يله نبدء
بسم الله
-صلو على النبي-
امنه"عمو منتصر ماتعبت من الوگفه ليش ماتكعد ويانه.
سمعت البنات يحجن شوفي طلع عمهن يعني صحيح توقعنه مبين اعزب.
شفت منتصر متفاجئ ويباوع على امنه
واجه كعد بسد امنه على المسطبه امنه صارت بنصنه بيني وبين منتصر وگال"مالكيتي غير عمو تناديني بيها.
امنه"شسوي دوخني يحجن عنك وگلت راح يبقن يلاحكنه يريدن يعرفن شنو تصيرللنه ردت اناديك بابا بس شفتها ماترهم.
دنكت راسي وكعدت اباوع على الثيل حتى ما انفجر من الضحك ويرزلني منتصر تخيلت لو امنه كايلتله بابا چان شلون تكون ردت فعله.
منتصر"تعرفين لو مناديتني بابا شسوي بيچ.
امنه"اكيد ماتسوي شيء خطيه اني المفروض تشكرني ردت اساعدك.
منتصر"مبين حيل فادت طريقتج والدليل بعدهن يحچن.
دقايق وما احس اله منتصر كام من مكانه وعاط علينه"وين حلقتي كلتلكم اكمشوها دقيقتين رحتو ضيعتوها.
اباوع عليه بصدمه واني وامنه وحده تباوع على وحده.
امنه"حلقة شنو.
منتصر"حلقة عرسي غير خليتها يمكم لان ردتو تشوفونها وين خليتوها انتو كبار مو جهال اذا مالكيتوها ماتلومون اله نفسكم يله كدامي دوروها.
على عيطته اني وامنه كمنه من الخوف وتوها طخت براسي سالفة البنات باوعت ادورلهن شفتهن اختفن راحن ضحكت بصوت ناصي هل مره بس امنه گالت بخوف"والله ما اعرف عن اي حلقه كاعد تحچي ليش ايمت عرسك.
شفت منتصر ضحك وگال"هههههههههه تعرفين ايمت عرسي اني اتزوج بس انتي تنطيني حلقتي ترى اني سويت هيج حتى اهجج البنات وراحن وخلصت السالفه لا اكو عرس ولا اكو حلقة.
امنه"انطيني اشارة شيء على الاقل حتى افتهم خوفتني وخوفتها لهاي المسكينه.
اشرت عليه وباوعت.
لكتني خربانه ضحك.
منتصر"صايره ماتلكفينها هي وطايره.
امنه"شسوي انت خليت عندي عقل تحچي ويايه طبيعي وفجئة ترزلني.
منتصر"اعتبريها عقوبه لج لان نادتيني بعمو بعد لاتعدينها.
امنه"ان شاء الله وبعد ما افزعلك بشي توبه.
أنت تقرأ
سأكون أثر في حياتك ((باللهجة العراقية))
Roman d'amourرواية حقيقية/ تمنيت اقتلاع ذلك القلب الذي نبض لك في الماضي لكم تمنيت تمزيق تلك الخربشات الطفولية التي وصلت اليك لقد تغيرت ألان وقلبي تغير انا الان اكرهك بل احتقرگ لقد انگشف قناعگ لقد استطعت خداع الجميع لكن لن تستطيع خداعي فانا ألان لا استطيع سماع اي...
