اخبر عيناك الجميله ان تكف عبثاً بقلبي 🤍

47

عند البنات رنيم تصورهم واهم يضحكوا ويستهبلوا وزادت فرحتهم مع ام عمار وام جاسم وشغلوا اغاني ورقصوا وتمنو ماتنتهي اللحظه
وصد صوت رجال من الميكرفون : العرسان بينزفوا
رنيم بحيره : والحين شلون منو بينزف
ابرار وعهد بصوت واحد : ليلى
لمى وجمدت اطرافها : وووجع من متى تتفقون على شي
ام عمار تبسمت : مايفرق الحين منو الاوله والاخيره
ابرار بشقاوه : الا يفرق بشوف زفتهن لكن مابيشوفوني
عهد وسعت عيونها : ياشريييره لكن انا مابنزف اصلاً مع محمد احنا بس نضحك ونلعب
لمى رفعت حاجب : منو قال بس نضحك ونلعب
عهد بلعت ريقها : ابرار قالت نستانس وبس
ابرار كتفت يدينها : انا اخلي مسؤوليتي منك
ام جاسم بحب : عهد يابنتي الي تسوينه مايصير ترى انتي ملعونه لو منعتي محمد عنك ترضي على حالك ماتدخلي الجنه لذا السبب
ام عمار هزت راسها : ايه ياعهد انتي بذمته وحلاله ماينفع كذا ترى حرام يابنتي
عهد لمعت دموعها بخوف : لكن
قاطعتها ابرار بضحك : كم صار لك عنده عسى خير بتخافي الحين
لمى تبسمت : وبعد لازم تنزفي وتتصوري معاه لاجل ترسليهم لعمي طلال لاجل يطمن عليك ويتعالج واهو مرتاح عهد لاتصعبيها على الجميع
ابرار غمزت لرنيم : وعاااد لا اوصيك رنيم على الصور
عهد ناظرتها بسخريه : وين ضيعتي الحياء بدورلك عليه
ابرار ارمشت : عند خالد
ضحكة ام جاسم وام عمار وعهد تضرب ابرار ولمى تتبسم بهدواء
يزن بحده : عسى خير قلنا بينزفوا العرسان يابزران
عهد وابرار ناظروا لبعض : يزززن الشااايب
لمى ميلت فمها : والحين شلون
عهد رفعت حاجب : انتي الاوله تجينها من الرجال جاسم اكبر منهم تجينها مننا انتي اكبر
لمى بلعت ريقها : ليه تحسبونها كذا بالاعمار شدخل
ابرار تخصرت : ووشلون تبي تحسبيها ياعمري
لمى ميلت فمها : حسب الزواج من تملك الاول يدخل
عهد كتفت يدينها وبتفكير : كذا او كذا انا الوسط ماتفرق عندي
ابرار هزت راسها : لا والله ماينفع يالغاليه احترام الكبير واجب شلون يدخل خالد قبل جاسم
رفعت كتوفها : لاتدخلوني بهواشكم مافيني حيل
ام عمار تنهدت : يكفيييكم هوااش ويالله لمى بتبداء انتي
لمى رفعت يدينها : استسلام ماقدر عليكم
صفقت ابرار بفرحه : يييس علموهم يلا
عهد رفعت حاجب : مستحيل اتكلم انا
لمى بخجل : اتصلي عليه ياخالتي
ام جاسم : والله يابنتي اني من العجله نسيت تلفوني
لمى التفت شوي : يمه اتصلي
ام عمار شتت عيونها : ماعندي رصيد يابنتي ناسيه اشحن التلفون 
لمى ارمشت : والله ما اسويها مستحيل اقول له ادخل زفتنا الحين هذا الناقص اعزمه لعندي
رنيم ضحكة : طيب احلها لكم بشرررط
عهد تبسمت : ليه تجمعينا انتي بتحليها لـ ليلى
ابرار رفعت حاجب : ليه مستعده تتصلي لمحمد وتقولي له تعال بننزف
عهد هزت راسها بـ لا ثلاث مرات وناظرت رنيم وابتسمت
ضحكة رنيم ورفعت تلفونها وجاها الصوت : ماتسمعون انتم من ساعه نقول بينزفوا العرسان
رنيم ارمشت وبهدواء : انت تكلمني انا رنيم
يزن رفع حاجب : المصوره رنيم عبدالله ليه ماعندك اذان منتي جزء من مساعدين التجهيزات انتي الي تصوري الزفه ليه كل ذا التاخير
قبضت رنيم على كفها وناظرت لمى وابرار وعهد : استاذ يزن تراني مو اصغر بناتك تتكلم زين اووو
