اخبر عيناك الجميله ان تكف عبثاً بقلبي 🤍

44

ببيت محمد
والي اجتمع الاربعه ياكلون وكان باين ان خالد متضايق
محمد بهدواء : ليكون عهد مسويه شي لحرمتك
ابتسم خالد بضيق : لا مافيهم شي
جاسم تنهد : وش مضيق خلقك وش صار
عقد خالد حواجبه بضيق : مادري وش اقول
محمد رفع حاجب : وش مسويه ابرار
خالد غمض عيونه وتنهد : احترت والله احترت تعتقد اني ما ابيها واني قاسي معاها مدري شلون تفهمني ذي
يزن بهدواء : خالد ندري انك تحبها لكن انت تبين العكس لها خايف عليها واهي ماهي فاهمه شي
خالد بحزن : والله قلت لها اني ابيها وماني مجبور وقايل لها توك صغيره لكن ابرار تعاند ومصره انها كبيره وتحاول تقرب مني
محمد ميل فمه بضيق : وش تبي وانت دامها تحبك وتبي رضاك مو احسن من الي تشوفني كاني ابليس
يزن تنهد : بدايتكم كانت غلط مافيه شي صحيح لاجل كذا منتم مرتاحين
محمد بحده : يزن اما توقف معانا او تسكت احسن
وقف جاسم وناظر يزن ومد له يده : تعال شوي
تنهد يزن بضيق ومد يده وراح مع جاسم للحديقه
جاسم وقف وناظر يزن : وش تبي تقول يزن وضح لي
يزن بضيق : جاسم ملاحظ ان ثلاثتكم بداتم حياتكم الزوجيه بمشاكل
جاسم رفع كتوفه : وش نسوي ذا نصيبنا ما باليد حيله
يزن رفع شعره لفوق : لا ماهو نصيبكم كان غلط لما خالد تدخل بقضية ابرار واخذها وكان غلط لما محمد وافق على عهد ويدري تكرهه ومنجبره فيه وكان غلط انك تاخذ ليلى اليوم
جاسم ناظره بهدواء وبعتب : وش الصح طيب
يزن تنهد وعض شفايفه والتف عن جاسم شوي : كان المفروض خالد يبتعد عن ذي القضيه ومايدخل حاله فيها ومحمد المفروض يعترض ومايوافق عن الزواج الي كل واحد مايبي الثاني
جاسم ميل فمه : وانا المفروض ما اجبر ليلى واقعد اناظرها من بعيد وهمدان متهني فيها
يزن ناظره بعتب : جااسم كنت مشجعك تاخذها اجبار لكن مو بذي الطريقه لو انك تركتها لبكره كان افضل
جاسم ابتسم بانكسار : تعرف شلون تنحرم من شي ١٧ سنه وتلاقيه مع غيرك تعرف وش شعوري يوم قال عمار خذها اليوم حسيت اني انولدت من جديد وكاني كنت مسجون وتحررت وشفت الحياه
يزن ومتالم على حال اصدقائه ومايدري شلون : ادري ياجاسم وش احساسك عشان كذا ماودي تعانون
جاسم قرب منه وحط يده بكتفه : اجل نسينا المعانها اضحك معانا وانصحنا ماهو توقف بوجيهنا
ضمه يزن وتنهد : الله يسعدكم
،
في الصباح ببيت خالد عند ابرار والبنات
ابرار قعدت معاهن في الصاله وتبسمت : وش رايكن نرفض نرجع اليوم معاهم
عهد ناظرتها : وشلون
ابرار تربعت بجلستها : لما يجونا نشرط اننا نبي عرس وفستان ابيض على الاقل نتسلى وتصير لنا ذكريات ماهو كذا نكد في نكد
عهد بلعت ريقها بتوتر : ماحبيت فكرتك
لمى ارمشت بتفكير : ما اتوقعها بتكون ذكريات حلوه
ابرار تنهدت وبطفش : وش كمية النكد الي عندكن ليه نبقى حزينات ونفكر ونتعب حالنا تعالو نمرح شوي
لمى ابتسمت بهدواء : تتوقعي يوافقون
ابرار تبسمت بسعاده : ايييه وليه مايوافقون
عهد رفعت حاجب : وش عندك فرحانه
ابرار ابتسمت : اليوم عيد ميلادي
لمى بفرحه : من جد كل عااام وانتي بخييير
عهد قربت منها وضمتها : عقبال مية عام تقضيه مع خالد
ضحكة ابرار بسعاده : يااارب
رن تلفون عهد وابتسمت : محمد وش بنقول لهم
ابرار بشقاوه : خليه يحط اسبيكر وانتي حطي اسبيكر
ردت عهد على التلفون بسعاده : هلاا محمد
محمد رفع حواجبه باستنكار من فرحتها : وغلا وش صاير
عهد ناظرتهم متحمسه : الكل عندك
محمد وزع نظراته عليهم بغرابه : ايه
عهد ضحكة : اجل افتح اسبيكر يسمعون البنات عندي بنتكلم
محمد فتح اسبيكر وناظر لهم بحيره : فتحت وش تبون
ابرار بلعت ريقها بتوتر : عندنا شرط ماتجونا اليوم غير لما تنفذونه
خالد رفع حاجبه : ووش شرطكم
لمى بهدووواء : اليوم يصير لنا عرس ونلبس فساتين
جاسم بصدمه : تامري لكن من وين نجيب المعازيم بكم ساعه
