يله نبدء
بسم الله
-صلو على النبي-
قدريه"بس لاناقصچ كبر صخام ذنيج بنات عمج شفتيهن شنو لابسات لابسات عبايات وانتي لابسه تنوره وقميص وسكتنه بس هسه تلبسين تراكسوت وماتستحين ذنيج بنات اعمج يلبسن گلابيات حتى شعراية من شعرايات راسهن ماتبين گلشي ينكاللهن يكلن حاضر عمه وانتي تردين عليه شگلك يا ابو مازن ماعرفت تربي بنتك.
ابو مازن"امسحيها بوجهي اخيتي اني اعلمها ومايصير خاطرج اله طيب والي تريدينه يصير.
اسمع كلام عمتي واسمع كلام بابا والدمعه حابستها بطرف عيني واحاول ما اخليها تنزل شنو هاي احنه وين عايشين لو باقيه على حكم خوالي وجدي احسن هاي ابد متتفاهم.
قدريه"هين اسمعيني زين وابوج وامج يسمعوني من باجر اذا اچي والكاچ لابسه هيچ لبس اله اشككه عليچ وكولي قدريه ماكالت يعني ماتستحين تلبسين هيج ماخفتي لا احد يشوفج چان الناس شدگول ماعرفنه نربي بناتنه.
امنه"بس ماعندي غير لبس.
قدريه"انجبي ولا كلمه تراددين مرت لخ اضربج ولادگولين قدريه ما كالت وفلوس ابوج مو قليله يطلع يشتريلج شي مستور وفضت راحت اكيد تاثرتي بخوالچ اهنا ماللنه دخل بشنو يلبسون ويگولن اهنا كل شيء اني قدريه اكوله يتنفذ فاهمه.
اسمعها تحچي واني اكول الله واكبر مابزعت كل شويه قدريه قدريه والله حتى اسمها حفظته.
صحتني صوت رزالتها وگالت"جعلچ بالطرش ان شاء الله كولي امين حچيت وياج ليش ماتردين اكلج فاهمه وانتي ساكته.
امنه"افتهمت افتهمت.
گلت هيچ وماصدگت على الله تسكت يمه هاي شلون رجلها متحملها ماينعاش وياها ابد.
وهمزين حولت لغير موضوع وخلصت حچي وطلعت وماما وصلتها لباب وعاد بابا گالي"امنه ترى العيشه اهنا مو مثل العيشه يم خوالج الي عشتي اهناك انسي اي واحد اهنا يكلج على اي شيء كليله ماشي صار وادلل بعيوني تصرفچ اليوم خطأ وبعد ما اريده يتكرر.
امنه"بس مكلت شيء خطأ بس گلت اني بعدني صغيره وهي رزلتني.
ابو مازن"گلت الي عندي انتبهي على تصرفاتج منا ورايح.
امنه"بس اني ماسويت شيء خطأ هي استلمتني رزايل مدري شبيها.
قاطعتني ماما وگالت"امونه عيب احترمي الي اكبر منچ فاهمه.
ابو مازن"ديربالج على تصرفاتج ما اريد احد يكول بنت محمد مو مربيه وماتسمع كلام احد.
أنت تقرأ
سأكون أثر في حياتك ((باللهجة العراقية))
Romanceرواية حقيقية/ تمنيت اقتلاع ذلك القلب الذي نبض لك في الماضي لكم تمنيت تمزيق تلك الخربشات الطفولية التي وصلت اليك لقد تغيرت ألان وقلبي تغير انا الان اكرهك بل احتقرگ لقد انگشف قناعگ لقد استطعت خداع الجميع لكن لن تستطيع خداعي فانا ألان لا استطيع سماع اي...
