يله نبدء
بسم الله
-صلو على النبي-
ابتسمت باستهزاء وگلت"تريدني مادرس جامعه حرام شو ماگلت لنفسك بس رحت خطبت وحده من بنات الجامعه ورفضتك وتزوجت غيرك لو حلال للهن وبس حرام علينه.
ماكملت كلامي وضربني راشدي.
حسيت خدي اشتعل ودموعي نزلت ردت اروح كرهته بهاي لحظه اضعاف كرهي له وين عقلي بس جيت احچي وياه مو اني زماله ماتوبت من اول يوم صار بيناتنه ورجعت احچي وياه.
توني مشيت خطوتين ايده سحبت ايدي وخلاني اصد عليه وگالي"اسمعي يا بنت عمي اريد منچ تحترميني وماتغلطين عليه وماتتجاوزين بالحچي وبس اگلج گافي لاتحچين تسكتين وماتراددين وموضوع دراستج انتهى انسي و اخاف شفتي ذاك اليوم بالخطوبه بكيفج تصيحين وتجادلين ومحد حاجاچ منطينج مجال اني يمي مارضى على هذا الشيء وممنوع بعد جادلين ماريد احد يگول خطيبت خالد ماتحترم احد وماتحترمه ماشي فاهمه اني كلهم يحسبولي الف حساب وتطلعيلي انتي لسانج متبري منج.
سگتت ومجاوبته يربي لو يسالوني اكثر انسان بالدنيا تكرهينه اكللهم خالد.
سمعته عادلي كلامه"وبس اگول فاهمه جاوبي من اول مره مو تسكتين وماتجاوبين وترى اني رضيت بقدري ارضي بيه وگافي راگبه راسج وانسي الي صار هسه والله اذا سمعت جايبه طاري لاي شخص تشوفين شيء ماصاير والي يسالج على دراستج گولي راح اجل هل سنه اشوف المعدلات والسنه تجي اقدم منا للسنه تجي الله كريم وهسه فهمتي لو يحتاج اعيد كلامي.
گلت بصوت ناصي"فاهمه.
خالد"ماسمعت عيدي.
انفال"فاهمه ارتحت هسه عوفني.
عافني خالد وردت اطلع.
خالد"اذا تريدين محد يشوفج تبجين ابقي اهنا وامسحي دموعج اعرف ماتريدين احد يشوف دموعج ويكعدن يشمتن بيچ وراح اكول لعمتي نهى بقيتي يم بنتها خفتي لاتكعد من نوم وتكع من درج.
گال هيج وطلع وكعدت ابجي بحرگه گلب طلعت كل القهر الي بكلبي اكرهه كلما احاول اتقبله اكتشف حقيقته اكثر شنو هذا الذل الي ذبيتوني بيه وين طيبه گلبه الي كلهم يسولفون بيها لو تدرون شلون يعاملني ماكدر احچي لاحد لان اعرف مراح يتغير شيء.
مقهوره حيل منه احس روحي دا تتعذب شلون گدام عماتي مسوي روحه روميو ويحبني وهو بالحقيقه يكرهني حاولت اتصرف طبيعي لخاطر ماما بس ماگدر اتحمل بعد قررت منا ورايح حتى بوجهه بعد ماصد ولو بيدي حتى جيه لبيت جدو بعد ماچي.
حاولت اهدي نفسي ومسحت دموعي اني وگاعده يمكن مرت نص ساعه قاطع افكاري صوت عمتي بتول.
بتول"الحلو وين صافن يعني گل مره تشوفين خويلد تشبعين صفنات.
انفال"يجوز راح يخلص عمري هيچ.
بتول"زعلچ خويلد بشيء گليلي اروح احچي وياه.
أنت تقرأ
سأكون أثر في حياتك ((باللهجة العراقية))
Romanceرواية حقيقية/ تمنيت اقتلاع ذلك القلب الذي نبض لك في الماضي لكم تمنيت تمزيق تلك الخربشات الطفولية التي وصلت اليك لقد تغيرت ألان وقلبي تغير انا الان اكرهك بل احتقرگ لقد انگشف قناعگ لقد استطعت خداع الجميع لكن لن تستطيع خداعي فانا ألان لا استطيع سماع اي...
