اخبر عيناك الجميله ان تكف عبثاً بقلبي 🤍

39

عند عهد الي تناظر النار تحرق الثياب ومن داخلها تغلي : هين يامحمد اجل طلعت فعلاً راعي حريم لكن والله اني ارجعك على السراط المستقيم
رمت فوقهم العصاء وبغضب : ويييينك للحين والله اني اطلع عيونك
اخذت تلفونها واتصلت عليه
رد محمد بعصبيه : خيييير
عهد بجنون : وووجع معصب على ثياب حبيبتك
محمد بحده ومن بين اسنانه واهو يشوف الابره : لين ارجع البيت لنا كلام
قفل التلفون لوجهها وناظرت له بصدمه : لااااا تهدد من يامحمد شين وقوي عين لكن منتظرتك
اتجهت للبيت تضرب الارض برجولها احتارت وين تروح تلفتت يمين ويسار وانطلقت لغرفة الرياضه تطلع عصبيتها بالالات
،
قاعده لمى على سريرها وراسها يالمها من كثر التفكير : معقول اني تغيرت وصرت ادافع عن جاسم
تنهدت وراسها المها من التفكير وبحزن : كان همدان معصب وانا زودتها عليه ياربي ليه تنرفزت فوقه
اخذت التلفون واحتارت تتصل بابرار وعهد او لا
ولكنها حطت التلفون وامتدت على السرير
دق عمار الباب ودخل وناظرها بهدواء
قعدت لمى وبصوت حزين : عمار وش صار لهمدان
تنهد عمار وقعد قربها : همدان ممكن يدخل السجن محمد مسك عليه اورااق تغرقه وخالد مستغل ذي الاوراق ورافع القضيه عليه
لمى شتت عيونها : طيب قول لجاسم يتركه
عمار تامل اخته شوي ونطق : تو جيت من عنده جاسم رافض يتنازل عن القضيه وقال اذا ماتطلقتي الليله بكره بيرفع قضيه على اخوالي وماهو متنازل ابد
لمى بصدمه : ووش تقوول
عمار بسخريه : اما بالنسبه لهمدان حتى لو تطلقتي واخذك ماهو متنازل عنه يقول خله يحترق لانه استفزه قدام الناس
لمى عقدة حواجبها بعصبيه : مو بكيفه بيحطه بالسجن ونسكت
عمار هز راسه بيأس : والله همدان حتى لو نحاول مابنقدر نطلعه اذا انسجن وغير كذا المهله لليله فقط
وقف عمار وناظر لمى وتنهد : اقعدي فكري واستخيري وانا بروح اجمع اخوالي واكلمهم همدان الان في السجن لين بكره المحاكمه
طلع عمار تارك لمى بعصبيتها : وشلووون كذا ياجاسم وش الي مسويه وليه
نزلت دمعه من لمى وارمشت : نزلت من عين بعد ماكبرتك فيها ياجاسم
،
عند ابرار الي قاعده في الصاله تهز رجلها بتوتر
اقتحم خالد الصاله وناظرها بحده رمى الاكياس من يدينه وقرب منها وبصوووت حااد : اوووولاً صوووتك لاترفعينه مره ثانيه ثانياً لما المطبخ يفضى او اي شي ينقص تتكلمين ماهو بعدين تزعجيني فاهمه
وقفت ابرار ترتعد من الخوف وعيونها تلمع وبعنااد : ترى انا بذمتك وجوعي ذا بذمتك وماني مسامحتك وثانيناً ترى مافضينا حنا من مشكله لمشكله لاجل اتفقد وش ناقص
بلعة ابرار غصتها ونزلت دموعها وبصوت باكي : ومره ثانيه لاترفع صوتك عليا ولاتناظرني كذا ياقاااسي
مانزلت ابرار نظرها من خالد وعيونها الوسيعه ممليه دموع ورموشها مبتله
