يله نبدء
بسم الله
-صلو على النبي-
خالد"حالته لاتسر صديق ولا عدو مخلص وقته كله بالجامع منتصر يمه ابد مفاركه يلوم بنفسه الي صار وياه مو قليل ابن خاله وصديق عمره مات بيده والسبب السلاح الي شايله خلصها يكول اني السبب لو مامقنعه يروح ويانه چان مصار شيء بيه الحاله الي يمر بيها ثائر هسه صعبه مو هينه الي صار وياه لذلك مايتركونه بوحده اذا تركه منتصر يكون يمه مازن لو صگر.
انفال"الله يساعده ان شاء الله وربي يكون بعونه.
خالد"توقعتچ زعلانه من ثائر لان مسالتي عنه بأول يوم توقعتچ تلومينه على الي صار توقعتچ راح تتهمينه انه هو الي قتل اخوچ.
انفال"اثق ثائر مستحيل ياذي ثامر هم رابين سوه واصدقاء الروح بالروح تعرف قبل سنين طويله چنه دا نمشي بالشارع بعدنه صغار سياره رادت تدعم ثامر بس ثائر تجرء جط ونقذه وانجرحت رجله وخيوطها لوما ثائر چان ثامر مات من ذاگ الوگت ما شفت اثنين مثل صداقتهم وحبهم چنت احسهم واحد يكمل لاخر عبالك اخوان توائم مو ابن عمته الي صار قضاء وقدر الواحد لازم يكون عادل بحكمه.
خالد"ما خاب ضني ابد بيچ وبحكمج عفيه عليج ياروح خالد دائماً فكري بعقلج ولاتنقادين لعواطفج وهسه امسحي دموعج حرام الي كاعد تسوينه بنفسچ.
گال هيچ وخله ايده على بطني.
خالد"عندج روح ثانيه وياچ ديربالچ على طفلچ لازم تتحملين وتقوين نفسچ علموده صح مات ثامر بس راح يبقى عايش بگلوبنه وگلنه نحبه وتعرفين حتى ما ننسى اذا اجانه ولد عهد مني لج راح اسمي ثامر لان حيل غالي عليه واذا بنيه ان شاء الله نختارلها اسم بعدين.
اسمع كلامه واباوعله ودموعي تنزل رغم حزني اسعدني كلامه حيل بخصوص ثامر سكتت ومجاوبته.
خالد"ليش ما تاكلين انفوله تريد تنتحرين راح تاذين روحچ ترى وجهج صاير ليمونه خما بيچ شيء.
انفال"ما اشتهي اكل بس اكل لكمتين اتقيء.
خالد"تعالي اوديج للمستشفى مايصير تبقين هيچ وانتي اول شهر بحملچ.
انفال"ما يحتاج اني اصير زينه.
خالد"ما اتحمل اشوفچ هيچ واسكت البسي عبايه وخليني اوديج للطبيب.
انفال"ما يحتاچ اني اصير زينه.
كلت هيچ وكمت من مكاني فتحت علاكه مخليتها بسطله وكعدت اتقيء لعبت نفسي.
اجاني خالد كعد يفركلي ضهري وانطاني بطل مي غسلت من عنده.
خالد"بدون اعتراض تاخذين عبايتج وتمشين ويايه لو مستعد والله اشيلچ واوديج بس راح تنفضحين كدام لكل.
انفال"اش كافي راسي راح ينفجر عبايتي على جربايه انطيني ياها وخلينه نروح.
انطاني عبايتي وساعدني بلبسها واحس الدنيا تفتر بيه شويه دايخه كادني من الدرج ونزلنه وبعده
طلعنه من الباب الصغير خالد گال لاثار الي يسال علينه رايحين على المستشفى ونجي.
أنت تقرأ
سأكون أثر في حياتك ((باللهجة العراقية))
Romanceرواية حقيقية/ تمنيت اقتلاع ذلك القلب الذي نبض لك في الماضي لكم تمنيت تمزيق تلك الخربشات الطفولية التي وصلت اليك لقد تغيرت ألان وقلبي تغير انا الان اكرهك بل احتقرگ لقد انگشف قناعگ لقد استطعت خداع الجميع لكن لن تستطيع خداعي فانا ألان لا استطيع سماع اي...
