اخبر عيناك الجميله ان تكف عبثاً بقلبي 🤍

28

قاعده قرب النافوره واشوي وتقطع يدينها من التوتر وبتردد : وش جاابني وشلون بكلمه بعد ماعرفت كل الي صار والي حصل في ايطاليا يااارب
سمعت صوت خطواتهم ونزلت راسها بخوف كبير وتردد
جاسم ابتسم من قلب وبصوت هادي : اخبارك ليلى
لمى بلعة ريقها : بخير وانت
توسعت بسمة جاسم وهز راسه : بخير والحين ولاجل مانطول بالكلام اسمعيني وبعدها حطي اسالتك
هزت لمى راسها بهدواء :: طيب
تنهد جاسم : ليلى بعد ماصار الحادث وشفتك في المشفى انا دخلت بغيبوبه ثلاثه ايام ولما صحيت الكل كذب عليا بانك سافرتي تتعالجي وبكذا استمرت الكذبه من امي والي غلطت والغت الخطبه ومن عمك الي اصر انك مسافره
لمى بلعت ريقها وبتوتر : ليه تدورني طول ذيك السنين وش السبب
جاسم ابتسم وهز راسه : سببياً الاول وهو وصية ابوي وعمي صالح والثاني والي هو اهم انك اخذتي قلبي من اول ثانيه لك في الحياه
عمار ناظر لمى والي استحت انها تتكلم وابتسم : وشلون تتواصل مع عمي فهد
جاسم ناظره ورفع حاجب : بين ابوي وعمي صالح شركه متشاركين فيها وهذي الشركه باقيه للحين صحيح انها شبه مفلسه الا اني بحاول احافظ عليها وهذي الشركه هي الرابط بيني وبين عمك فهد
عمار رفع حاجب : ما استغربت ليه ما اخذت انا الشركه
تنهد جاسم وميل فمه : ماتركت اي شي بدون افهم تفاصيله الا ان عمك فهد اقنعني بانك مسافر مع ليلى وعمتي عبير واهو يشتغل ويرسل لكم المصاريف
وبالنسبه للبيت كنت ازوره كل اسبوع اتفقد اذا حصل ونورتم بدون علمي
عمار انصدم من جدية جاسم : واكيد تدري عمي فهد وش مسوي
هز جاسم راسه عاقد حواجبه : تو دريت انه زور جميع املاك عمي صالح ورجعها له واليوم رحت زرته وتكلمت معاه واكتشفت ان الله عاقبه بشكل عادل وغير كذا بكره بتكونون شهود وتثبتون سرقة فهد لاملاككم
عمار عقد حواجبه : سجنته
جاسم رفع حاجب وناظر لمى : وعائلته بعد
لمى وقفت بصدمه من جاسم : وش ذنبهم من الي مسويه عمي
جاسم عض شفاته من ملامح ليلى المصدومه : لاتلوميني السجن افضل حل لفهد وعائلته
عمار عقد حواجبه : شلون يكون افضل حل
جاسم رفع حاجب : عمك فهد عنده ولدين وبنت الولد الكبير طلال سارق كبير وعنده عصابه بعد وولده الثاني مروان تاجر مخدرات بشكل صغير اما البنت فما اتوقع انها مسلمه والحال عند الام انها ترجع البيت منتصف الليل من الفنادق وعمك فهد معروفه مزور
لمى بلعة ريقها بصدمه وهزت راسها بنفي : وشلووون
جاسم ناظرها باهتمام وبخوف عليها : عمك فهد ظلمكم والتف عن عائلته لاجل الفلوس لكن الله رد له جزاه وانحرفت عائلته
عمار تنهد : يعني احنا بكره بتطلبنا المحكمه نثبت ان عمي فهد مزور
جاسم هز راسه : ايه وتثبتون انكم عيال عمي صالح ويرجع لكم حقكم اما عائلة فهد فكل الادله موجوده وبيتحولون للسجن بدون محاكمه
