اخبر عيناك الجميله ان تكف عبثاً بقلبي 🤍

8

قعدت لمى بعد الفحوصات للشبكيه بكراسي الانتظار
غمضت عيونها بتعب وارهاق جسدي وعقلي والقطرات الي حطو لها تحس بعيونها جمر مشتعله نزلت دموعها بهدواء واخذ نفسها يتسارع بشهقاة خفيفه
سمعت صوت حنون قربها ينطق بخوف : فيك شي وش الي صار
فتحت عيونها تناظر بعشوائيه في الظلام تحاول تركز مع الصوت رفعت كفوفها الرقيقه تمسح الدموع لكن صوته الي التمست فيه الدفئ : لمى لاتخوفيني وش قالو لك
طلعت شهقه قويه منها وبصوت متقطع ومهزوز : اانت جااسم
حط جاسم المنديل بيدها وبحنيه : لاتجرحي عيونك ايه انا جاسم وش صار
لمى عقدت حواجبها وبعصبيه : لاتتعاطف معي اتركني بحاالي
ناظرها جاسم بهدواء وبندم : ماكنت اقصد الي قلته
قاطعه صوت حاد من خلفه : قلت الي قلته لاعاد تزيد وتجرح وهذي اخر مره احذرك تبعد
لمى رفعت كفها وبصوت مهزوز : همدان خذني من هنا
قرب همدان ومسك كفها وناظر جاسم بحده ووقف لمى وراح معاها للاصنصير
عض جاسم اسنانه بقوه وغمض عيونه بغضب لثواني
فتح جاسم عيونه وناظر عمار طالع مع الدكتور يزن ويتكلمون وكان عمار يتاكد من الادويه
ودع يزن عمار والتف يرجع لمكتبه لكن ناظر الي واقف قدامه بهدواء
يزن ميل فمه ببسمه : عندك موعد معي
تنهد جاسم وهز راسه بـ لا : نقدر نتكلم
رفع يزن حاجبه وعيونه مركزه على ملامح الي واقف معه
فتح الدكتور يزن باب المكتب وبهدواء : تفضل
دخل جاسم وقعد على الكرسي وناظر يزن بتامل : تغيرت
يزن بصدمه ونظرة شك : انت جاسم
ابتسم جاسم وبعتب : متذكرنا للحين ولا فكرت تسال
ابتسم يزن بفرحه وقرب من جاسم الي واقف وضمه بقوه
جاسم نزلت دمعته بحزن : ليه يا يزن ماطمنت عنك ليه
يزن بدموع حابسها لسنوات فراق : وقسم بالله ياجاسم اشتقت لكم والله العالم لكن
صمت يزن ورد يناظر ملامح جاسم ووبسمه : انا متابع كل اخباركم وادري بكل واحد منكم
جاسم : وليه ماتواصلت معانا
يزن نزل راسه بحزن : ابوي وامي معتقدين ان الحادث الي صار كان بسببكم وامتنعت منكم لكن ادري انكم تفوقتوا في الثنويه وانت تخصصت عطور ودرسة في فرنسا ومحمد اخذ ادارة اعمال وخالد محامي ممتاز
ماتركت اخباركم واتابعكم دايم
جاسم بعتاااب : تدري كم دورنا عليك تدري كم سالنا عنك كم فكرنا فيك وش حالك وكيف صرت تدري تو محمد متصل لي ومتذكرك يقول محد كان يقدر يمنع خالد عن شي غير يزن
يزن نزل راسه بحزن : ادري اني مقصر ادري لكن ماكان بيدي شي غير اني اتطمن عليكم من بعيد
هز جاسم راسه وابتسم : وصرت دكتور مشهور بعد
ابتسم يزن : الحمدلله كملت الثنويه بمعدل ممتاز وبعدها سويت ذي العمليه وكنت اول شخص يسويها والحمدلله نجحت وبعدها قررت ادخل طب عيون واحاول اساعد الناس العيون شي مهم صعب تعيش في الظلام ياخوي
جاسم عقد حواجبه وتذكر لمى : ولمى وش حصل معاها
يزن ناظره بفرحه : للحين متمسك بها ياخوي والله انك كفو
جاسم مافهم وعقد حواجبه : وش تقول وش متمسك فيها
يزن ضحك بخفه : ادري انك ماخذها من صغرها بس توقعت انعمت وبتتركها
جاسم والي ناظره بصدمه من الي فهمه : يزن وضح لي وش تقصد
يزن غمز له : جااسم جيت تتطمن على خطيبتك ترى مانسيت انك خاطبها من ولدت بس بعدين لما انعمت وتوفي ابوك وابوها سمعت انكم انقطعتو عن بعض لكن ماتوقعت انك جايي تتطمن عنها
بلع جاسم ريقه وبيقطع الشك باليقين : تقصد ليلى بنت عمي صالح هي لمى الي كانت عندك قبل اشوي
يزن عقد حواجبه بصدمه : كان اسمها ليلى
جاسم وقف بعصبيه : وش اسمها الكامل لمى
يزن وقف واخذ الملف يتاكد وبتاكيد : لمى صالح يوسف الـ........
