سأكون أثر في حياتك ((باللهجة العراقية))

part-42

يله نبدء
بسم الله
-صلو على النبي-

عرفت مراح يعوفوني اذا ما احجيلهم وتدخل بيها منتصر وماكدر اعترض واجل الموضوع قررت احجيلهم الي صارلي لان همه ساعدوني ومن حقهم يعرفون الي مريت بيه نزلت دموعي

واني اتذكر العذاب الي شفته بهاي سنه وگلت"هواية مواقف صارت وياهم جانت تحجي عليه ترزلني ودكولي بعد تحلمين تصلين خوالج وبس سمعت بخطوبة خاله بتول من صگر كالت اكيد هذا واحد ضحك على عقلها قبل وما اجه تزوجها ورجعت لصگر وكالت انتي تريد تبقين يم خوالج حتى تصيرين مثل خالتج بتول جنت اتجاهل شكد ما اكدر حجيها عنكم ورزايلها ليه ماما اجتي عليكم بس تمرضت هي وبابا

وعمتي بتول اجتي علينه خلصتها عليه رزايل ودكلي ليش ماتبطلين وتاليتج مزوجه ومبطله حاولت اسايرها شكد ما اكدر مثل ما وصاني منتصر حتى اتكفه شرها حجيتلهم شلون ذاگ اليوم مخلتني اقرأ ورسبت بالرياضيات وكالت اهلي موصيني عليج لذلك مكدر اسوي شيء اكثر جنت اروح عليهم اهناكه يصخروني على الطبخ على اي شيء جنت اسويه للهم وترزلني بدون سبب اشوفها تتحجج عليه لا ملحج حاطته هواية مره من المرات غسلت البيت اهناكه وضربتني بالماسحه لوما تخلصني من عدها عمتي حليمه دكول اني مخليه مي ردت اكسرها عمده ماكفاها هاي معجنات اني ما اعرف اسوي  فبس كلتلها ما اعرف علميني ضربتني هم على ضهري وبالكوه فكيت روحي من عدها دكول هاي لو خوالج كل شيء تعرفين تسوين عدهم وتسوين روحج معدله اهناكه واهنا كل شيء ماتعرفين تسوين اذكر مره من المرات

سكتت شويه ودموعي تنزل واني اشاهك واحاول اسيطر على نفسي وگلت"چنت يمهم رادتني اخبز على التنور الغازي وگلتلها ما اعرف سحبتني وياها لوره البيت وكالت الي مايعرف يتعلم جانت بنت عمي اهناكه تخبز وعمتي حليمه وياها رادتني اخبز واني خفت من التنور والتنور حار بالكوه عرفت اطرك الرغيف وخليته على المخده

جيت احطه بالتنور خفت من الحراره ضربته بالتنور بس وكع الرغيف بنص التنور رادتني اطلعه من نص النار بيدي وماقبلت ضربتني بالحديده الي يطلعون بيها الخبز وبعدها سحبتني من ايدي ورادتني اطلع الرغيف من التنور وكلتلها انطيني اطلعه بالحديده كالت طلعي بيدج حتى تتعلمين ماتوكعين النعمه بنص النار

فوتت ايدي بنص التنور وماتحملت الحراره وسحبتها ورادت ترجع ايدي بنص التنور وعاد سحبتها اني واسحبها لزك ساعدي(ذراعي)بصفحه التنور وريت وصحت وعاد وعافتني.

كلت هيج ودموعي تنزل ورفعت ارداني لحد العضد وبينت اثار الور(الحرق) الي بذراعي چانت لجعه بعرض اصبع السبابه وبطوله وگلت ودموعي تنزل واني اباوع على جدي"ما خلتني حتى ابردها مي وخلتني انضف الحديقة وايدي توجعني واحسها تحركني ماردت دموعي تنزل واخليها تشمت بيه سويت روحي مو متاثره بالحرق الي بيدي.