قرب منها خالد ومسك كفها وبحنيه : ما اقصد ازعلك ابرار لكن صوتك في التلفون وصل لاصدقائي وهذا شي ما اطيقه
ضمته ابرار وشهقاتها ماليه المكان
انصدم خالد وتنهد بضيق وضمها خالد بهمس حنون : معليه ابرار اعذريني ذي المره وانتي حاولي ماتعصبيني
شهقت ابرار وضمت خالد اكثر وبصوت باكي : ليه تكرهني وش مسويه لجل تعاملني ببرود ليه اجبرت حالك واخذتني
بلع خالد ريقه منصدم من تفكير ابرار وبهدواء : ابرار انا ما اكرهك ولا منجبر فيك ابرار يمكن تشوفيني بارد لكن ذا طبعي
ابرار ابتعدت عنه وبصوت مرفوع : كذاااب ماهو طبعك اشوفك مع محمد وجاسم ويزن غير طبعك ذا مايظهر غير معي قاسي وبارد وعصبي
تركته ابرار وجرت دخلت غرفتها وغلقت الباب وقعدت مستنده عليه تبكي بقوه
تنهد خالد بقوه منصدم من ابرار وتفكيرها : ارحميني يابرار خايف اقرب منك واندم بعدها خايف ما اقدر امسك حالي توك صغيره يابرار توك صغيره
ناظر للي  جابهم واخذ الاغراض للمطبخ ترك جاكيته على كراسي المطبخ وقعد يطبخ مكرونه وشوربة خضار
انتهى منهم وحطهم على طاولة الطعام وكتب ملاحظه واخذ جاكيته وطلع ورسل لها بتلفونها واتجه لشركة ابو عهد
،
عند جاسم الي بداء يرتب اوراق الشركه ويناظر نظام الشركه والموضفين وصلاحياتهم منعهم يتم اي ملف غير باستشارت محمد وجمع الموظفين الكبار وقعد معاهم يسال ويتاكد من الاوراق والشراكات
جاسم رفع حاجبه بحده : بندر في السجن وبيقعد في السجن واذا طلع بيوم من الايام ممنوع يدخل الشركه غير باذن محمد وعمي حمد والاوراق كبيره او صغيره ممنوع تتحرك بدون اذن محمد فاهمين كذا
ابو فهد وكان يعتمد عليه حمد جداً : استاذ جاسم ادري انك موصى من حمد ولكن انت كذا تشكك فينا وبخبرتنا وامانتنا وهذا شي ارفضه
جاسم ميل فمه ببسمه : السموحه ياعمي ولكن انت بموقع المراجعه ومافيه شي يوصل لمحمد وعمي حمد غير من بين يدك وبرغم من كذا حصل نقص في راس مال الشركه برغم انها شركة حديد يعني الصفقات الي تحصل تكون كبيييره ومافيها اي تهوان وشلون طلع النقص
ابو فهد عقد حواجبه : هذي كانت العاب بندر لاتوزع اتهامات وانت تدري من المتهم
جاسم بتشديد : وهذي الالعاب حتى لو محمد يسويها ترفضوونها وانا ياعمي ما اوزع اتهامات ان اذكركم ان خير ذي الشركه راجع عليكم لاجل كذا حافظو عليها اي نقص بياثر عليكم كلكم وكل شخص خلفه عايله معتمده عليه
يونس يد محمد اليمين والي معتمد عليه : كلامك صحيح ياجاسم وباذن الله بنكون حذرين
جاسم تنهد وناظر الجميع : ادري انكم تشتغلون وحاطين جهدكم في الشركه وشغلكم ماهو سهل لكن هذي لقمة عيش ولازم تحافظو عليها والي ابيه منكم بمجرد تلاحضون نقص ولو بسيط او اوراق مشكوك فيها او اي شي مشبوه من حديد لاوراق لاموال تبلغوا وتتحركوا