اخذت انفاس جاسم تتسارع وغمض عيونه بقوه : وشلووون
يزن قرب منه : ماكنت ادري ان اسمها كان مختلف توقعت جيت تسال عن خطيبتك
ناظره جاسم بصدمه : مادري عنها بنت من بس حصلت صدف وجمعتنا كثير ومنها دريت عنك وشلون تكون هي نفسها ليلى بنت عمي صالح الله يرحمه
يزن عاقد حواجبه : اقعد ياخوي وهدي وكاد فيه شي وشلون انقطعت عنهم
تنهد جاسم وناظر بحده للملف : بعد حادث عمي صالح ولما انعمت ليلى دخلت المشفى وقالو لزوم تسافر تتعالج وبعدها سافرو وبكل مره اسال عنها من عمها يقول ماردو مدري ليه يكذب عنها
يزن تنهد : يمكن عمها ماوده تدري عنها لاجل شي لمصلحته
جاسم ناظره بتعب وارهاق : وليه اسمها متغير
يزن حط يده على كتف جاسم وبهدواء : لزوم تقعد مع عمار ومنه بتفهم كل شي
جاسم حط يده على وجهه : وشلون اقعد معه مابيوافق بعد الي سمعني اتكلم عن اخته
يزن ابتسم بهدواء يطمن جاسم : لما يدري انك ولد راشد صديق واخو ابوه بينسى اي شي
ابتسم جاسم بأمل وهز راسه : ان شاءالله
يزن بهدواء : وش اخبارهم خالد ومحمد
جاسم تنهد : محمد مشغول بمشاكل اخوه الي يدور وراه الزله وخالد اخذ قضيه لرجال راعي خمر وحشيش يبي يطلع حرمته القاصر من السجن بدون يدافع على الرجال
يزن عقد حواجبه : ماينفع كذا صح
تنهد جاسم : ايه لاجل كذا تمنى محمد لو انك موجود تغير قرار خالد
يزن غمض عيونه : اتصل لخالد بكلمه
جاسم ناظره : متاكد
هز يزن راسه وابتسم : ادري بخالد عنيد بحاول معاه
اخذ جاسم التلفون واتصل لخالد
خالد بالهدواء المعتاد : هلا والله جاسم
جاسم فتح السبيكر : لاتسأل ولا تدور عسى خير
ضحك خالد بخفه : لاتلمح كلمك محمد على القضيه
جاسم بحده : ايييه عسى خير تدري وش ماخذ انت
خالد تنهد : جاسم هذا شغلي وادري وش اسوي
جاسم بغضب : خاالد وش عندك من حرمته تطلع ماتطلع محد موكلك لها التوكيل انك تكون محامي لزوجها انت صاحي
خالد بصوت حاد : جاااسم البنت قاصر بعمر الـ١٦ وشلون اتركها
جاسم بعصبيه : تدري راسك العنيد ذا محد بيكسره غير يزن
خالد والي تنهد بدوره بذكرى يزن وبسخريه : يزن ههه يزن عايش حياته بعيد عننا لابيكسر عنادي ولابيسال عنك ولا بيضحك مع محمد
يزن والي اوجعته الحقيقه الي قالها خالد : خالد لاتظلمني انا دايم اسال عنكم واخباركم كلها عندي
خالد بصدمه دعس البريك ووقف سيارته بقوه : اننت
يزن ابتسم بخفه : اي انا ياخالد لذي الدرجه ضنك عني كذا خالد الي تخرج من الثنويه بدرجة ٩٦ ودخل الجامعه وتفوق فيها واخذ له بيت واشتغل مع ابوه واشتغل خاص وياخذ كم قضيه على جنب
خالد بسخريه والدمعه تلمع بعيونه : كلمك جاسم