يزن ببحه : اولاً دكتور مو استاذ ثانياً او وش شتسوي يعني
رنيم بلعت ريقها وبتلعثم : بسوي شي بتندم يااا دكتوور
يزن ضحكة بخفه : اقول من بينزف الحين
رنيم تلعنه بهمس : جاسم يتفضل محمد بعده وخالد الاخير
يزن وسع عيونه : وش قلتي بالاول
رنيم قفلت التلفون لوجهه وناظرتهم وابتسمت ببرود : يلا ولا انتوا عادي تقعدون
عهد : لا لا بنلبس عباياتنا
راحت عهد وابرار يلبسون وام جاسم تستقبل ولدها وام عمار اخذت بنته لغرفة العروس لاجل ينزفوا من فوق وينزلوا من الدرج
،
ناظر يزن التلفون بصدمه وارمش عله يستوعب الي صار
محمد همس : يزن يزن
جاسم عض شفايفه : والله صدمه
خالد عقد حواجبه : يزن ليه عصبت عليها بفهم بالاول
يزن غمض عيونه واخذ يعد بهمس من خمسه للواحد لاجل يهدي حاله
محمد تنهد : من الحين اراهنكم ان يزن طاااااح
يزن بعصبيه : طحت بجهنم والله بكره باول رحله بسافر ابتليت انا فيكم وفي حريمكم ماكان ناقصني غير ذي تلعن خيري
انصدم الثلاثه وضحك عمار غصب عنه : اسف بس قويه
جاسم ابتسم بخفه ثم ضحك : يزن وش سالفتك اعترف
يزن بعصبيه : اقول لكم حيوانه تقول سالفه مديت لها يدي وعضتني
محمد يضحك : يزن وش القصه ليه ماعندك صبر مع الحريم عكس لما تكون معانا
يزن ميل فمه : الحين وقته فضولك
خالد رفع حاجب : طيب وش قالت لك
يزن ويستوعب الي همست فيه : بلاك ربي وتصير خروف لحرمه ماتقول قدامها حرف
ضحك الاربعه ويزن يناظرهم : عسى الدعوه تجيكم
ام جاسم طلت عليهم : عسى خير ليه ماجيت ياجاسم
تركهم جاسم وراح لامه يضحك
ام جاسم حضنت ولدها وتبسمت : وش صار
جاسم هز راسه : لا ابد بس نتكلم وين اروح الحين
ام جاسم اخذت بكفه : تعال بنروح لغرفة العروس وتنزف مع ليلى
جاسم عقد حواجبه : وعهد وابرار وين
ام جاسم ضحكة : بيزفونك يمه بعباياتهم
جاسم رفع حواجبه : ايييه زين اجل
وقفت ام جاسم امام باب غرفة العروس ودقت الباب وفتحت ام عمار واستقبلت جاسم بحب : حيااك ياولدي حياك يمه الف مبررروك ربي يسعدكم وتشوف عيني اعيالكم بخير وعافيه
ضمها جاسم من قلب : اميييين ربي يحييك ويبقيك وتشوفي احفادي بعد
تاملته ام عمار ولمعت الدموع بعيونها : ليته صالح يشوفكم معاريس
تبسم جاسم بخفه : بيرتاح عمي صالح وابوي الحين ليلى لي وماني تاركها وبحطها بعيوني ياعمه
هزت ام عمار راسها وضمته وطيف صالح بفرحته وحبه لجاسم يزورها ابتعدت عن جاسم واشرت له يدخل
ووقفت مع ام جاسم
دخل جاسم الغرفه ووقف يتامل اعجوبة الجمال الي قدامه برقتها وتوترها ورجفة يدينها اقترب جاسم منها ومع كل خطوه ترتعش كل خليه بجسم ليلى
رفع جاسم كفوفه وضم كتفيها وطبع قبله دافئه على جبينها وهمس : ياحظ من صرتي حلاله
ارتعشت ليلى وضغط جاسم عليها : مني المال ومنك البنون ياحلوه عاد لا وصيك ودي اطفال كثير
تراجعت ليلى خطوه لورا ودفته لكن جاسم شدها وشالها بحضنه : كذا زين ماودنا نطول بالزفه
طل جاسم من اعلى الدرج وليلى بين يديه ورنيم تصورهم وعهد وابرار يضحكون على حال ليلى
ليلى بهمس متلعثم : جااسم ااقدر امششي ماينفع تشيلني وفستاني قصيري من الاماام
جاسم رفع حاجب : ايه بحاسبك على ذا الموضوع لكن الحين مابينت لك شي غطيتك قبل اطل من الدرج
وصل جاسم للمنصه ونزلها وشدها من خصرها لقربه وابتسم : ابتسمي ودي الصور تطلع حلوه بعلق وحده منهم بغرفتنا