وقف جاسم بهيبته طوله وجسمه العريض المليان عضلات بملامحه العربيه البحته نطق بصوته الجهوري : ابو فهد ويونس وابو مصطفى وابو كاظم وصدام ابيكم بغرفة محمد نتاكد من الشراكات ومن مدة العقود والصفقات
تحرك جاسم وراحوا وراه والبقيه انفضوا لشغلهم
،
عند محمد الي قاعد قرب يزن ومعصصصب
يزن تبسم : وشلونك الحين
محمد بحده : ماودي اسمع شي
ضحك يزن وعيونه على الطريق وحط يده على كتف محمد : الا مع من كنت تتكلم
محمد بعصبيه : الزفته متصله تقول ليه مارجعت واني زعلان على ثياب حبيبتي الي حرقتهم
ضحك يزن من قلب وطبطب على محمد : الله يعييينك ناويه عليك شرررر
محمد بجنون : والله اني اربيها على حركتها لكن تصبر لين افضى شغل الشركات اهم الحين
يزن تبسم : ايييه ووين نروح عند جاسم او خالد
محمد عقد حواجبه : الحين انت يادكتور تعرف بشغل الشركات
ضحك يزن : يعني اشوي اعرف بالمناقصات
محمد تبسم : ذييب اجل انا حطني عند جاسم اعرف اصدقاء ابوي راسهم يابس شوي ويبي لهم شوي معاملات اخاف جاسم يشد عليهم ويهجون
يزن ضحك من قلب : اجل من القديمين اصحاب التفكير الحاد
تنهد محمد : ايييه الله لايوريك
وقف يزن قرب شركة حمد : وهذا احنا وصلنا
نزل محمد وميل فمه : توكل مع خالد تعرف خالد اسلوبه حاد مع الجميع دوننا طبعاً لزوم تكون هناك وتلين خالد اشوي
تبسم يزن : ماعليك خله عليا
تحرك يزن منطلق لشركة ابو عهد ومحمد عقد حواجبه : اعوذ بالله منك يايزن اذا عصبت
راح محمد للشركه عاقد حواجبه دخل والكل يرحب فيه تبسم لهم واتجه لمكتبه دخل واقبل يسلم على اصدقاء ابوه باحترام ولطف
وقعد معاهم وغمز لجاسم وانطلق معاهم وغاصوا بالاوراق
،
في شركة ابو عهد خالد واقف بغرفة الاجتماعات وجميع الموضفين حوله : ابو عهد مريض ومسافر يتعالج وموصيكم على الشركه وبيكون محمد حمد المدير لين يرد ابو عهد سالم وخلال ذا الوقت بنعيد ترتيب الشركه وبنعيد الكشف عن الاوراق الشراكات والمناقصات وبنراجع الارباح ونتاكد ان مافيه نقص او ضرر على الشركه
سامي السكرتير لابو عهد : خالد فيه اوراق متجمعه من اسبوع وبعضها هامه عن صفقات وتجديد عقود ولازم تتفقدها بالاول
ابو راشد والي واثق فيه ابو عهد ثقه عمياء وماخذ ادارة الماليه : من ناحية الارباح وراس المال ونفقة الشركه كل شي عندي مرتب وجاهز متى ماحبيت تمر على مكتبي تتاكد منهم حياك مافيه ريال واحد يختفي بدون علمي
فاروق رفع حاجب والي ماسك الشراكات : الشراكات كلها انا ماسكها وبعض العقود قريب تنتهي فعلاً اما من ناحيت الشركات ان مجهز بيان شامل عن كل شركه بيننا شراكات او حتى صفقات وكل شي جاهز بمكتبي
خالد حد عيونه على ثقتهم : دام كذا حلو بمركم واحد واحد لين اتاكد من كل شي بننتقل للصفقات والمراجعات وتجديد العقود
اشر خالد لهم وانفض الجميع وكل شخص اتجه لعمله
