يله نبدء
بسم الله
-صلو على النبي-
قدرية"وبشنو تفيدج هاي الدراسة وخابصه نفسج تقرين ومتعبه روحج على الفاضي تاليتج راح تبطلين وتتزوجين وتكعدين بالبيت ليش ماتعوفين الدراسه من هسه احسلج عوفيها واخلصي شلج بشلعان الگلب طالعه بهل برد والمطر والحر وتصرفين فلوس وتاليتها مبطله ليش ماتبطلين من هسه وترتاحين وترحين اهلج حتى مايشلون همج.
تذكرت كلام منتصر بس گالي عمتج قدرية حاولي تسارينها قررت اسايرها لان ماكو احد اهنا يخلصني من عدها اذا عصبت عليه.
امنه"الدراسة ضروريه للوحده على الاقل درس جهالها بالمستقبل احسن ماتكعد تريدلهم احد يدرسهم وماكو.
قدرية"الوحده اهم شيء تتعلم تقرأ وتكتب مادامج تقرين وتكتبين ميحتاج تكملين ذيج ام حسام خريجة سادس ابتدائي وابنها دكتور عوفي الدراسة من هسة وتعلميلج صنعه عمله.
امنه"بدينه الدراسه منا لسنة التجي الله كريم.
قدرية"راسج يابس يابنت محمد لان ربيتي يم خوالج طالعه عليهم جارتج بتول بقى راسها يابس ورفضت صگر عشرين سنه لان واحد ضحك عليها ومالكت احد ياخذها فرجعتله لو عنده عقل صگر مايرجعلها بس هو بدون كرامه وانتي راسج يابس عليها مكرود الي ياخذج لازم يكعد يعلمج من البدايه ما اكدر احچي شيء زايد اهلج مو اهنا وابوج حلفني وصاني عليج خلي يرجعون ونتفاهم ان شاء الله.
هزيت براسي ومجاوبت ورحت صبيتلها جاي وجبتلها ياه.
اول ماشربت گالت"جعلج بالسكر ان شاء الله كولي امين تريد تكتليني مسويتلي الجاي حلو روحي بدليه وصبيلي لاتخلين شكر ماحبه حلو.
امنه بخوف"هسه.
رحت بدلتها الجاي واجيت كعدت.
وكعدت تشربه وگالت"تعلمتي تسوين معجنات شيء.
امنه"لا والله بعد ماتعلمت بس تعلمت شلون اطبخ.
قدرية"مشتهيه كبة تمن سويلي على العشى.
امنه"بس ماعدنه كبة.
قدرية"اكعدي سويها اكيد عدكم لحم تمن كرفس بصل كشمش...الخ
عددتلي مكونات الكبه واحير شنو اجاوبها.
امنه"ما اعرف اسوي كبة.
قدرية"مسوية روحج ام بيت ومعدله شيفيد الطبخ لحاله هو الطبخ شيرادله لازم تتعلمين تسوين كبة ومعجنات لازم تتعلمين الخبز.
أنت تقرأ
سأكون أثر في حياتك ((باللهجة العراقية))
Romanceرواية حقيقية/ تمنيت اقتلاع ذلك القلب الذي نبض لك في الماضي لكم تمنيت تمزيق تلك الخربشات الطفولية التي وصلت اليك لقد تغيرت ألان وقلبي تغير انا الان اكرهك بل احتقرگ لقد انگشف قناعگ لقد استطعت خداع الجميع لكن لن تستطيع خداعي فانا ألان لا استطيع سماع اي...