لمى ارمشت عيونها بهدواء : متى دريت عني
جاسم ابتسم : دريت عن يزن منك ودريت عنك من يزن
عمار ضحك بخفه : اختفت لمى ويزن مع بعض وظهروا مع بعض يعني
جاسم ضحك بسعاده : الحمدلله تعبنا واحنا ندورهم
عمار تبسم : والحين لمى باقي عندك سؤال
شتت لمى عيونها تفكر وقبل تتكلم قاطعها جاسم ورفع شعره بيده : واذا بتسالين عن امي والي سوته بقول لك اني كنت متعلق فيك حيل والي صار لك اثر فيني ولما امي شافت شلون دخت ثلاثه ايام راحت والغت الخطبه لاجل ما اتعلق فيك اكثر صحيح امي غلطت بذا الشي لكنها اعتقدت گ ام ان ذا الافضل لطفلها الوحيد
لمى رفعت كفها بهدواء ومسكها عمار وهمست له : رجعني غرفتي
جاسم رفع حاجب : على الاقل ردي
لمى تمسكت بقوه بيد عمار وبتردد : امك مابتتقبلني
ابتسم جاسم بحنيه : هذي حياتي وانا الي ابيك انا الي بعيش معاك ماهو امي
عمار وابتسم لجاسم وقطع الكلام لاجل مايضغط جاسم على لمى : طيب جاسم نترك لمى تفكر بدون ضغط ويصير خير
مد جاسم يده وصافح عمار وابتسم بهدواء : المهم انكم بكره تشهدون في المحكمة ويرجع لكم حقكم من عمي صالح اما بالنسبه لليلى هذي حياتها بتختار الي يريحها وماتهتم للوصيه لان عمي صالح اكيد بيكون مع اختيارها
طلع جاسم بهدواء وناظرهم محمد وخالد يتهاوشون ويزن يضحك بينهم تبسم جاسم وبهمس : انتم سعادتي ولازم ما اكون طماع واطلب اكثر
قرب منهم جاسم مبتسم : وش عندهم يزن
يزن يضحك : حريمهم ياخوي لعبن بعقولهم
ضحك جاسم وهز راسه : قول بزرانهم
التف خالد على ذي الكلمه : قول بنتي وفكني من محمد النشبه
ضحك جاسم من قلب : محمد خله بحاله ودور على طويلة اللسان
تنهد محمد بانزعاج وبان انه متضايق : خلها مكانها
يزن هز راسه : خلونا نروح من قدام فلتهم ونتكلم بعيد
جاسم راح سيارته وخالد معاه ويزن اخذ محمد بسيارته وراحو يدورون منطقه هاديه يتناقشون فيها ......
،
وقفت عهد وسط غرفتها بضيق تناظر الجدران همست بحزن : وشلون اترك كل شي كذا ببساطه واروح معاه وشلون وانا الي كنت مخططه لسنين الجامعه ومستقبلي مع اهلي ، ليه يبه كسرت حلمي وليته لاجل شخص يستحق
نزلت عهد راسها للارض ونزلت دموعها : وينك يامحمد لازوم نتكلم ونتفق قبل كل شي
مسحة عهد دموعها وطلعت من غرفتها رايحه الصاله
تقدمة من والدها بخطوات هاديه وبصوت هادي : يبه ودي اتكلم مع محمد
ابتسم ابو عهد وحط الفنجان : بتصله واشوف وينه
هزت عهد راسها بهدواء
اخذ ابو عهد التلفون واتصل بمحمد : هلا ياولدي
محمد بغرابه : سم ياعمي
ابو عهد بحب : سم الله عداك ياولدي
محمد ابتسم : وعداك يارب تبي شي ياعمي
ابو عهد تبسم: ماهو انا عهد الي تبيك
محمد عقد حواجبه : وشلون عسى مو تعبانه
