يله نبدء
بسم الله
-صلو على النبي-
گال هيچ باوعت عليه ونزلت دموعي هو اني دموعي حابستهن وردت سبب حتى اطلعهن اباوع عليه ودموعي تنزل ومحجيت شي.
منتصر"جاوبي شبيچ ساكته.
امنه"الله عليك عوفني وعوف رزايلك لغير يوم لاتزيدلي هم فوگ همومي.
منتصر"راح اجلها للرزاله بس گليلي منو بده العركه بالجهال.
امنه"مادري.
منتصر"شنو ماتدرين انتي مو گاعده گبالهم وتباوعين عليهم.
امنه"والله مدري چنت افكر وماحسيت بيهم اله متعاركين وانت جيت ترى مردت اكسر كلامك والله فميحتاج ترزلني.
منتصر"گليلي شبيچ تبجين عبالك مجهزه دموعج على رزالتي وتبجين خما صاير وياج شيء احد مسمعج حچي.
تذكرت الي صار البارحه بليل بين ماما وبابا ونزلت دموعي اكثر واني محتاجه شخص احجيله همي وماكو غيره بلكت يجاوب على اسئلتي محتاجه شخص يريحني.
امنه"صحيح بس يصير عمرنه14يزوجونه ويخلونه نترگ الدراسه.
شفت منتصر يباوعلي بصدمه وتحولت ملامحه للعصبيه.
منتصر"گليلي منو گالچ عن هذا الموضوع.
امنه"ماكو احد گالي اني سمعت.
منتصر"من منو احچلي لاتخافين ثقي بيه.
امنه"حچيتله الي صار البارحه بين بابا وماما.
منتصر"لاتفكرين بشي وعيشي حياتج طبيعي.
امنه"شلون مافكر وكلامهم يردد باذني راح اتخبل شعندي ادرس اذا راح يبطلوني مو حرام الي يسونه بينه ليش محد له حق يعارض ماكدر اعيش طبيعي بعد الي سمعته.
منتصر"اش گافي لاتفكرين منا لوقتها الله كريم يجوز يتبدل تفكيرهم الف حل نلكه منا لذاك الوقت.
امنه"مستحيل يتبدل طبعهم والدليل علياء انخطبت وراح تتزوج.
سگت شويه وگال.
منتصر"انتي تثقين بيه.
امنه"اي لوما اثق بيك ماكعد احجيلك الي سمعته.
منتصر"لاتخافين منا لذاك الوقت بعد سنتين اذا احد حاول يجبرج على الزواج انتي واثار اني راح افزعلكم وهسه امسحي دموعج ولادگولين لاثار شيء.
امنه"ليش ماكللها.
منتصر"لان اثار مشاكلها الي فاتت عليها تكفيها خليها تنسى الي صار وياها من وره اريج لاتزيدين همومها يجوز ماتكدر تتحمل مثلج.
امنه"ماشي توعدني تفزعلنه اذا رادو يجبرونه على الزواج بعدين.
منتصر"اوعدج ان شاء الله اذا اني عايش وخشمي يشتم الهوه افزعلج ومايصير غير الي تريدينه وهسه امسحي دموعج ولاتفكرين بشي واهتمي بدراستج هسه الي يشوفج عبالهم كتلتج ويه الجهال.
أنت تقرأ
سأكون أثر في حياتك ((باللهجة العراقية))
Romanceرواية حقيقية/ تمنيت اقتلاع ذلك القلب الذي نبض لك في الماضي لكم تمنيت تمزيق تلك الخربشات الطفولية التي وصلت اليك لقد تغيرت ألان وقلبي تغير انا الان اكرهك بل احتقرگ لقد انگشف قناعگ لقد استطعت خداع الجميع لكن لن تستطيع خداعي فانا ألان لا استطيع سماع اي...