يزن بلع صعوبت الشعور وقسوة خالد الي كبرت معاه : لا جاسم كلمته انا عنه ووضحت له اموره الشخصيه الي مايدري عنها ادري بكل شي عنكم ياخالد حتى لو اني بعيد غير ان بالي عندكم
خالد صمت لدقيقه توجعه ذكرياته واشتياقه ليزن : وينك من زمان
يزن بحب اخ حقيقي : قربك ماتركت وشلون اترك اخوي غير ان فيها اشياء منعتني اتواصل معك
نزلت دمعت خالد من عينه الحاده : اشتقت لك ياخوي
تبسم يزن بسعاده ودموعه نزلت : وين مودي نفسك ياخالد ، من البنت ذي الي بتدخل نفسك بمشكله لاجلها
خالد اخذ نفس عميييق يهدي حاله : بنت قاصر متزوجه اجباري وامتسك زوجها وفيه شاهد عليها يبي يورطها
يزن ميل فمه ببسمه : خالد ادري مارح تتركها بنت ضعيفه لكن عدل الاوراق قبل تحصل على مشكله
خالد عقد حواجبه : ابوها متعاطي للخمر والحشيش ومدمن وبايع بنته لاجل الرجال والقضيه اخذتها منه ابد ماهو حول بنته
يزن تنهد : تقدر تاخذ توكيلها وتاخذ قضيتها
خالد تنهد : لا ماتقدر توكلني كمحامي خاص لها لانها قاصر لزوم اخذ توقيع ابوها بالاول
يزن زم فمه وشتت نظره : قلت ابوها راعي خمر وحشيش يعني يغيب عن الوعي
خالد عقد حواجبه : اي طبعاً
يزن رفع حواجبه : اجل استغله وخذ توقيعه على قضية بنته لما يكون ماهو بوعيه
ابتسم خالد : ايييه زين والله طلعت من العدم
ضحك يزن : بالخدمه باي وقت لاجلك
جاسم تبسم : بس قفل عاد وانتبه وركز القضيه ماهي سهله
خالد ميل فمه ببسمه حاده : القضيه عندي لاتخاف
تبسم يزن : متواصلين خالد
ابتسم خالد من قلب : لو تقطع مره ثانيه بطلبك للمحكمه
ضحك جاسم : والله يسويها
خالد تبسم : في امان الله
سكر خالد واخذ جاسم التلفون : لزوم تكلم محمد
ابتسم يزن وهز راسه بالموافقه : دق عليه
رفع جاسم التلفون واتصل على محمد
والي رد بعصبيه : هلا جاسم خير تو مقفل من عندي
جاسم عقد حواجبه : خير وش الي قالب خلقك
محمد حد صوته : الزفت الي ينقال عنه اخوي الكبير
تنهد جاسم : وش مسوي ذا العله
محمد بعصبيه رفع صوته : الحمااار مطلع اوراق فيها اخطاء تودي الشركه بداهيه
جاسم بغرابه : كل الاوراق تمر من عندك شلون ماتدري عن ذول
محمد بقهر : قااااهرني ذا اخووو ذا
المشكله الورق عليها ختم ابوي يعني كل شي تم فيها ماعاد نقدر نتراجع
جاسم بعصبيه : هدي حالك الحين الحيوان اكيد لاعب بشي
يزن ميل فمه : محمد الورق ذول لاي شركه
محمد عقد حواجبه : لشرر... من انت
يزن تنهد : افا ماعرفتني يالوسيم
محمد شتت عيونه وبصدمه : يــززن
تبسم يزن : ايي ترى الوسامه تبي ابتسامه لاتكشر الورق ذول لاي شركه
محمد ابتسم بفرحه وماهو مصدق : يززززن يالحيوااان وين كنننت
ضحك يزن من قلب : كنت قربك بس انت الي ماتدري عني
محمد بصوت متغير مختنق : ويين مادري عنك دورنا عنك طول بعرض لين اقتنعنا انك انت الي ماتبينا
