اخبر عيناك الجميله ان تكف عبثاً بقلبي 🤍

48

عند محمد الي اخذته ام جاسم لغرفة العروس واستقبلته ام عمار دخل محمد وانذهل بجاذبيتهاااا القويه ضحك بخفه وقرب منها وطبع قبله على خدها
عهد كانت ترجف يدينها ورجلينها لكن ضحكة محمد نستها كل ذا وبعصبيه : عسى خير شايف مهرج قدامك
ضحك محمد من قلب وضمها : السموحه ماقدرت امسكها معلش
دفته عهد عنها وناظرته بصدمه تستوعب ضحكته تركته وراحت لقدام المرايا تناظر حالها : عسى تضحك بلا سنون
محمد قرب لها من وراء وضمها وهمس : اضحك لانو اول مره حظي يضحك لي ويحط لي شي زين بحياتي
ارتجف جسم عهد وبتلعثم : ا انت تستهبل ترى ماهو وقته ابد
محمد رفع يده لرقبتها وحرك ابهامه على شفايفها : تدري ان بعض الصدف وراها حياه وانتي اقرب مثل
تصنمت عهد وعيونها  مركزه على عيونه ( بياع كلام يامحمد شلون اصدق الي تقوله باين محترف بعد بذا النوع من الكلام وشلوون وشلووون )
تبسم محمد على سرحانها بعيونه وشدها للبوابه : ترى مايحتاج لابليس يخاوينا انتي بحد ذاتك فتنه مابقاوم لاتتامليني هنا ترى خالد وابرار على احر من جمر ينتظرون بيذبحونا والله
طل محمد وعهد من اعلى الدرج ونزلوا بهدواء وبال عهد بعيييد ومحمد بسمته ماليه وجهه
ابرار همست لـ ليلى : ابصم لك بالعشر ان محمد مسوي شي لعهد البنت مو طبيعيه ابد وكانها بعالم ثاني
ليلى ميلت فمها : تلاقيه تغزل فيها وتستوعب
ابرار هزت راسها : ما اتوقع لو انه تغزل فيها كان جنت عليه لكن اضن هددها بشي او كسر بخاطرها او جايز سوى بها شي تتوقعي ليه لا
ليلى تنهدت : اتركينا من افكارك شوي
وصل محمد وعهد للمنصه ورنيم تصورهم ومحمد يستعرض بحركاته مع عهد الي تتحرك ببرود ظاهري وقلبها يرجف مع كل حركه من محمد
محمد غمز لها : والحين اقول مبروك يازوجتي
عهد ارمشت والرجفه بيدينها تحاول ماتبينها : الله يبارك فيك
محمد لف يده حول خصرها وشدها له : مني المال ومنك البنون وماودي كثير يكفي واحد لاجل مايروح خصرك ورشاقتك
عهد ارتعشت شوي وبهمس ماينسمع :  قف عن محاولت الدخول لاضلعي قف عن توسلك الرقيق فانني لست التي تهتم بالكلمات
بعد دقايق صعدت ام جاسم وام عمار واخذ عهد يلبسنها العبايه وطلع محمد مع ام جاسم
وام عمار اخذت ابرار تجهزها بغرفة العروسه
قربت عهد من ليلى وتمسكت بكفوفها : وش شعورك
ليلى ابتسمت بهدواء : خايفه لكني مرتاحه بعد مادري
عهد ارمشت بتفكير : جاسم يحبك هذا المهم
ليلى ضغطت على كف عهد : ومحمد مايحبك مثلاً
ميلت عهد فمها بسخريه : محمد عطيه اي حرمه بيحبها
ليلى ضحكة بخفه : غيرانه يعني
عهد كشرت بوجهها : ليه مجنونه انا
،
عند ابرار الي واقفه ومتحمسه ومنتظره دخول خالد وتغني بهمس : ناويلك على نيه بس انت اصبر اشويه
دخل خالد يناظرها من الخلف متبسم : كانك صرتي طفله بيوم العيد
التفت ابرار بنعومه وتبسمت بهدواء : ايه اليوم عيد
خالد يتامل نعومتها وقلبه يرجف : العرس صار عيد عندك
قربت منه ابرار بخطوات بطيئه : اليووم عييد ميلااد حرمتتتك ابراار
