سأكون أثر في حياتك ((باللهجة العراقية))

part-21

يله نبدء

بسم الله

-صلو على النبي-

گلت هيچ وصعدت لغرفتي وسديت الباب ونزلت دموعي وگلت الله يسامحك صگر الله يسامحك على الحاله الي وصلت للها حسيت روحي كاعد ابذل جهد كبير هل الايام والسبب انته من وراگ رجع انفتح موضوعنه گدام الناس وگلها گامت دگول بتول لصگر ليش محد يفهمني ويحس بيه ليش ياصگر تسوي هيچ مو رحت وانسد موضوعك ليش رجعت انت عمرك مراح تفهمني ياصگر وكل همك تسوي الي تريده واني عمري
مراح اكون الك وما اهتم لا اي شيء بهل عمر ماكو شيء اخسره واتندم عليه.

☆☆☆☆☆☆☆☆☆

يوم الاحد

((مدرسة الامل))

عند امنه

كاعده ويه اثار بالفرصة امتحنه اليوم عربي وجاوبنه الحمدلله.

اثار"لاضوجين امونه.

امنه"لاتخافين ما ضچت هي مبينه معلمة العلوم شاده ويايه قدمت درسها واخذتنه اول درس فوگ هاي عافت لكل وخلتني اكوم اشرح اول وحده توترت وما چنت مستعده وهسه تريد ولي امري ومكفاها هاي مكسرتني بالتصليح همزين حاطتلي55من 100توقعتها ترسبني.

اثار"لاتفكرين امونه احنه بذاگ الوگت ما چنه قارين امتحان العلوم زين لعد اني اخذت 70وتوقعت روحي مجاوبه لاتفكرين بشي وگليلي لمنو راح دگولين هسه.

امنه"اذا شفت منتصر اكوله اذا ما شفته باچر اي واحد يودينه للمدرسة اكله يمرها بطريقه.

اثار"اكلچ هذا الخميس راح يجي منتصر يسأل علينه مو.

امنه"اي هو كال كل سبوعين اجي اسئل عليكم.

اثار"هسه يجي واحنه بعدنه ما معدلين كل درجاتنه.

امنه"لاتخافين احنه هسه احسن من قبل.

گلت هيچ وبعدين فتنه لاخر درس حضرناه وطلعنه للبيت فرحت بس شفت منتصر الي راح يرجعنه من المدرسة چنت حايره وين الكاه وشلون اكله حتى يجي للمدرسه ويحچي ويه معلمة العلوم والحمدلله اچه بنفسه رحنه عليه وسلمنه وركبنه بالسيارة وياه.

منتصر"شلونكم بامتحان اليوم.

اثار+امنة"الحمدلله.

منتصر"التحاضير شلونكم بيها.

اثار"الحمدلله.

منتصر"شو امنه مالچ صوت گليلي اخبارچ.

امنه"تكدر باجر تحضر للمدرسة تواجه معلمة العلوم.

منتصر"صارلي سبوع كامل انتظرها دز على ولي امرج لاديرين بال اني احضر وافهمها واحچي ويه المعلمات عنكم راح امر باجر للمدرسة.

امنه"مكسرتنه بالتصليح حاطتلي55من مئه.

منتصر"اثار انتي شكد.