اخبر عيناك الجميله ان تكف عبثاً بقلبي 🤍

9

اما بجناح لمى وعمار وهمدان
كانت لمى بغرفتها والتفكير ألم راسها وقفت وتلمست الثياب واخذت معطف احمر ورفعت القبعه وسكرته والفرو الاحمر على اطراف القبعه واطراف الاكمام مزيد بياضها ومعطيها جاذبيييه
تحركت بخطوات صغيره تتلمس طريق البرنده وقفت متمسكه بالحديد والريح الخافته تداعب عيونها الباكيه ووجهها الحزين
رموشها المبتله وحمرت خدودها وانفها معطيها شكل خيال عيونها الي تناظر بضياع ورجفت يدينها تألم القلب
تنهدت من قلب بامل ضعيف برجعتها للنظر
بصوت جهوري وشجي وعيونه متعلقه بها :
سلامُ لعينيكِ حد الشغفْ ..
وحدّ الحنين الذي ماوقفْ .
وحدّ جـمـالــكِ لما تبداء
وطاف به القلب حتى اعترفْ .
وجاءك بعد السنين إعتصاماً
بقلبكِ من عاتيات الصدفْ .
فآويته من عقوق الزمان
وقد مر عمر به وانتصفْ .
أحبك لا تعجبين لماذا
ولست اقاوم هذا الشغفْ !
التفت ناحيته وبهمس : ليه تتعاطف معي
جاسم ميل فمه ببسمه : كلام قدام همدان لاجل يبعد عني ومايبعدك
لمى ونزلت دمعتها : وش تببي
جاسم ابتسم بحب : عرفك قلبي قبلي يالمى انتي جزاء مني
ارمشت لمى بعدم فهم واعتقدته يلعب عليها : بذمتك مخنوقه ومافيني حيل لاحد اتركني بحالي
جاسم ناظرها بلطف وحزين عليها : وينه عمار وهمدان عنك
لمى بصوت مرتجف : راحو يجيبو اكل
ناظر جاسم للمسافه القريبه بينهم في البرندات لكن المسافه مرتفعه من الارض : وش رايك اقفز لعندك
عقدت لمى حواجبها : مجنون انت
ابتسم جاسم على الفكره : اسويها ترى اذا بتضلي حزينه
لمى بخوف : مستحيييل المسافه مرتفعه وبعدين من سمحلك تقرب مني
جاسم رفع حاجب : لو مرتفعه قريبه انتي وبعدين انتي لي
لمى حست برعشه من الي قاله وبتوتر : مجنون انت
التفت ترد للغرفه الا ان صوت جاسم وقفها : لحظه تبي تعرفي كم المسافه بيننا
لمى بفضول : ايه
جاسم وسع بسمته : قربي من ناحيتي طيب
قربت لمى باتجاه صوته لين مسكت الحديد
جاسم بحماس : اييي مدي يدك الحين
مدت يدها بتردد : وش يعني
مال جاسم بصدره وساعده طوله يوصل وجهه ليدها
عقدت لمى حاجبها بغرابه وتلمست وقبل تبعد يدها لما ادركت انه وجهه مسك جاسم يدها : شفتي شلون قريبه مني مايبعد بيننا الا متر
لمى بخوف : اترك يدي صاحي انت
حرك جاسم يدها على وجهه وابتسم : ترى بطيح اذا سحبتي يدك وانا مايل بصدري للهواء
تصنمت لمى بحرج : اتركني او سحبت يدي وطيحتك
جاسم اخذ كفها وباسه وتركها : حتى لو مت طيفي بيبقى حولك
ضمت لمى حالها بحرج : ابد منت صاحي
التفت تروح بس جاسم وقفها : لممممى وقفي بس بقول لك انتي تحبين الاشعار
لمى بدون تلتفت : ايه
جاسم ضحك بخفه : اجل بدل تقعدي وحدك وانا وحدي اقعدي هنا وانا بسمعك اشعاري
لمى عقدت حواجبها : بدون تضايقني
ضحك جاسم من قلب : وعد طيب قعدي
تلمست لمى المقاعد وقعدت تشتم النسيم
اما جاسم قعد وناظرها بحب : وش نوع الاشعار الي تحبيها