ميل خالد فمه : نبداء من عندك ياعم ابو راشد
وقف ابو راشد بشموخ : تعال
دخل يزن وتبسم : السلام عليكم اخبارك ياعمي
ابو راشد بحده : بخير
تبسم يزن : انت ابو راشد مكلمني عليك عمي طلال يقول اي شي ماتدرون عنه اسالو ابو راشد
ابتسم ابو راشد ورفع حاجب : يبشر طلال شركته في الحفظ والصون لين يرد سالم
تبسم يزن وناظر خالد : اترك الماليه لي وانت تاكد من العقود والشراكات والصفقات
هز خالد راسه وتبسم : اجل نلتقي
تحرك يزن مع ابو راشد ويضحك معه ويتكلم عن طلال والي يقوله عن ابو راشد
،
نزلت ابرار بعد ماطلع خالد ورسلها : الاكل جاهز
نزلت تشم ريحة الاكل وتبسمت من بين دموعها قربت من الطاوله وفتحت الاغطيه وبدات تاكل بسرعه بسرعه من الجوع عقدت حواجبها وفمها مليان اكل تناظر الورقه اخذتها ورفعت حاجب وكان مكتوب عليها : كلي الشوربه قبل لاجل معدتك ماتوجعك ورتبي المطبخ وتاكدي اذا ناقص شي ورسلي اجيبهم معي وتاكدي من اغراضك الشخصيه بعد اذا ناقصك شي ملاحضه لما ارد بنتكلم ونوضح كل شي مو تغلقي الغرفه على حالك
ضحكة بخفه : انا ما احب الشوربة الخضار وثاني شي برتب المطبخ واتاكد وش ناقص تامر طال عمرك وثالث شي انت ماتستحي تكتب عن اشيائي الشخصيه
ضحكة من قلب وهي تقلد ملامحه : وملاحضه مارح تشوف وجهي لا اليوم ولا بكره ولابيننا كلام
ردت تكمل اكل لين امتلت ناظرت الاغراض وقربت منهم تتفقدهم وترتبهم ولين انتهت تبسمت بفرحه على كرتون الشوكلاته والشيبس والعصير والحليب
عقدة حواجبها : وينه الببسي
تنهدت بطفش ووقفت بالي اخذتهم واتجهت للصاله قعدت قدام الشاشه ورفعت حاجب : وش اخبار لمى وعهد
عقدة حواجبها بفضول ورفعت التلفون واتصلت لهن اتصال جماعي
وردت لمى بهدواء : هلااا
عهد فتحت بعصبيه : وغلا
ضحكت ابرار بشقاوه : كمية تناقض بين اصواتكن
عهد بحده : والله قاعده على اعصابي وابليس بحد ذاته متجنبني
لمى تنهدت : خيير توك عروس
عهد بعصبيه : مااني عرووس جعله يعرس على اخت ابليس تخيلو لقيت ثياب حرمه ببيته
شهقت ابرار بصدمه : مسسستحيل
لمى بصدمه : عهد وش تقولين
عهد بحرقه : اااه والله اني اخذتهم للحديقه وحرقتهم كود قلبي يبرد
لمى عقدة حواجبها : عهد مايصير تحرقيهم لين تفهمين من محمد
عهد بعصبيه : وووش افهم منه اقول لك ثيااب حرمه معبيه الدولاااب
ابرار بسخريه : الا عهد وانتي ليه معصبه عادي بكل الاحوال انتي ضيف ببيت محمد لين يرد ابوك سالم
عهد بحده : ابراااار ماهو وقتك
ابرار عقدة حواجبها : وش الي مجننك ياعهد وش تبي من محمد اذا انتي بتطلقي اول مايرد ابوك وش تبي من الضعيف
عهد عقدة حواجبها : وش ودي منه يحترم حاله دام اني بذمته وغير كذا ينقلع
لمى بفضول : الا جد عهد ليه متنرفزه من محمد وانتي ماتبيه
