اخبر عيناك الجميله ان تكف عبثاً بقلبي 🤍

32

تنهد جاسم ويتلفت يمين ويسار وش ماخر المملك للحين ليته يخلصنا ونرتاح من السالفه ذي
رفع تلفونه يناظر الساعه بطفش ناظر الي داخل بكل ثقه وانصدم فيه وش جابه
راح جاسم ووقف قدامه وبحده : عسى خير وش جابك بندر بعد الي سويته
بندر بكل جرائه : احضر حفل اخوي
قرب منه جاسم حيل وهمس : ترى ان سويت شي او فكرت تسوي شي والله اني ادفنك بوسط المجلس فاهم
بندر خاف ولكنه كابر : ريح بالك بس لزوم الاخ الكبير يتواجد بمناسبه مثل ذي
جاسم ناظره بسخريه : محد سأل عنك
تركه بندر وراح للمجلس ووصل المملك وراح جاسم بسرعه يدخل خلف بندر وعيونه تراقبه
ابو بندر ناظر ولده بصدمه وحس بالقلق من تواجده وناظر محمد واشر له مايهتم
تنهد محمد بضيق من شوفت نظرات الرجاء بعيون ابوه وسلم على بندر وضغط عليه : مو كل مره بتهرب فاهم
ابتسم بندر بسخريه : جيت اتفرج مو اكثر لاتخاف
وقف جمال وبدر وسلمو عليه وقعدوه بينهم لاجل يحرسونه
ابو بندر وحاسس ان فيه شي كايد بيحصل : دام المملك وصل خلونا نستعجل ونملك
ابو عهد ابتسم وهو بعد ماهو متطمن : اي والله تفضل ابداء
دخل المجلس رافع خشمه وعيونه متوجهه لجاسم وابتسم بثقه : السلام عليكم
سلم على الجميع تحت نظرات عمار المحذره وعيون خالد الحاده وتعابير محمد المتوعده وغضب يزن
وقف مبتسم قدام جاسم المنصدم من حضوره وضمه وهمس له : استنشق ريحتها بثيابي وبتفهم من اختارت
غمض جاسم عيونه وضمه بقوه والحقد والعصبيه والغضب تجمعوا بجاسم : العبرة بالخواتيم
ابتعد همدان عن جاسم مبتسم بسخريه : هذي الخاتمه
عمار مسك همدان من كتفه : همدان تعال اقعد
ابو عهد وابو بندر مراقبين الوضع بهدواء ومترقبين للي بيصير بقلق
،
بمجلس الحريم دخلت عهد مبتسمه بهدواء واما الثقه فكسرتها ابرار
قعدت مكانها والكل منبهر بجمالها الراقي والساحر
قعدت ابرار ومعاها لمى باقرب مكان لعهد وضج المجلس بكلام الحريم من اعجاب ونميمه وما الى ذلك
الى ان اقتحمت المجلس وكسرت ضجيجه بنظراته المتكبره وبسمتها الساخره
تناظر الجميع باستحقار وتقلب عيونه بغرور يمين وشمال
لين وقفت قدام عهد ناظرتها من فوق لتحت ورفعت حاجب : كنت بعترض وازوجك لبندر لكن ماتستاهلينه خلك لمحمد لايقين لبعض
ضحكة ابرار بخفه وبلطافه وتمثل البرائه : فعلاً لايقين ببعض الطيبون للطيبات كلام الله مانقدر نغير
ناظرتها ام بندر باستحقار : لمي حالك يالبزر وانقلعي للصاله عند البزارين
عهد ابتسمة باستفزاز : البزر ذي تسوى الجميع عندي واذا الصاله عجبتك اقعدي فيها مثل ماتشوفين المكان زحمه هنا
ام بندر وناويه تخرب كل شي : اذا ذا كلامك وتوك ماوقعتي وشلون بعدين
لمى بهدواء : قولي انك جايه تخربين الحفله ماله داعي تتعذري بحد
ام بندر اسود وجهها من ردودهن وبعصبيه : هذا الي ناقصني بزران تراددني بالكلام باين محد رباكن زين