يزن ابتسم : افااا والله ماخذ اخباركم كلها ومانسيت اي تفاصيل عنكم
نزلت دمعة محمد الي حاول بقدر الامكان يمنعها : والله انك حيوان والله
نزل يزن راسه وصمت الاثنين تاركين مشاعرهم واشتياقهم تعبر عنها بعض الدموع
جاسم بلع الغصه : محمد بقفل الحين وانت نام لاجل ترتاح واذا صحيت دقيت لي طيب
محمد بصوت خافت يخفي غصته : زين في امان الله
جاسم ناظر يزن وميل فمه بسخريه : تو قبل اسبوع كنا نضحك ومافينا شي شلون طلعت ذي المشاكل والتعقيدات
تنهد يزن ومسح دمعه وناظر لجاسم : والله مدري شلون لكن ودي افهم بالاول وش قصتك مع لمى
رجع جاسم راسه للوراء : لقيتها بالمول وكانت تناظرني بدون تلتفت وقلت عنها قصيدها وبعدها دريت انها عمياء وكذا الصدف رجعتني لها في نفس اليوم التقيتها في الليل مع اخوها واعتذرت لها قدامه
وبعدها جمعتنا الصدف والتقيت فيها في الطياره وكانت بالكرسي الي قربي وسمعت منها عنك ودريت بك
يزن عقد حواجبه : هذي ماهي صدف هذا القدر ياجاسم يرجعك لها
جاسم ابتسم : وازيدك وحده من الصدف البرنده حقي وحقتها قرب بعض
ضحك يزن وناظره بصدمه : كذا كثيير
تنهد جاسم وناظر يزن : لكن همدان واقف لي بكل مكان حتى انه استدرجني بالكلام وتكلمت عن لمى وما ادري انها خلفي وقلت اني اتعاطف معاها لانها تذكرني بك
يزن عقد حواجبه : همدااان مبين عليه شخص متفهم
ناظره جاسم بحده : بالله لاتذكره قدامي
يزن ابتسم : وبعد ماعرفت منهي لمى وش ناوي عليه
عض جاسم على اصبعه بتفكير
تنهد يزن : جاسم لزوم تقابل عمار وحده بدون همدان دامه يعاملك كذا وتكلمه عن كل شي من بدايت الانقطاع
جاسم ابتسم بسخريه : ليلى اااه ياليلى وانا الي مانبني ضميري اني ملت للمى وانا ادور ليلى
ضحك يزن بخفه : شعور ماينوصف لما تدور شي وهو امامك
جاسم ابتسم : ذا عمى العقل لما دريت عن لقبهم كان المفروض اسال عن اسمهم الكامل لكن اسمها يتغير هذا الي ماتوقعته ابد لاجل كذا كنت كل ما ادور عليها ما القي شي
يزن ميل فمه : يعني انها ملكت ذا القلب من انولدت ومادق الا لها والله انه وفي
ضحك جاسم بسخرية القدر : القلب عرفها وانا مثل الاهبل اااه ياليلى
يزن عقد حواجبه : لكن ياجاسم اتوقع همدان يكن لها شي بقلبه ترى انتبه
جاسم بحده : خله يموت مايحلم انه يطولها هذي لي من انولدت
يزن هز راسه بالموافقه : ترى بعد شهر بتسوي ليزر للشبكيه وبعدها شهر علاج ومن ثم العمليه الي بنزرع لها قرنيه
جاسم هز راسه بالرضى : بالنسبه لي تشوف او لا اهي لي
وقف جاسم وابتسم : عن اذنك وراي امور لزوم احلها
تبسم يزن : زين قبل تروح تحل امورك عطني رقمك
اخذ جاسم رقم يزن : انا بتواصل معك وارسل لك ارقامهم
ودع جاسم يزن وطلع منطلق لجناحه