وقفت ابرار قربه حاطه كفها على صدره وهمست : بتبارك لي بعرسنا او بتهنيني بعيد ميلادي
ضم خالد خصرها بيد ورفع الثانيه يتلمس خصلاتها : كم صار عمرك ياحرمتي
ناظرت ابرار للبعيد وببرود : لو كان يهمك كان دريت
رفع خالد وجهها بكفه : وشلون مايهمني وانا منتظر كل يوم يمر وتكبرين
ابرار تاملت عيونه بغرور وهمس : العمر ارقام حبي
طبع خالد قبله على شفايفها وعضها بخفه : انتي الي بداتي لاتلوميني بعدها
انصدمت ابرار وغزاها الخجل مع الالم ولكن تحقيق الهدف يحتاج تصميم ابتعدت عنه تتفقد الروج وببرود : تاخرنا البنات ينتضرون
قرب منها خالد وشدها بقوه : تبي اصدق ذا التغير بليله
ابرار بهدواء : مو زين نتاخر اكثر
خالد رفع حاجب : طيب مثل ماتبي
طل خالد وابرار من الدرج وابرار تبتسم بنعومه وعيون خالد مافارقتها يدور على طفلته الصغيره
ابرار تهمس : لذي الدرجه عاجبتك بالمكياج الثقيل
خالد تنهد بخفه : لو مو عاجبتني ما صممت على قضيتك
ابرار تبسمت بوصلهم للمنصه وحطت كفها على خده لاجل الصور : كنت اقول من شهامتك الي سويته
ميل خالد فمه وضم خصرها : من بين كل الصدف صدفتاً علقتني فيك من لمحت عيونك البريئه
عطته ابرار ظهرها الملتصق بصدره : وبعدها
نزل خالد راسه لرقبتها وبصوت حنوون : صار الي صار
ابرار التفت وضمته وحطت راسها على صدره : بطلب منك طلب مهما صار لاتتخلى عني ابد
خالد تبسم : مستحيل اتخلا عنك انتي بنتي
ابرار وتلعنه بينها وبين نفسها ( بعد كل ذا بنتك ياحيوان ياشايب يالي ماتستحي ) : خلاص يكفي صور تعبنا اليوم
هز خالد راسه : طيب انتظرك برى لين تتجهزون
هزت ابرار راسها وطلع خالد وراحت ابرار للبنات وبعصبيه ترفس فستانها : عساه يطيح وتنكسر له يد او رجل الشايب العجوز الحمار
ضحكة عهد من قلب : لييه وش صار كان مبين انكم عصافير الحب
ابرار بعصبيه : ووجع لاتضحكين ترى مالي خلق
ليلى تبسمت : طيب وش صار
ابرار بقهر : تخيل بعد الكلام والغزل ومدري وش يقول انتي بنتي ومن قال ناقصني اب مابيه
ضحكة عهد من قلب وليلى تحاول ماتضحك
ابرار تنهدت من قلب : اييييه اضحكي انتي وياها كانت القلوب تشع من عيونهم
قربت منهم رنيم وتبسمت : ربي يسعدكم دااايم انا كملت اصور باقي شي ياحلوات
ليلى ويالله تلم بسمتها : لا ياقلبي سلامتك مشكوره
رنيم بلطافه : الصور بتاخذونها ذاكره مع الكاميرا او اخذ الذاكره اطلع الصور
ليلى محتاره : والله مدري انتي اسالي الرجال وشوفي
راحت رنيم وابرار تضرب كتف عهد لاجل تسكت
ليلى تبسمت : وين امي
ابرار تلفتت : هناك مدري وشو يتكلمون
ليلى هزت راسها : طيب انتي جاهزه بنطلع
ابرار بعصبيه : لا مو جاهزه وين العامله هنا هيه عطيني عبايتي والطرحه بسرعه
عهد والبسمه شاقه وجهها : افااا لذي الدرجه متلهفه تروحين مع ابوك
ابرار ناظرتها بحده : عهد لفي لسانك قبل انط عليك والله واصله عندي
ليلى ميلت راسها : يمكن ماكان يقصدها يعني شي ثاني