وقفت ام عهد وراها وبحده : انتي ضيف ببيت ولا ماكنت سكت على كلامك وبنتي متربيه زين وماهي محتاجه شهادتك
ام عمار بسخريه : اذا انتي الحرمه الكبيره تتكلمين كذا وش تتوقعين من البنات
ام جاسم هزت راسها : كلمه واحده ماودي اسمعها عن ابرار لمي حالك انتي ومن وين ماجيتي ارجعي
ام بندر بصراخ : وشووووو تطرديني حفلة ولدي وانطرد من بيت البنيه وشو ذا الكلام
ام جاسم ابتسمت بسخريه : ولدك ترا انتي حملتي فيه مو اكثر ولدك تربى عندي مع ولدي ولدك الي ماتدري وين الله حاطه انا ادري عنه ولدك كبر بعيوني لاتمثلين الامومه الحين
ام بندر بغيض : مستحيل ذي الملكه تتم وانا انهان
ابرار خافت عهد تستغل الفرصه وناظرتها برجاء
ابتسمت عهد بهدواء ووقفت : ولدك شاريني وانا موافقه اما انتي وافقتي او لا رايك ماهو مهم ابد
طارت عيون ام بندر من الصدمه وقربت من عهد وعطتها كف بسرعه خياليه
الكل واقف منصدم وام عهد بحرقة ام قربت من ام بندر ولفتها ناحيتها وردت لها الكف بحده : اكسر اليد الي تنمد على بنتي
رفعت ابرار تلفونها واتصلت على خالد بخوف تكبر المشكله
رد خالد بحده وعيونه على همدان الي يضحك باستفزاز : خير تبي شي
ابرار بخوف : خااالد الحق ام محمد عطت عهد كف وام عهد ردت لها الكف
وقف خالد بصدمه : وشووووووو
طاح تلفون ابرار اول مالمحت الهوشه بين ام بندر وام عهد وانطلقت ابرار تحاول تسحب ام بندر
تلمست لمى الطريق تحاول تطلع من المجلس لان قعدتها مامنها فايده وماعرفت باي اتجها تروح وراحت لليسار
،
خالد منصدم ويسمع اصوات الحريم وصراخهم
وكل الي عندهم بمجلسهم وقفوا يناظرونه
ابو بندر بخوف : خااالد وش صار
خالد بلع ريقه : هوشة حريمكم
ابو عهد وسع عيونه بصدمه : وشوووو
جرى ابو عهد وخلفه ابو بندر ومحمد وخالد وجاسم اما يزن مسك بندر من ياقته وبحده : حركتك ذي يالخايس صح
بندر ويحاول يفك يزن عنه : وش دخلني بهوشة امي
لكمه يزن بقوه ولكمه مره ثانيه وقرب منهم الرجال يحاولون يفرقو بينهم لين قدرو يمسكون يزن قرب بدر وجمال ونزلوا فوق بندر يضربونه بقوه
جرى ابو عهد وابو بندر لحريمهم ومحمد وخالد خلفهم ووقف جاسم لما لمح شي والتف يناظر
جرى جاسم ومسكها من يدها وحملها وجرى لداخل البيت راح للمطبخ وسكر الباب
لمى بخوووف : اتركني نزلني منو انت
نزلها جاسم من بين يديه وناظر لها بحده : وش موديك للباب والرجال رايحين يفكون بين الحريم
لمى ضمت حالها بخوف : مادري وين الطريق
تنهد جاسم وانكتمت انفاسه بعد ماركز عليها وش الجمال هذا بلع جاسم ريقه وعيونه تتامل تفاصيلها
لمى بتوتر : جااسم
شدها جاسم لحضنه وضمها بقوه : انا اسف لكن همدان صحى فيني شعور العناد وشوفتك خلتني اناني حيل فيك
لمى بصدمه وماهي مستوعبه : جاااسم اترركني مايصير
ضمها جاسم اكثر متمني ياخذها ويهرب فيها
