يله نبدء
بسم الله
-صلو على النبي-
احنه ونركض سيارة بيضه طبكت گدامنه كطعت علينه الطريق واني متت من الخوف واحس كلبي راح يكع باي لحظة
وحسيت اثار تضغط على ايدي انفتح باب السيارة ونزل منتصر بس شفته ارتاحيت مع العلم كان معصب حيل وعيونه ذب شرار تقدم بتجاهنه وعاط علينه
منتصر"گدامي للسيارة اليوم اله اطيح حظكم.
حسيت اثار لزگت بظهري من عيطته ومكمشه بديني من الخوف واني احس بروحي راح اخرب.
فتحلنه باب السياره الوره ركبت اني واثار بالسياره وسد الباب بقوه وساق السيارة بسرعه واني اباوع على الطريق هذا مو طريق البيت اخذنه الاراضي جدو الكبيره ارض زراعيه ماكو احد بيها فارغه وكف السيارة وگال انزلو.
متت خوف اني واثار ودا نبجي اثنينه من الخوف والمكان مابيه احد بس احنه ومانزلنه.
منتصر"والله اذا مانزلتو اله اكسر عظامكم.
نزلنه اني واثار وطبگ السياره وارتاچ عليها واحنه واگفين گباله واثار من الخوف حتى ماتباوع على منتصر فايته بظهري وتبجي واني بس اسمعها واباوع على منتصر واشوف عصبيته ودموعي تنزل اني كل مره اخاف منه بس اشوفه بس هل مره مبين حيل عصبي احس روحي راح اموت من الخوف.
منتصر"بعز الظهريه عايفات المدرسه وتفرفرن بالشوارع عبالكم محد يدري بيكم ها.
سگتنه ومجاوبنه.
منتصر بصياح"مادگلولي شنو چنتو تسون.
سگتنه وماجاوبنه.
منتصر"ابقو ساكتات عادي راح اوديكم لبيت جدو واحچيله الي صار وهو يتصرف وياگم اذا ماخليه يگسر العصى على ظهوركم فلا يكون اسمي منتصر يلا اركبن السياره.
امنه"امانه لادگول لجدو عن الي صار.
منتصر"گدامي للسياره.
امنه"الله عليگ لادگوله.
منتصر" اذا ماركبتو راح اسحبكم واركبكم بالسياره.
امنه"والله راح نحچيلك بس مادگول لجدي ماشي.
منتصر"ميحتاج تحچيلي سالت وماجاوبتو انتهى الموضوع اروح على جدو وهو يتصرف واعرف الموضوع من عنده الخبر اليوم بفلوس باجر بلاش.
امنه"گله بسبب اريج طلعنه من المدرسة...گلت هيج شفته ساكت يباوع عليه فهمت انو اكمل مادامه ساكت خليني احچي حچيت ودموعي تنزل بس اذكر الي صار وكاعده امسحها.
امنه"گالت اريج بانها مريضه فگلتلها روحي للمديره گالت ماتريد تخوف اهلها لان امها مريضه بس تسمع بالخبر تتمرض فرادتنه نوصلها گلنالها تنتظر وتطلع ويانه وماقبلت وعاد طلبت نروح وياها مشي ونطلع لان المعلمه مامداومه والمديره كالت الي يريد يطلع خلي يطلع.
أنت تقرأ
سأكون أثر في حياتك ((باللهجة العراقية))
Romanceرواية حقيقية/ تمنيت اقتلاع ذلك القلب الذي نبض لك في الماضي لكم تمنيت تمزيق تلك الخربشات الطفولية التي وصلت اليك لقد تغيرت ألان وقلبي تغير انا الان اكرهك بل احتقرگ لقد انگشف قناعگ لقد استطعت خداع الجميع لكن لن تستطيع خداعي فانا ألان لا استطيع سماع اي...
