يله نبدء
بسم الله
-صلو على النبي-
باب الحوش انفتح واحد فات وكع المي بيه باوعت شفته منتصر وبنطرونه الكابوي الازرق كله صار مي من جوه اباوع عليه واحس الدم نشف بعروگي
ورجليني جمدت بعد حتى ماكدر اتحرك واني اباوع على ملامحه انگلبت للعصبيه واني اگول يربي سترگ فگرت انهزم بس گلت هاي الطريقه متفيد ويه منتصر لان يجوز نلتقي بوگت اخر ويعيدلي الموضوع مثل سالفه طوبه.
عفت الماسحه وگعت بالگاع وتقدمت عليه واحس روحي راح اموت من الخوف.
وگلت"اسفه والله موقصدي انگعك.
منتصر"لخاطر الله مادگليلي شدا تسوين اهنا عميه خما عميه.
امنه"گله من وره خالد هو خلانه نغسل الطرمه واني عمري گله مالازمه ماسحه وردت اخلص بسرعه ودا انشف المي وبللتك بدون مادري.
منتصر"ليش خلاكم تغسلون الطرمه.
امنه"بللناه هو وسعود وثائر بالمي من صونده بدون مندري لان ردنه نخوف الجهال وخلونه نشف الطرمه.
منتصر"مكفاج مبللتهم بالمي واني تبلليني بمي مطين ماقصرتي ابد بنت عمتي.
امنه"والله مو قصدي ابللك قابل اني بدون عقل حتى انكعك.
منتصر"مدگليلي شسوي بيچ هسه خليتي بنطروني نصه طين.
امنه"گلشي لاتسوي امانه شوفني مسكينه وعلى كد حالي والشمس شعلاتها ومشيليني ماسحه مكسور ظهري لا بيه حيل اتحمل رزاله ولا شيء اخر.
منتصر"روحي كملي غسل الطرمه اضن خالد ابد ماقصر وياگم وراح اكعد بالحديقه واباوع عليج واتاكد اذا انهزمتي او سويتي شيء غلط راح افرض عليج عقوبه اكثر من ذاك اليوم راح احرمج حتى من طلعه للحديقه بيت جدو واذا اعترضتي اكللهم عن الي صار.
امنه"مو اعتذرت منك ليش حاقد عليه.
منتصر"واني شگلت گلشيء ماسويت بس ردتج تكملين شغلج.
سمعت صوت خالد وباوعت.
خالد"امنه اني شگلت ليش عايفه شغلج.
حرت شگله اگله بللت منتصر ونوب اترزل واذكر منتصر بالي سويته وماصدگت على الله خله سالفه تعدي على خير.
منتصر"هي ودا تغسل الطرمه نكعتني فگلتلها منو الي خلاج تغسلين فگالتلي انت فگلتلها راح اجيب كرسي واتاكد انو كملتي شغلج.
سمعت خالد يضحك وگاله"الي يشوف حالك يحمد الله على حالنه المي ارحم من مي وتراب باوع على بنطرونك شلون تدمر وانتي امنه قابل عميه ماتشوفينه كدامج.
امنه"گله من وراگ نگعت منتصر والمسكين ماله دخل.
خالد"امشي كدامي لا اخلي اثار تفوت جوه وانتي تكملين غسل بوحدج.
أنت تقرأ
سأكون أثر في حياتك ((باللهجة العراقية))
Romanceرواية حقيقية/ تمنيت اقتلاع ذلك القلب الذي نبض لك في الماضي لكم تمنيت تمزيق تلك الخربشات الطفولية التي وصلت اليك لقد تغيرت ألان وقلبي تغير انا الان اكرهك بل احتقرگ لقد انگشف قناعگ لقد استطعت خداع الجميع لكن لن تستطيع خداعي فانا ألان لا استطيع سماع اي...