ابرار اخذت نفس عميييق تهدي حالها : بعلمه وشلون يكون اب الشايب الي مايستحي لا وباسني بفمي بعد
طلعت شهقه من عهد قويه : وشووو يالي ماتستحون
ليلى بصدمه : بفمك كذا على طول ويقول لك بنته
ابرار اخذت عبايتها من العامله وارتدتها واخذت الطرحه وظبطتها : بيشوف والله انه يندم على ذي الكلمه
قربت ام جاسم وتبسمت لهم : ابرار جهزتي يابنتي تو كنا بنجيك
ابرار وتحاول ماتبين معصبه : مو مشكله جاهزه بنطلع
عبير تبسمت بحنيه : كل وحده بتروح مع زوجها وانا باخذ ام جاسم بسيارة عمار
ليلى بحياء : ماله داعي عمتي تنور معانا
ام جاسم ضمتها : لا ياقلبي بروح بيت اخوي بقعد هناك ثلاث ايام وبعدها بسوي حفله لاجل العايلات تتتعرف عليكم زين يابناتي
عهد تبسمت : احس ماله داعي الحفله لاتكلفين على حالك ياعمتي
ام جاسم هز راسها : لا ابد بتصير وان شاء الله بعد ثلاثه ايام انتم جهزوا حالكم وبس
ام عمار ناظرت تلفونها : عمار يتصل تاخرنا عليهم يلا
،
طلعت رنيم وناظرت السيارات وقربت من سيارة يزن وتبسمت : دكتور يزن الصور اتركهم بذاكرة الكاميرا او اخذ الذاكره واطلعهم عندي
كتف يزن يديه يناظرها من فوق لتحت ( والله الي يبرد قلبي كف يخفي بسمتك الهبلا ذي ) : انتي وش قلتي بالتلفون
رنيم رفعت حواجبها : قلت لك طيب يادكتور
يزن ناظرها بطرف عين : وسكرتي بعد
رنيم هزت راسها بقوه بالنفي : لا لا رحت اهاوشهم ماعاد دريت عن التلفون
يزن مد يده وبحده : عطيني ومالك شغل بالصور
مدت رنيم الكاميرا له : زين صورت ثلاث حريم ترى على كل حرمه ميه
اخذ يزن الكاميرا وعطاها خمس ميه : جزاك خير
رنيم رفعت حاجب : حقت المواصلات يعني
يزن ببرود : الي تشوفيه
رنيم تلفتت : لكن المنطقه مهجوره مافيه تاكسي يمر من هنا
يزن رفع حاجب : ويعني المطلوب اخت رنيم
رنيم ابتسمت وبلطافه : سو خير وخذني معاك
انصدم يزن من جرائتها : وين اخذك معاي ماتستحي انتي
رنيم ارمشت وبسخريه : جد ان الدكتور متخلف تاخذني معاك بسيارتك للطريق العام انت وين تفكيرك خير
ضحك محمد الي يتنصت عليهم مع خالد وجاسم وناظرهم يزن بعصبيه ومن ثم ناظرها : مدري منو داعي عليا اليوم ناقصني انتي يعني
رنيم كتفت يدينها : لاوالله اجل تروحوا واقعد بمكان مثل ذا وحدي صاحي انت وين الاخلاق والرجوله والشهامه و
يزن قاطعها بحده : ابلعي لسانك واطلعي السياره
تبسمت رنيم بنصر وصعدت وراء تحت نظرات يزن الحاده
محمد همس لهم : وين يزن الي كان ينصحنا شلون نتعامل مع البزران
خالد رفع حواجبه : الكلام شي والواقع شي
جاسم ضحك بخفه : خله يشوف الي نعاني منه
قرب منهم يزن يناظرهم بحده : وش تتهامسون
محمد هز راسه بالنفي : ابد عن البزران حقتنا
خالد تبسم : اييه ياطول لسانهم
جاسم ضم يزن واهو يضحك : يا اخي تخوف انت لما تعصب ابتسم اشوي رد يزن الهادي
يزن تنهد : وشلون اهداء وانا شغال اليوم كومار روح جيب ودينا وخذنا حتى البزر ذي بصير لها كومار
محمد قرب منه وناظر بعيونه : لايكون فيه شي هنا ولا هناك اعترف
يزن بسخريه : ليه شايفني خالد