لمى وبصوت باكي : جاسم مايصير اتركني الله يخليك
تركها جاسم وهمس : ياليتنا نرجع مثل اول اطفال وماتفارقيني ابد
تركها جاسم وطلع من الغرفه وحالف مايتركها لهمدان
عند الحريم الي طلعو من المجلس وراحو يتغطون ومابقى بالمجلس غير ام عمار وام جاسم الي يفكون بين ام بندر وام عهد وابرار الي داخله مع عهد وسط الهوشه
دخل ابو عهد وابو بندر منصدمين من الي يصير وقربو بسرعه يفكون بين حريمهم
قرب خالد ومحمد يحاولون يسحبون عهد وابرار من وسط ام عهد وام بندر
خالد بحده : وشلون داخلتي بينهم
ابرار وشعرها بين يدين ام محمد : فكني اول شعري راح
ابو بندر بعصبيه : اتركيهن من يديك يامجنونه
سحب ابو عهد حرمته ويناظرها بصدمه وش القوه الي طلعت فيها
محمد ضم عهد بحضنه وماسك شعرها لاجل امه ماتشدها : يمه ارجاك فكيها يمه
خالد بحده : اتركي شعر حرمتي
ابو بندر من الخلف يحاول يشدها ملوراء لاجل تفكهم
ام بندر بصراخ : اخرتي البزران يطولن لسانهن عليا
ام عهد تحاول تفك حالها من ابو عهد وترجع تفك بنتها لكن ابو عهد محاوطها بيديه بقوه
محمد والي متمني يموت ولا الفضيحه ذي : ليتني بدون ام او ليتني اموت ليه يمه تسوين كل ذا
انصدمت عهد والي بحضنه من كلامه وحزت بخاطرها وشلون تكون ذي ام وشلوووون
ام بندر تركتهن بصدمه وتناظره : تتمنى موتي
محمد ضم عهد لصدره يخبيها وبنبره مكسوره : لا ما اتمنى تموتي لكن اتمنى تتبري مني اتمنى تنسيني او اتمنى اموت واريحك
خالد بحده وعصبيه وحاضن ابرار بقوه : اتركيه بحاله مايكفي انك راميته وماساله عنه والحين تبي تخربي حياته الي بناها بعيد عنك
دخل جاسم وبحده : اتركو الحريم تتغطى ومابينتهي اليوم الا بالملكه
رفع محمد عهد بين يديه وراح فيها لغرفتها واخذ خالد ابرار بيدها يجرها معاه لغرفة الاستقبال
وتغطو ام جاسم وام عمار وام عهد وام بندر بعباياتهم
قعد ابو بندر بضعف ويحس دقات قلبه تقل اسودت الحياه بعيونه وذبلت يدينه
جرى جاسم له يصرخ بخوف ويهزه : عمي حمد عمي
ابو عهد بفزع : جاسم فيه دواء في المطبخ للقلب اجري جيبه
انطلق جاسم يجري دخل المطبخ وكانت لمى باقيه فيه اخذاء الدواء وعلبة المي بسرعه ورد لابو بندر
فتح فمه ورفع راسه رماء الحبه لداخل بلعوم حمد وصب الماء بسرعه وبكذا قدر ابو بندر يبلع الحبه وبدات الحياه ترجع له
تحت نظرات الخوف والترقب
،
حط محمد عهد بغرفتها وبضيق : صار لك شي تاذيتي
عهد ومازالت الصدمه ماثره عليها وبتردد : انا بخير وانت
ناظرها محمد لثواني وهز راسه : خلك هنا لين تنتهي الحفله
تركها محمد ونزل وراح للمجلس وانصدم بشوفة ابوه طايح وجاسم ضامه وابو عهد قاعد قربه بخوف
جرى ناحيتهم واخذ راس ابوه وبخوف : وش صار لبوي
جاسم مسك كتف محمد : بخير لاتخاف الحين يقوم
رفع محمد ابوه وضمه حيل وغمض عيونه
جاسم ناظر للحريم واشر لهن يطلعين