يله نبدء
بسم الله
-صلو على النبي-
صعدنه اني وياها ركض فوگ للطابق الثاني وشفت ثائر شايل دفتر المذكرات ومبين معصب باوع على امنه
وگال"امنه شنو هذا الصخام الي كاتبته منو الي ضحك بعقلچ.
باوعت شفت امنه خايفه وتباوع عليه خرب بحضي هسة شسوي هذا افتهم بان الدفتر لامنه....عاد سؤاله وهو شايل دفتر "جاوبي امنه هاي شنو الي كاتبته شبيچ خرسيتي.
أباوع على امنه احسها راح تخرب من الخوف واني احس گلبي راح يكع من الصدمه والخوف بس ماتحمل تترزل امنه ماردت نفس الموقف ينعاد خفت لا امنه تكعد دافعلي لذلك گلت بخوف وصوتي يرجف"هذا دفتري.
باوعلي بصدمة بعدين گالي وحسيت زادت عصبيته"لا لا لا يابنت خالي ماتوقعتها منچ ابد شفناچ گمتي ماتلعبين گلنه عقلتي ثاري ملتهيه بهل صخام گليلي جاوبي كاتبه لمنو هل خرابيط تعرفين شگد عمرچ انتي وسوالف الحب شنو وين عقلچ بعده عمرچ12تحچين هيچ لعد بس تصيرين بكد انفال شنو تسوين.
توقعت بس اگلة هذا دفتري راح يعوف الموضوع حسيت روحي اريد اخرب ورجليني ارتخت ورغم حرارة الجو ثلجت فگلت وحاولت اخلي صوتي طبيعي"أضن هذا شيء خاص بيه ومالك دخل بيه يا ابن عمتي.
ثائر"ليه دخل ونص والله اذا ماگلتيلي منو هذا الحقير راح اروح واگول لصفوان والثامر عليچ وهو يتصرف لان احنه اهل وسمعتنه وحده مانريد تتشوه سمعتنه من وراچ.
اذني گلامه حيل اني يشكك بخلاقي هو اني شنو مسويه غير كلام وكاتبته بدفتر لا واكفه مع واحد ولا حاجيه مع اي شخص غريب وشايفيني وياه اباوع على ثائر مستحيل هذا مو ثائر الي اعرفه ثائر الكل دكول عنه هادئ ورزن ويتفهم ومو عصبي بعكس اخويه صفوان ومنتصر وخالد الي مشهورين بعصبيتهم بين الاهل وين ذاك الي يضحك حتى لو استفزيته مستحيل يعصب حيل لو كله ذاگ چان قناع لابسه وهو بالحقيقه عصبي بس مايبين گدام احد اباوع على امنه وهي تباوعلي.
تقدمت امنه عليه وگالت"ثائر استهدي بالرحمن وعوف الموضوع هي خواطر تكتب ماتقصد بيهن احد.
ثائر"امنه لاتخليني ابتلي بيچ هسه لاتدخلين وخليها تجاوبني كل الي قريتهن لشخص واحد لاتخليني اقرالچ المكتوب گليلي أثار منو هو دام نفس عليچ طيبه هاي لكتابات لمنو أقسم بالله اذا مادگليلي راح أگول لصفوان وهو يتصرف وياچ.
شويه وابچي من گلامه ويايه خايفه ومستحيه بنفس الوقت وماريد اهلي يدرون والله غير صفوان يطيح حضي وتصير فضيحتي يم كل عمامي.
فگلت"أستحلفك بالله اذا گلتلك لمنو مادگول لصفوان.
شفتة يحاول يسيطر على اعصابه وگال"ماگول والله بس گولي.
أثار بخوف من ردة فعله"والله كتبتهن الك وحتى تصدگ موجود اسمك باخر صفحه كاتبه بيها باخر سطر بس والله لو اعرف أنو هاي تصرفاتك وطباعك وعصبيتك والله ماكتبلك حرف واحد.
أنت تقرأ
سأكون أثر في حياتك ((باللهجة العراقية))
Romanceرواية حقيقية/ تمنيت اقتلاع ذلك القلب الذي نبض لك في الماضي لكم تمنيت تمزيق تلك الخربشات الطفولية التي وصلت اليك لقد تغيرت ألان وقلبي تغير انا الان اكرهك بل احتقرگ لقد انگشف قناعگ لقد استطعت خداع الجميع لكن لن تستطيع خداعي فانا ألان لا استطيع سماع اي...