خالد بطفش : اتركك من خالد احسن مايبتليك ربي
ضحك محمد : زين زين البزران جايات
جاسم تلفت : وين عمار
خالد اشر لسيارته : اجاه اتصال وراح لسيارته يتكلم
يزن غمز لهم : يلا الله معاكم ويعينكم وان شاء الله اشوف عيالكم قريب
ضحك خالد : لين يكبرون الامهات بالاول
تفرقوا واهم يضحكوا وكل واحد راح لقرب سيارته
ام جاسم اخذت بيد ليلى ووصلتها لجاسم : جلسم يمه لا اوصيك عليها
تبسم جاسم : لاتوصي حريص يمه بعيوني ليلى
حطت ام جاسم يدها على خده وبحب : ربي يوفقكم ويسعدكم
راحت ام جاسم مع ام عمار لسيارة عمار وجاسم يساعد ليلى لين تصعد السياره
قربت عهد بهدوء لسيارة محمد الي فتح لها الباب وساعدها تدخل والبسمه مرسومه عليه والتف لباب السواق وصعد وناظرها وابتسم : ارتحتوا الحين
عهد ناظرت للبعيد : استانسنا
هز محمد راسها وشغل اغنية مجهزها لعهد ومايدري ليه ( غزال ماينصادي ) عبد المجيد عبدالله
،
خالد رفع حاجب وابرار ماتحركت للحين : والحين وشو
راح خالد لقربها : ليه واقفه
ابرار بنعومه : مقدر امشي وحدي
خالد تاملها اشوي : زين تعالي
مد خالد يده لابرار وتمسكت فيها تمشي بهدواء
خالد ويكلم حاله ( على وش ناويه مستحيل انك تغيرتي بليله ويوم )
فتح خالد باب السياره وساعدها تصعد والتف لبابه يصعد وناظرها : مانسيتي شي
ابرار هزت راسها بلا ورفعت الطرحه عن وجهها
شد خالد بسرعه الطرحه ورجعها وبحده : اقص رقبتك لو تعيدينها فاهمه
ابرار بغنج : افااا قلت اكحل عيوني بشوفتك
خالد ومعصب من حركتها : كذا زينه لاتكحليهم
ناظرت ابرار للنافذه بقهر منه وتحرك الجميع كل واحد متجه لبيته
،
بفلة جاسم والي وصل بهدوء من الطرفين وحملها لجناحه حطها قرب السرير واخذ يبعد عنها الطرحه والعبايه وقلبه ينسمع من بعيد
ليلى ارمشت وبخجل : جااسم
جاسم وعيونه تتاملها ماهو مصدق ان ليلى صارت له وحلاله مد يده يلامس خدها وببحه حنونه : لبيه
بلعة ليلى ريقها وبتلعثم : ا انا ممـ عذو ره
تبسم جاسم وطبع قبله على شفايفها اثبات ملكيه وابتعد : غيري ثيابك انا بصالون الجناح لاجل نتعشاء 
طلع جاسم وليلى متجمده بمكانها وشعور حلو يغزيها ومنصدمه منه وبهمس : وش يصير لي
،
ببيت محمد بعد ماوصلوا تبسم لعهد : تقدرين تمشين او اشيلك ياحلوتي
عهد وتحس بجسمها ينتفض من المشاعر المتعاكسه داخلها : لا لا بقدر امشي
وصلت عهد للدرج ومن شدة التوتر لاجل محمد وراها مادرت وين داست وكانت بتطيح لولا ان يد محمد اسرع شدها لقربه وضمها بالثانيه بخوف : تعورتي
هزت عهد راسها بالنفي وظهرها ملتصق بصدر محمد الي شالها بحضنه مع فستانها وصعد الدرج  وعهد تتعمق بعيونه بدون شعور
محمد رفع حاجب بغرور : معجبه فيني
حطها محمد بسريرها وقبل ترد عطاها ظهره واهو طالع وقف قرب الباب بدون يلتفت : شويتين ويوصل العشاء
طلع محمد وسكر الباب وعهد منصدمه منه ارمشت لدقيقه كامله تستوعب : من جده حد يترك عروسه
تلفتت عهد بالغرفه لعلها تلاقي شي تكسره وقبضة يدها بقوه : اساساً منو قال اني ابيك تقرب مني ياحمار انقلع
