يله نبدء
بسم الله
-صلو على النبي-
امنه"اني كملت تجهزت.
گلت هيچ وشفته يباوع على لبسي
تقدم وگف گبالي وگال"راح تروحين بهذا لبس.
امنه"اي.
منتصر"تمام يصير خير ان شاء الله هسه روحي وگليلهن منتصر ينتظركم حتى نروح.
رحت صعدت فوگ بلغتهم ونزلت واني افكر ليش سالني منتصر على لبسي بالعاده هو مايدخل بهيچ امور
دقايق ونزلن ورحنه ركبنه وياه بالسياره ماما لي كدام واني وام سوسن وخالتي بتول وره رحنه لبيت خالتي ام علياء وصلنه منتصر وراح.
فتنه جوه للحنه نسوان خوالي وخالاتي كلهم واصلين قبلنه احنه اخر شي وصلنه رحت وگفت يم اثار لابسه هم بنطرون وقميص....مشغلين ديچي وگعدو يركصون حنو العروس كالو تريدون نحنيكم گلنالهم لا....بالمدرسه احنه مايردون الحنه وهاي سوالف وماللنه خلك نتحاسب.
من كثر ماسمعنه صوت الاغاني وكلها تركص كمنه اني واثار نركص ويه النسوان بس بالدبكات مانعرف ندبك لذلك ماشاركنه تونسنه ونسه ما صايره ضحكنه من گل گلبنه واني اباوع على علياء تركص ويانه ورغم ضحك علياء احس بالانكسار بعيونها.
☆☆☆☆☆☆☆☆☆
بيت ابو علياء.
عند انفال
كعدنه اني وعمتي بتول تعبنه من الركص كعدنه على القتفات واحس عيون النسوان علينه ويتهامسون عرفت الحچي عن عمتي بتول بس ابد مادارت بال اجتي ام سعدي وسلمت وگعدت بسد عمتي بتول.
ام سعدي"ذاك اليوم مريت عليكم وگالولي نايمه.
بتول"اي تعبت من الاشياء الي عشناها وخطار يروح ويجي.
ام سعدي"الله يساعدكم ربكم ستر وعدى الحادث على خير نسيت ما باركتلچ على الخير بنيتي بتول سمعنه صگر رجع خطبچ.
بتول"خير يصيبچ ام سعدي الي گالچ على السالفة ما رجع گالچ گلنالهم قسمه ماكو وانسد الموضوع.
ام سعدي"ابقي راگبه راسچ وبعدين تتندمين الزلمه شاريچ ماتت زوجته وردناه يتزوج ويكول هل مره غير بنت عمي بتول ما اريد ومستعد انتظرها طول العمر.
بتول"خلي يتزوج نوب ويتهنه الف عافيه عليه اني ما مفكره ازوج وحتى لو افكر اني ما اتزوج واحد شايب وفوكاها جد.
ام سعدي"اكيد عيونچ بيهن شي صح هو جد بس بعده عمره بالاربعين كل البنات يردنه بس انتي گاسحه النعمه وماتشوفين راح تبقين عزبه طول حياتج واهلج مو دايميلج عود وين تروحين راح تكضين حياتج تباوعين على هذا وهذاك.
بتول"قراري هو نفسه ما يتغير ابد والي كاتبه الله يصير وشكراً لقلقج عليه بس حياتي هيچ عاجبتني.
أنت تقرأ
سأكون أثر في حياتك ((باللهجة العراقية))
Romanceرواية حقيقية/ تمنيت اقتلاع ذلك القلب الذي نبض لك في الماضي لكم تمنيت تمزيق تلك الخربشات الطفولية التي وصلت اليك لقد تغيرت ألان وقلبي تغير انا الان اكرهك بل احتقرگ لقد انگشف قناعگ لقد استطعت خداع الجميع لكن لن تستطيع خداعي فانا ألان لا استطيع سماع اي...