عهد رفعت حاجب : وش تبون مني ليه متصلات اذا شايفات الوضع عادي
تنهدت ابرار : اتركي جنونك حالياً تهاوشت انا وخالد ورفعت صوتي وقلت له كم كلمه
لمى ضحكة : وانتي وش صار لك
ابرار بطفش : مليييت من معاملته البارده لي
عهد حدت عيونها : وانتي مو غصب تفرضي حالك عليه اتركيه لين يلتفت لك
ابرار حطت يدها على خدها وبسخريه : عطيني نصايحك يالفهمانه
ضحكة لمى : وانا ودي اسمع النصايح
عهد تنهدت : والله ماعندكن سالفه يعني وش يبي الرجال غير انه يناظر بيته نظيف وحرمه مدلعه رايحه راجعه مو تنشب في حلقه يالبزر
ضحكة ابرار : بشوووف اذا كلامك بينفع وبعدين والحرمه وش تبي من الرجال سمعيني
عهد بتفكير : ماني متاكده لكن تبي رجال يصونها يهتم فيها ويدلعها رجال يحسسها بالامان رجال يكتفي فيها مايناظر غيررها
لمى ببحة حزن : احس فيه شي ناقص
ابرار بسخريه : عسى عندك مشكله اخت ليلى
لمى تنرفزت : ابراار اسمي لمى وبعدين عندي مشااكل مو مشكله ومشكلتي ماهي حق بزران مثلكن
عهد بحده : ووش المشااكل الي فوق راسك علميني
لمى بصوت باكي : محمد قدر يمسك اوراق على همدان واخوالي وخالد اليوم رفع قضيه على همدان واخذوه السجن جاسم يهدد اذا ماطلقني همدان الليله بكره بيرفع قضايا على خوالي
عهد بصدمه : وش كمية الشر الي طلعت فيهم
ابرار رفعت حاجب : طيب يعني فيه حل خلي همدان يطلقك الليله ويتنازل جاسم عن كل شي
لمى بكت شوي وبعدها : جاسم مصمم حتى لو تطلقت الليله بيتنازل عن قضايا اخوالي اما همدان مستحيل
ابرار بسخريه : ايييه سمعت ان همدان استفز جاسم قدام الناس بالحفله امس
عهد رفعة حاجب : يعني جاسم بيبرد قلبه بهمدان بذي الطريقه ماتوقعتها منه
لمى وتشهق : وش اسوووي
ابرار بفرحه : تطلقي
عهد بسخريه : ابرار ماهو وقت مخوتك مع جاسم تسمعين البنت وش تقول
ابرار تنهدت : اجل تبي بكره تشوف اخوالها بالسجن يكفي واحد ولا ثلاثه
عهد تبسمت : لمى من رائيي كلام ابرار اشوي منطقي لكن اذا خايفه على همدان فانتي تطلقي وقولي شرطك قبل العقد من جاسم يطلع همدان من السجن
لمى وهدائة اشوي : تتوقعين يوافق جاسم
ابرار ضحكة : والله لو تطلبي من جاسم يقتل حاله بيوافق انت نفذي ذا الكلام وابشري
لمى ارمشت شوي وبتفكير : ودي تساعدني
عهد دقت صدرها : ابشري
ابرار بتفكير : وش ناويه عليه
لمى بلعة ريقها : ودي توصلون التلفون مع واحد من ازوجكن ويتكلم جاسم واقول له الي بيصير
ابرار ضحكت : تلفوني انا جامعتكم فيه ماقدر اكثر من كذا عهد اتصلي بزووجك
عهد بعصبيه : ووجع ابرار ماودي تو قفل التلفون بوجهي
لمى برجاء : عهد علشاااني ماهو وقت مشاكلكم
عهد بلعة ريقها وتنهدت باستسلام : طيب انتي مستعده تتكلمي مع جاسم
لمى بتوتر : ايه لازم احلها بدون يدري عمار
عهد وتدور رقم محمد بتلفونها : الحين خليكن ساكتتات