،
ببيت خالد والي وصلوا ونزلت ابرار دون تنتظر منه مساعده واول مادخلت البيت نزعت الكعب ورمتهم قرب الباب وخالد رافع حاجب يتامل تصرفاتها : عسى خير
ابرار ناظرته ببرود : بروح انام تبي شي
انصدم خالد وقرب منها ماسك كتفها : ابرار لاتلفي وتدوري وش التصرفات هذي من الصباح
ابرار ناظرت ليده ومن ثم ناظرته : وش تبي تعبانه بروح انام اذا جوعان اطلب من برى
عقد خالد حواجبه : ابرااار تكلمي زين
ضربت ابرار يده وابعدته عنها : وشلون تبيني اتعامل معاك يبه انت وش تبي مني بضبط
استوعب خالد الموضوع شوي ( اجل يبه ايييه ذا الي معكر مودك يادلوعتي ) ابتسم خالد : طيب روحي ارتاحي وغيري ذا الفستان لين يوصل الاكل وبناديك وياااويلك تنامي زين ياشطوره يلا منو الي يسمع كلام بابا
ناظرته ابرار بغضب وتمنت لو تقفز تضرب فيه لكن الفستان كبير وماتقدر تسوي شي وبحده : مصدق حالك يالشايب
تركته ابرار خلفها وراحت للدرج تصعد لغرفتها رافعه فستانها وتشتم خالد عديم الاحساس
الي قاعد يناظرها من تحت والبسمه ماليه وجهه وبهمس : لاغيبك ربي عن عيوني يابنت قلبي
،
اما عند يزن والي وقف عند الطريق العام وقفل السياره لاجل ماتنزل : من وين طريقك بوصلك
رنيم والي اهتزت من الخوف لما  قفل السياره وارتاحت شوي بكلامه وتحاول تبعد التوتر : اا لا بروح ماعليك
يزن حد عيونه عليها : تدرين كم الساعه وشلون تروحين وحدك ماتخافي
رنيم رفعت حاجب : تو كنت بتتركني بطريق مهجوره مابها حد وش صار الحين
غمض يزن عيونه ورجع راسه لوراء : زين اعتذر كنت معصب من البزران حقهم وين بيتك انتي
بلعة رنيم ريقها من تغير موده وبهدواء : زين مو مشكله انت واصل بذاك الخط لين محل الكهرباء وادخل يمين
فتح يزن عيونه وحرك السياره بهدواء ورنيم تدله على الطريق لين وصل لحي قديييم وبيوت شعبيه مبنيه بالتراب واضائات خافته في الحي
رنيم عقدت حواجبها : وش صاير
يزن ناظرها بعدم فهم : وشو
نزلت رنيم من السياره تجري للباب المفتوح ودخلت بسرعه تنادي : ريييم راااائد
نزل يزن ووقف عند الباب متردد يدخل او ماينفع لكن صرخت رنيم خلته يدخل بدون تفكير
كان البيت عباره عن غرفتين ومطبخ وحمام وكل الابواب تطل للحديقه الصغيره المفتوحه
جرى يزن للغرفه من صوت رنيم وناظرها تضم بنت بخوف ودموعها تنزل : ريييم وشو صار رييم
شدها يزن لوراء وحط البنت على الارض وابعد شعرها عن وجهها وانصدم بجمالها رغم الملامح المرهقه
رنيم ببكاء : اختي يادكتور سو شي
تاكد يزن بفحص سريع انه اغماء ومافيه شي خطير ورفع تلفونه واتصل لصديق له صاحب مستشفى الحياه وطلب منه يحجز غرفه ويجهز سرير عند الطوارئ وقفل
ناظر يزن رنيم الي تبكي بخوف : وين اهلك
رنيم من بين دموعها : امي وابوي متوفيين ومادري وين اخوي رائد
يزن ناظر البنت وبارتباك : طيب عطيني شي اغطيها وناخذها بسرعه
اخذت رنيم عبايه وحطتها على اختها وشالها يزن وراح للسياره ورنيم تفتح له الباب وصعدت مع اختها
وانطلق يزن بسرعه للمشفى