يله نبدء
بسم الله
-صلو على النبي-
فتت للغرفه وكلت يربي معقوله تصرفاتي ويه ثائر هيج واضحه حتى ثامر حس بيه بس الحمدلله عدى الموضوع على خير خما اني خبله حتى اكله كتبت خواطر حب لثائر وثائر شافهن ورزلني وبعدين كلتله كتبتهن الك يربي وين عقلي بس سويت هيج والله متندمه على الشي السويته وكلما اتذكر اكعد استغفر ربي واني مقرره اتجاهل كل شي واركز على دراستي واعوف سوالف الحب وصخامه
قررت اعوف الماضي ورايه حتى بالدراسة وابدي صفحه جديده واكعد اتشطر اعرف بروحي اني وامنه حيل ضيعنه بالبداية امتحانات چنه مانقرأ والاشياء الي صارت ويانه شوشتنه واني بروحتي لبغداد تراكمت عليه هوايه تحاضير واجبات هم كعدت ادرس واحاول اجيب درجات عاليه واصير شاطره مثل انفال.
☆☆☆☆☆☆☆☆
بيت ابو جابر
عند انفال
بقيت بيت جدو انعاون عمتي بتول نشتغل ومانلحك من كثر الناس الي كاعده تجينه جدو حچه ويه ام خالد وابو خالد گاللهم خالد يبقى يمنه هاي فترة لاسبوع واحنه نستقبل لخطار والشباب يقمون بالواجب لان بيت جدو كبير اكبر من بيت عمو ابو خالد وابو خالد ماعنده احد بالبيت عنده ولد اخر غير خالد اسمه حمد وهذا مسافر للخارج راح يدرس طب صارله سنتين مسافر ومايجي ابد بس يخابرهم مرات كامره ومرات مكالمات حتى يسلم على جدو وجده وعمامي وعماتي واهنا لكل هم يحبونه وينتظرون رجعته بنات عمي ابو خالد مزوجات اثنين وحده بغداد وحده بالنجف سالت عليهن عمتي نهى وگالت راح يجن يشوفن خالد كالتلها ام خالد راحن مناك شافنه بالمستشفى بالبصره ومايكدرن يجن رجالهن مرتبطين باشغال.
وافقو ابو خالد وام خالد على بقاء خالد بيت جدو وراح يبقى وياه منتصر حتى يعتني بيه ويتبادل هو وصفوان عليه وابو خالد كال اني وام خالد نروح بليل لبيتنه ومن صبح اجيبلكم ام خالد يمكم واروح اشتغل.
احنه وگاعدين دزولنه نسوان گرابتنه خبر راح يجن يسلمن علمود سلامة خالد.
بتول"انفوله عوفي كلشي وروحي اصعدي فوگ بدلي لبسچ اخذي من كلابياتي وطوخي كحلتج وحطي حمره خلي يشوفنج گاشخه.
انفال"ماشي عمه دللي بس تعالي ويايه وانطيني شي على گدي حتى البسه طلعت مستعجله وماجبت لبس احتياط ويايه.
بتول"يله الحگيني.
رحنه اني وعمتي بتول فوگ لغرفتها انطتني گلابيه لونها احمر حلوه تخبل كالتلي البسيها وطلعتلي مكياج وهي اخذت كلابيه جوزيه بدلنه وكملنه ولبسنه وترتبنه ونزلنه شويه وبدن نسوان يجن وگاللي الحمدلله على سلامتة بنيتي وكعدو يحجون وعاد سالوني ايمت عرسكم كلتلهم بكيف خالد يطيب ويحدده ان شاء الله
سمعت نسوان يكولن اكيد هاي عين ضربتهم ماصلت على النبي وهاي لدكول لام خالد زوجي ابنج وخلي يعوف السفر ومن هذا الحجي مكدرت اكعد هوايه وياهن رحت للمطبخ اقدم وهم اجو زلم نوب واجت مره بكد عمر جدتي تقريباً اجت وفاتت كعدت ويه النسوان لاحظت عمتي بتول بس شافتها اجت من شباك مدري شنو صار بيها حسيتها ما ارتاحت ابد حتى مطلعت تسلم عليها.
أنت تقرأ
سأكون أثر في حياتك ((باللهجة العراقية))
Romanceرواية حقيقية/ تمنيت اقتلاع ذلك القلب الذي نبض لك في الماضي لكم تمنيت تمزيق تلك الخربشات الطفولية التي وصلت اليك لقد تغيرت ألان وقلبي تغير انا الان اكرهك بل احتقرگ لقد انگشف قناعگ لقد استطعت خداع الجميع لكن لن تستطيع خداعي فانا ألان لا استطيع سماع اي...
