يله نبدء
بسم الله
-صلو على النبي-
خالد"سكتت بنتج كعدتي تبجين انتي مدكليلي شنو الي مبجيچ بهل ليل.
باوعت عليه وكلت"ماكو شيء اسفه ازعجتك.
خالد"باجر عطلة جمعة ماكو عدنه شغل وطارت نومت عيني احجيلي ترى مستعد ابقى الليل كله كاعد لما تحجيلي كليلي وريحيني اشوف بعيونج القهر كلما تباوعين عليه.
انفال"ماكو شيء تعودت على عصبيتك وتقلب مزاجك
اعرف الضروف الي تمر بيها صعبه لذلك مازعل منك ابد كلت اعوفك براحتك انقهر شويه من وراك عادي بس لاتخاف ارجع انسى الي صار فتصبح على خير حاول تنام هسه ساعه او ساعتين تكعد تبارك تبجي نام هسه حتى ماتنزعج ترى مبين عليك التعب والهم وضعفان حتى وجهك مصفر.
خالد"انتي المفروض اكثر وحده تعرفين طباعي والمفروض ماتزعلين من عندي ضغط الشغل عليه حيل قوي مامتعودين على هيج شغل والاجر قليل
فوگ مشاكل الشغل اني مهموم من وراج مرتي وره ما ولدت نستني وصارت كل الوگت تقضيه ويه بنتها ومو ساله عني شلون حالي وضعي حتى بس اطلع ماتساليني وين تروح وبس ارجع للبيت الكاج نايمه ومو دايرتلي بال كليلي شلون تريديني اتصرف اذا زوجتي ماتهتم بيه لعد منو الي يهتم ملتهيه تشتغلين وتكوين ملابس بس ابد ماتتلكيني ببتسامه بس اجي تعبان من الشغل ماتسليني شنو البيه ولاتسالين شلون يومك التهيتي بنتج ونسيتي ابو بنتج حاولت اعذرج جنتي يم اهلج وابد ماتصلتي بيه اجيتي عليه وكلت خطيه تعبانه من الولاده وملتهيه ويه بنتها وماسالتي عن احوالي فمدكليلي ليش هل بجي هسه.
فاجئني كلامه ماتوقعت خالد ضام بكلبه عليه صح انشغلت بسبب الولاده اني چنت انتظر الاهتمام من عنده شفته اتصل بيه اول ثلاثة ايام بعدين نساني ودزلي خبر ويه صفوان بان راح يجي ياخذني خلي اتحضر ورجعت يمه وابد مجابلي طاري انشغلت بتبارك هوايه وتعبتني وصح ابتعدت عن خالد لان شفته النهار كله ماكو ويتعصب على ادنى شيء فردت اعوفه براحته بس ابد ما قصرت وياه لا باكل ولا شرب واذا راد مني شيء اسويله ياه.
فگلت"انت النهار كله بالشغل وبليل تتعلل ما عرفت ايمت اتصل بيك فعفتك براحتك وجنت انتظر اتصالك
وتعبتني الولاده والليل كله ما اكدر انامه وهاي اول مره اصير ام اني لاصاحبة خبره ولا تجربه وفوگ كل هذا تتعصب عليه وماتنطيني حتى سبب لذلك ابتعدت عنك حتى اعوفك براحتك وما اضغط عليك.
خالد"تعرفين كلما تبتعدين عني اتعصب زايد وانتي تكعدين تبجين خليها بعقلج انفولتي ما اريدج ابد تبتعدين عني اذا تزعلين مني شيء كليلي عاتبيني عادي اتقبل كل واحد يخطأ وماكو انسان معصوم عن الخطأ واني ابد ما اريدج تعوفيني براحتي احجي ويايه حتى لو معصب لان بس اشوفج واشوف اهتمامج بيه تبرد اعصابي حتى لو دكليلي حبيبي خالد ومن هاي سوالف بعد احسن لان تعرفين بيه شكد احبج وكلمه حلوه منج طفي النار الي تشتعل بداخلي.
أنت تقرأ
سأكون أثر في حياتك ((باللهجة العراقية))
Storie d'amoreرواية حقيقية/ تمنيت اقتلاع ذلك القلب الذي نبض لك في الماضي لكم تمنيت تمزيق تلك الخربشات الطفولية التي وصلت اليك لقد تغيرت ألان وقلبي تغير انا الان اكرهك بل احتقرگ لقد انگشف قناعگ لقد استطعت خداع الجميع لكن لن تستطيع خداعي فانا ألان لا استطيع سماع اي...
