يله نبدء
بسم الله
-صلو على النبي-
اني واثار وحده تباوع على وحده بصدمه خلص الاتصال واني اگول يربي بس لا اهلنه كلهم يدرون عن سالفة الاجتماع مكدرنه نساله منو الي گاللكم على الاجتماع بقينه ساكتين اني واثار والخوف لعب بينه طوبه راح ننفضح راح نترزل راح يطيحون حظنه قررت احچي واسأله.
گلت بخوف"اهلنه يدرون بالي صار.
تجاهل سؤالي ومجاوبني بقيت ساگته والخوف هد حيلي احسه معصب وبالكوه كامش روحه
وصلنه لاراضي جدي وشفنه صفوان موگف سيارته ونازل وگاعد على صخره.
منتصر"انزلو من السيارة.
نزلنه من السيارة وراح منتصر حچه ويه صفوان وبعدين ملامح صفوان انگلبت للعصبيه واني واثار مفاهمين شي وحده تباوع على وحده تقدم صفوان وياه منتصر وگف گبالنه.
صفوان"اثار وامنه هسه احچولي وخلوني افتهم شنو سالفة الاجتماع گامله والله اذا چذبتو بشي اعوفكم لمنتصر وهو متحلف بيكم من صبح احچولي الي صار وبعدها نقرر شنو الي نسويه بيكم.
امنه"اثار ماللها علاقه والله اني السبب.
اثار"بس اني ايدتج وافقت منحچي.
امنه"بس اني الي گلت خلينه لانحجي.
عاط علينه منتصر"احچوله لا اقسم بالله اطيح حضكم.
امنه"البارحه گالولنه بان اكو اجتماع اولياء امور بالمدرسة بس شنو معلمة الانكليزي وزعتلنه درجة الشهر الاول اثار45 واني 30راسبين اثنينه وبالعربي درجاتنه بالسبعين حتى الاسلاميه درجتنه80 خفنه لا انكول لهلنه ونترزل كلنه نعوض بغير شهر وحجيتلهم الي صار بالتفصيل....واحنه ردنه مانداوم بس خليتونه نداوم عبالكم عدنه دراسه.
اثار"والله ماعبالنه ماكو دوام وكل واحد يجي يسأل يطلع الطالب من المدرسه واصلاً گلنه اذا صارت المدرسة فارغه ومابقى احد بيها نروح على المديره ونخليها تتصل مستحيل والله نطلع للبيت بوحدنه وعاد منتصر اجه للمدرسه وبقية الحجي يمه.
صفوان"ليش ماگلتولي واني صبح وديتكم للمدرسة واذا رسبتو بشهر من شنو خايفين مدگلولي قابل راح اخذ روحكم لو گلتولي لوما متلاحكم منتصر چان الله واعلم وين اخذوكم هذوله الشباب وين عقلچن مادگلولي بشنو مقصرين وياكم.
سگتنه اني واثار من الخوف وحده تباوع على وحده واحس بندم مو طبيعي واحس بتانيب الضمير وبالكوه حابسه دموعي شفت اثار دموعها نزلت وهي تباوع على صفوان.
امنه"لان احنه..
قاطعني منتصر وهو يگول" تعرف ليش مگالن لان تاريخهن اسود سالت عليهن المعلمات كالن مايحضرن يومي حيل وبس دگومهن يقرن كلمتين ثلاثه ويسكتن صفاراتهن تراكع باليومي وبالشهري ناجحات على الحافه ومثل مكالت امنه راسبات بالانكليزي حتى المعلمات يوصن يگولون ليش هاملينهن خلي يركزن على دراستهن ومستوى اثار احسن من امنه بشويه تعرف استحيت وحرت شنو ارد على المعلمات واني مصدوم بحچيهن.
أنت تقرأ
سأكون أثر في حياتك ((باللهجة العراقية))
Любовные романыرواية حقيقية/ تمنيت اقتلاع ذلك القلب الذي نبض لك في الماضي لكم تمنيت تمزيق تلك الخربشات الطفولية التي وصلت اليك لقد تغيرت ألان وقلبي تغير انا الان اكرهك بل احتقرگ لقد انگشف قناعگ لقد استطعت خداع الجميع لكن لن تستطيع خداعي فانا ألان لا استطيع سماع اي...
