يله نبدء
بسم الله
-صلو على النبي-
گلت هيج وفتت جوه لغرفتي واني احاول ما اخلي دموعي تنزل اول عيد راح يمر علينه وثامر مو موجود ميت وثائر اني محيته من حياتي وامونه بعيده عني بسبب الضروف وانفال متزوجه حتى لو اشوفها ملتهيه بحياتها ويه خالد هذا اول عيد ما اهتم بيه وافكر شنو البس لان امنه مو ويايه كاعده افكر بيني وبين نفسي واكول هل امنه تفكر بيه مثل ما افكر بيها لو التقت ويه عمامها ونستني.
قاطع افكاري ماما نادتني كالتلي اثوره حياتي تعالي جهزي الزلاطه للفطور...كلتلها تمام وطلعت ويه ماما للمطبخ.
☆☆☆☆☆☆☆☆
اقليم كردستان العراق
محافظة اربيل
بيت ابو جابر
عند بتول
مرت الايام وصكر بعد الي صار بيني وبينه بعد ما رجع حچه ويايه ولا حاول يفتح ويايه اي موضوع چنت اشوفه قليل منتصر اجه وبقينه يومين بغداد بعدها اجينه لاربيل چنت احچي ويه ابتهال وابنه وحفيده معتز طبيعي بس صگر ابد محاول يحچي ويايه
اباوع على الكلاده بركبتي واني اذكر الي صار اني بس زتيت القلاده بعد مجيت يمها لميت كل غراضي وشلت جنطي وطلعت سلمت على ابتهال واجن بناته ودعني سلمت وطلعت ويه منتصر وصلنه صگر للمطار وابد ما حچه ويانه فتنه لصالة الانتضار وسافرنه لاربيل اول ماوصلت لكيت بابا متاجرلنه شقه غرفه له ولماما وغرفه ليه....وصلنه ومنتصر حط الغراض بغرفتي وراح سلمت على ماما وبابا ودموعي نزلت وسلمت على اهلي وبنات اخوتي ولد اخواني جانو كلهم موجودين سلمت عليهم وكعدنه شويه وياهم بعدين
فتت جوه لغرفتي تعبانين من طريق وصلنه الدنيا ليل فتت للغرفه وكعدت على جربايه وسديت الباب توني فتحت جنطة السفر لكيت ضرف محطوط اني متاكده هذا الضرف جان ماكو بس سديت الجنطه شلته بيد ترجف واحس كلبي يدك بخوف فتحته وشفت قلادتي الي هداني ياها صگر موجوده بداخل الضرف شلتها ودموعي نزلت خليتها بحضني وشلت الرساله بيد ترجف.
((اني اعرف بيچ تعتزين بالاشياء القديمه وخصوصاً الاشياء الي انتي تحبينها ادري شكد تحبين هاي القلاده وبغض النضر بان اني الي اهديتها لج اطلب منج طلب انسي منو الي انطاها لج واحتفضي بيها تعرفين شكد الدنيا عجيبه اعرف الاشياء الي تحبينها واعرف الاشياء الي تكرهينها حتى اعرف بس جنتي تتمرضين او تجوعين حيل وماتشتهين تاكلين اي شيء تاكلين كباب اعرفچ شكد تحبين الكباب لذلك اشتريته لج بس امتنعتي عن الاكل ادري بروحي اذيتچ هوايه وانتي ماسامحتيني ابد وتدعين عليه ويجوز حتى تتمنين موتي سبحان الله مغير الاحوال چنتي تحبيني وماترضين تشوفين حتى القهر بعيوني وهسه تكرهيني اذا انتي دكولين بان بتول ماتت قبل14سنه وبسببي لعد خليني اكلج سالفة بتول صگر مات قبل20سنه وعلى ايدچ كتلتيني برفضچ اليه وبدون سبب بس ما اكدر الومچ لان چنتي بعدچ صغيره وطلع السبب كله من وره عمتي ساميه تعبت ادور اسباب ومنو الخطأ بموضوعنه
أنت تقرأ
سأكون أثر في حياتك ((باللهجة العراقية))
Romanceرواية حقيقية/ تمنيت اقتلاع ذلك القلب الذي نبض لك في الماضي لكم تمنيت تمزيق تلك الخربشات الطفولية التي وصلت اليك لقد تغيرت ألان وقلبي تغير انا الان اكرهك بل احتقرگ لقد انگشف قناعگ لقد استطعت خداع الجميع لكن لن تستطيع خداعي فانا ألان لا استطيع سماع اي...
