي لا جدو ولا جده يدخلو.
كعدت يم الباب بخوف واني اباوع على جده من الشباك واكفه تباوع هي وجدو من الطرمه مسمعت رزالت منتصر ليه شغل السيارة ومشى على السريع واني دموعي تنزل وايدي توجعني واباوع بده الدم يطلع من عدها انطاني كلنس وكال"خليها جوه ايدج لاتضغطين على مكان الكزاز حتى ميفوت بداخل ايدج.
وصلنه المستشفى بسرعه وكالي البسي انعالاتج وعباتج وانزلي اذا ماتريديني اشيلج كدام الناس كلها.
امنه"لبست النعالات بس العبايه شلون البسها.
منتصر"انزلي اني اساعدج اذا مانزلتي ترى راح اشيلج كدام الناس.
نزلت بخوف وكعد يلبسني العبايه.
ومشيت وياه ودموعي تنزل وايدي دمرتني من كثر ماتوجعني.
بس شفت الطوارئ هذا الي كاعد يخيطون راسه وهذا المكسور خفت.
وگلت"منتصر اني خايفه شراح يسون بيدي اغلبها كزاز.
منتصر"بس يطلعون الكزاز ولاتخافين اني يمج ثقي بيه اوه اعذريني نسيت انتي هسه ماتثقين بيه والدليل لازكه بالباب طول الطريق عبالك اريد اخذ روحج.
أنت تقرأ
سأكون أثر في حياتك ((باللهجة العراقية))
Romansرواية حقيقية/ تمنيت اقتلاع ذلك القلب الذي نبض لك في الماضي لكم تمنيت تمزيق تلك الخربشات الطفولية التي وصلت اليك لقد تغيرت ألان وقلبي تغير انا الان اكرهك بل احتقرگ لقد انگشف قناعگ لقد استطعت خداع الجميع لكن لن تستطيع خداعي فانا ألان لا استطيع سماع اي...