لمى هزت كتفها : عادي اي شي
هز جاسم راسه : زين اسمعي
قالت اتهوى ؟ قلت نعم اهوى
ابتسمت وقالت من ؟
قلت من ابتسمت
ابتسمت لمى : هذا شعر
ضحك جاسم وناظر لها ناسي حاله :
جذبتها لعناقي فأنثنت خجلاً
وكللت وجنتاها الحمر بالعرق
فقالت لي بفتور من لواحظها
ان العناق حرام قلت في عنقي
لمى هزت راسها بخجل : عطني ابيات طويله
زم جاسم شفايفه وبتردد : تذكرين الشعر الي قلته بالمول
هزت لمى راسها : اي وشلون انسى
جاسم باسف : تبي تسمعينه بعد ما كملته
لمى التمست بصوته الاسف وهزت راسها بهدواء
جاسم بحزن وبصوت حاني :
كل شبر بهالوسعيـه ملـك ربـي تعلميـن
وأعلم إن اللي خلقني هو خلق لـك هالعيـون
لكن انتي من جلستي وانتـي فينـي تحدقيـن
كن ما به ناس غيري بهالكراسـي يجلسـون
لو سمحتي عاد أسمعي وحتى لو ما تسمحيـن
المهـم اللـي بقولـه تسمعينـه و يسمعـون
ع الأقل ليا نظرتك سـوي روحـك تستحيـن
غضي طرفك مثل غيرك خوف ربعي يلمحون
الركادة عاد زينة والحياء فـي البنـت زيـن
وفيـك جآزم لا ركـادة ولا حيـاءٍ يـذكـرون
تعرفينـي ؟! أعرفـك ؟! ماأذكـر إنــا ملتقـيـن
لا أعرفك من تكوني و لا تعرفي مـن أكـون
وإطمأني إن كان قصدك بس فينـي تشبهيـن
ما هـو أنـا إلي تعرفيـه والبشـر يتشابهـون
مـا دريتـي من التشابـه يخلـق الله أربعيـن
وأعرف أربع يشبهنك بـس والله يستحـون
وإن كان قصدك شي ثاني عاد قولي وش تبين
خايف إنا نصير فرجة وإللي ماشتروا يتفرجـون
وإذا ببالك عاجبتنـي لا يحوشـك تحلميـن
صح ربعي من جمالك فيـك صـار يمدحـون
بس وش لي في حلاتك دام فيهـا ترخصيـن
حشمة البنـت وحياهـا والكرامـة يلفتـون
ولو توفر فيك هـذا مـع حلاتـك تبشريـن
ما هو أنا ألف غيري بـاب بيتـك يطرقـون
وش علامك رغم كل اللي أقولـه وتسكتيـن
مو طبيعي هالسكوت وهالبـرود وهالسكـون
إنتـي خرسـا أسألـك ولا منتي تسمعيـن ؟؟
قالوا ربعي ذي كفيفـة قلـت لا لا تمزحـون
لين شفتك يوم رحتـي يمسكونـك باليديـن
ما دريت إلا عيونـي أربـع أربـع يذرفـون
آه ياني منه مشهـد يـوم شفتـك ترحليـن
جيت اشوف عيون ربعي لقيت الكـل يدمعـون
قلت سنّـة هالحيـاة وحـن ترانـا مؤمنيـن
الله اللـي مسيّرنّـا بيـن كافـ وبيـن نــون
وكل أبونا نختلف مع إننا مـن أصـل طيـن
سبحان يلي مصورنا ولله في خلقـه شـؤون
يعني حنا كل أبونـا عـاد إسمنـا بنادميـن
وليا قضى ربك أمر وقـال لـه كـن فيكـون
فينـا يلـي رازقه خيـر رب العالمـيـن
وفينا يلي هو لعطفه بحاجة القلـب الحنـون
وفينا يلي مـا شكـى مـن علـةٍ كالآخريـن
صـمٌ و بكـمٌ و عمـيٌ فـهـم لا يفقـهـون
بس قليل عـاد فينـا للنعـم هـم شاكريـن
والله يرزق هالخلايق من حيث هم لا يعلمون
وتدري عاد يالكفيفة حنا تراى متشابهيـن
وإن ماانعمت أبصارنا قلوبنا هـم إللي يعتمـون
يالكفيفة يالعفيفـة إن قلـت آسـف تقبليـن ؟؟
يغفر الله ذنوب عبده ليا خطا وهـل تغفـرين ؟؟