عهد تبسمت : لا لا مانبي معازيم يكفي نلبس الفساتين ونتصور
محمد ميل فمه ببسمه ماكره : تم الي تبونه يصير
ابرار بغرور : ايه ونبي نطلع السوق الحين
خالد رفع حواجبه : جايين الحين
قفل محمد التلفون وناظرهم وضحك
خالد يضحك : وجات من عندهم
جاسم وبسمته شاقه وجهه : والله اني اسعد انسان اليوم
يزن مبتسم لهم : الله يديم عليكم السعاده
محمد من قلب : امييين
يزن : اجل يالله نلحق على حريمكم
،
عند البنات الي ضحكو ماهم مستوعبين الي قالوه وموافقتهم السريعه
ضحكة عهد وضمة لمى : يممممه احس قلبي طبووول
ابرار ارتمت عليهن وضمتهن : عاد انا جسمي يرجف
لمى ويالله تتكلم : خاايفه
ضحكو عليها ووقفو ماخذين لمى يتجهزوا بسرعه ويخططون وش بيسوون والضحكة ماليه الوجه وبعد نص ساعه وصلتهم رسايل يطلعوا
البنات وقفوا امام البيت يناظرو السيارات وكل واحد منتظر بسيارته
محمد رفع حاجب : تعالي ياقلبي وش منتظره
وسعة عهد عيونها وبهمس : اياقليل الحياء
جاسم قرب من لمى : تعالي ليلى ليه واقفات
ابرار رفعت راسها تناظر خالد بطرف عين : ومن قال بنروح معاكم
خالد بحده : نععم ومع من بتروحو
بلعة ابرار ريقها بخوف : مع اخوي يزن بنروح
عهد كتفت يدينها واثار الغضب من محمد باقيه فيها : مانبي نفترق ونروح معاكم والوحيد الي متفقات عليه يزن
يزن ناظرهن بصدمه : وانا وش دخلني كل وحده تروح مع زوجها
لمى بهدواء : انتم بحسبة الاخوان واكثر وانت اخو جاسم زوجي يعني انت اخوي واخو عهد وابرار ولازم تكون حل وسط وحنا ثلاث مافيها شي يعني اذا وصلتنا للسوق
جاسم والي يستوعب انها قالت عنه زوجها وفرحااان فيها : خلاص تم يزن وصلهم بسيارتك للسوق وحنا وراك
يزن رفع حواجبه : مدري ليه احس انكم تستغلوني وبصير كومار السواق
ضحكة ابرار بخفه : تراه يوم مارح نعيدها وعند كل واحده منا كومار الخاص
ضحك محمد من قلب وعيونه على خالد الي عيونه شوي وتطلع من مكانها
يزن بصدمه : يعني انا بكون كومار للجميع لا والله انكر معرفتي وصداقتي بالهنود حقتكن
عهد وبسمه خفيفه على فمه وعيونها على محمد الي يضحك : طيب اخوي يزن ماصارت بترد لنا اول طلب نطلبه منك وبعدين هنود كثيره عليهم على الاقل الهندي يستميع الكلام ماهو مثلهم يطلع قرون
صمت محمد وعيونه تتاملها عقله يقول عطها كف وقلبه  يهديه : اصير لك الي تبيه ياعيوني
عهد ووصلت معاها : صاحي انت
ابرار تنهدت وبهمس : احمدي ربك مالت عليك
عهد بحده : على وشو احمد ربي
ضربتها ابرار بكتفها لاجل الكل سمع وصرخت عهد متوجعه من الضربه
لمى وطفشت منهم : وين السياره بروح
مسك جاسم كفها وضمه بكفه وشدها لقربه وهمس : طفشتي منهم ليلى
لمى تنهدت : اهون منك
ضغط جاسم بقوه على كفها ومن بين اسنانه : اعدلي لسانك احسن ما اقصه وارتاح للنهايه
لمى ببرود تقاوم الالم رفعت كفها الثاني تتلمس وجه جاسم : شرايك تقص رقبتي بعد
ارتخت قبضة جاسم من على كفها وعيونه تتامل عيونها المكحله برموشها ويدها الدافيه على وجهه : موتي اهون
تراجعت لمى خطوه بخوف ومشاعر غريبه لامستها وبتلعثم : وين سيارة يزن
فتح جاسم الباب وبشفايفه بسمه رضى : تفضلي مدام
قربت عهد وابرار وكل وحده تضرب الثانيه وصعدوا السياره وانطلق يزن يتحسب عليهم وعلى حريمهم البزارين
محمد قرب من خالد يتامل ملامحه : هيه اخوي نحن هنا
ناظره خالد وارمش بهدواء : انت ماسمعت شي
محمد ضحك من قلب : والله احمد ربك عليها
قرب منهم جاسم يضحك : محمد وابرار بصف وعهد وخالد بصف سبحااان الله باين كنتوا تضحكون على بعض وبلاكم الله بحريمكم
محمد تنهد بحزن : اي والله كنت اضحك على خالد دوم وبلاني ربي بعهد نسخه من خالد بس مطوره بالعصبيه
ناظره خالد بطرف عين : المصيبه اني طحت بثنين اهرب منك تجيني ابرار اهرب منها تجيني انت وين اروح بنفسي
جاسم ضحك : اقول خل نتحرك يزن بينجن اذا بقى وحده معاهم
صعد كل واحد سيارته وانطلقوا للمول خلف يزن