بلعة ليلى ريقها وقلبها يرجف وبتفكير ( وش المفرض اسوي وش هي ردت فعلي جاااسم ليه احس خايفه منك وبنفس الوقت مرتاحه قربك وش صار لي ياربي )
جاسم وينفذ كلام رنيم بوضعيات التصوير وليلى مثل الدميه بين يديه يحركها
ابرار همسة لعهد : وش صار جاسم يحركها يمين وشمال وين عقلها باقي عندها او سوته وضع الطيران
ضحكة عهد من قلب : شوفي ابتسامت جاسم من الشرق للغرب الله يعينها ماتركها تبتعد عنه خطوه واحده
ابرار تنهدت وبحالميه : عقبالي
عهد رفعت حاجب : ابرار يامامه ترى عيب استحي شوي لاتخوفين خالد ما القيه الا يجري بتجاه البوابه
ضربتها ابرار بكتفها بقوه : وججع اقول دوري على زوجك بس لاينحرف بسببك المسكين
وسعت عهد عيونها : ابراروه يالخنزيره جعل يدك الكسر
ابرار تستهبل عليها : اااه يدي اتكسرت اااه
ضربتها عهد بيدها وكل وحده ترد الضربه للثانيه من بعيد لاجل الفساتين والتسريحات
جاسم ضحك بخفه : انتي كيف تحملتيهم امس
ليلى ابتسمت من قلب تلقائياً : ليكون يتهاوشون
تامل جاسم بسمتها ورفع حواجبه : ايه يتهاوشون بس بالايادي من بعيد لبعيد
ضحكة ليلى بخفه : طبعاً لاجل متزينات ولا صارت حرب
جاسم التف لوراها وضمها من الخلف وهمس عند اذونها وعينه عليهم : وش تتوقعين السبب
ليلى ابتسمت بحياء : اكيد على خالد ومحمد
جاسم تنهد : يحبونهم ولا باقيين
ليلى هزت راسها بخفه : ابرار مو تحب خالد تعشقه
شد جاسم عليها : وعهد
لمى بلعة ريقها : مو تحبه لكن احس بدات تعطيه شي من مشاعرها رغم انها تكابر
استنشق جاسم عطرها وبهمس : وليلى
ليلى غمضت عيونها وارتجف جسمها : ليلى توك ساحبها امس من بيتها بالقوه وش بتتوقع منها
جاسم حط كفوفه على خصرها وضغط عليهم : مشكلتها ماتجي غير بالعين الحمراء وش اسوي
عقدت لمى حواجبها بالم : جااسم العين الحمراء ماتجيب كل شي ترى اترك خصري
ضغط جاسم اكثر ومن بين اسنانه : كل شي تجيبه بالرضى او الغصب
ترك جاسم خصرها بعد مالمعت عيونها ودخل عمار بطوله وجاذبيته يسلم على ليلى وضمها لصدره معتقد ان دموعها خوف من الحياه الجديده : لموش ياعيون اخوك ترى مستحيل اتخلى عنك وجاسم يعشق مستحيل ينزل دموعك وانا واثق فيه خلي عنك الدلع انتي الحين صرتي حرمه لا اوصيك بجاسم
نزلت دموع ليلى وفاضت : ليه ياعمار ليه
عمار ابتعد عنها ومسح على خدها وبحنيه : لموش انا ادري وين مصلحتك اوثقي فيني
ابتعد عمار وتصور معها وقربت امها تلبسها العبايه وتغطيها وتوصيها على جاسم
قرب جاسم منهم وتبسم : اييه عروستي جاهزه بهرب فيها لاخر الدنيا ياعمه
ضحكة ام عمار : الله يسعدكم ياولدي
ليلى بهدواء : بقعد عند ابرار لين تنتهي زفت عهد
جاسم رفع حاجب : طيب انتظر ماعليه خذي راحتك
طلع جاسم وعمار وراحت ام جاسم معاهم لاجل تاخذ محمد لعروسه
وام عمار حطت ليلى عند ابرار واخذت عهد لغرفة العروس تفك عنها العبايه وتضبطها
ابرار بفرحه وفضول : قووولي وش كان يتكلم ووش صار
ليلى تبسمت بهدواء : يضحك عليك انتي وعهد ليه تتهاوشون كان اليوم تركتوه اجازه على الاقل
ابرار بطفش : لاتذكرينها قدامي صدقيني تتندم لما محمد يروح من يدها
ليلى تنهدت : لاتخافي ماهي تاركته اصلاً من يدها
ابرار ميلت فمها : اييه لكن المكابره بتذبحها وتطفش محمد وبتشوفين