ضحك ابو عهد بشوف بنته مستحيه : لا لا مو تعبانه لكن تبي تتكلم معاك اذا فاضي تجينا
محمد ويبي يطيرها : والله ياعمي اخواني معي ولا كنت جيتكم
تبسم ابو عهد : حياكم الله جيبهم معاك اتونس معاهم
محمد بلع ريقه : اخاف نزعجكم ياعمي بذا الوقت
ابو عهد : لا لا ابد بالعكس بتعرف عليهم زين
محمد وعيونه منحده وبصوت لطيف : الحين مسافة الطريق في امان الله
قفل ابو عهد من محمد وناظر بنته وتبسم : الحين يجينا
هزت عهد راسها وبداخلها ، اجل تبي تتهرب يامحمد باصدقائك لكن والله اني اخليك تتعهد وتحلف واطلع شياطينك اليوم واذا مارفضت انك تتمم العرس ما اكون بنت ابوي
راحت لغرفتها تلبس العبايه والشيطان براسها
،
قفل محمد التلفون بعصبيه : الزززززفته وش تبي فيني بعد يجعلها تنعجم وماتتكلم ابد
هز يزن راسه باسف : مايصير تتدعاء يامحمد مهما صار
محمد وبداء صوته يرتفع : مجبوره عليا وفوق كذا مطلعه عليا اني تبع بنات انا سويت علاقه مع بنت من قبل
يزن اتصل لجاسم وكلمه عن اتجاههم الي تغير لفلة ابو عهد وقفل وناظر محمد بعتب : لزوم تهدي اعصابك ماينفع ابد تروح كذا
محمد تنهد وعقد حواجبه : ليه هي تركت لي مجال اهداء والله شوفتها بس تعصبني عاد لو تسمع كلامها
يزن رفع حاجب : اتوقع انها تبي تستفزك ويكون الرفض من جهتك بدل تنلام هي تراها ذكيه
ارمش محمد بهدواء ومن ثم ميل فمه ببسمه ساخره : الخبيثه لكن هين بعلمها شلون الاستفزاز اليوم
يزن تنهد : محمد قدام عمي طلال لزوم ماتبين اي شي انتبه فاهم واذا صرت معاها وحدكم عاد بكيفك مابقول شي تمام
محمد هز راسه : ماعليك تمام
وقف يزن السياره قدام فلة ابو عهد ونزل منها وناظر وراهم سيارة جاسم والي نزل منها جاسم وخالد
قرب جاسم منهم بغرابه : ليه جيناهم عسى خير
يزن اشر لهم بعيونه على محمد : عهد تبي تتكلم مع محمد وابو عهد يقول بيتونس معانا لان محمد اعتذر منه بسببنا فقال جيبهم
خالد رفع حاجب : محمد جبت لك ثياب احتياطيه احتمال تتبلل او تغبر
محمد عقد حواجبه بضيق : والله مالي حيل للمزح الحين
جاسم حط يده بكتف محمد : هدي حالك وتبسم وسلم على عمك وكلمه باحترام وروح لعهد وخلك متبسم بعد وشوف وش تبي ومهما قالت لاتعطيها اهتمام او تبين لها انك انزعجت من كلامها زين
يزن هز راسه : استفزها وانت مبتسم ورد لها كلامها بكل هدواء انتبه تعصب
تبسم خالد : ويازينك لما تتبسم تطيح قلوب العذارى
ضحك محمد بخفه ودخلوا الفله واستقبلهم ابو عهد بحب كبير : هلا والله حياكم ربي اقربوا
قربو منه وسلموا عليه وقعدواء
جاسم : اخبارك ياعم طلال عسى بخير
ابو عهد تبسم : بخير بشوفتكم وش علومك انت
تبسم جاسم وهز راسه : علوم الخير باذن الله
محمد ابتسم : اجل تونس معاهم ياعمي وانا بشوف وش تبي عهد لاجل مانتاخر
ابو عهد تبسم : ادخل المطبخ واطلع للحديقه الخلفيه بتلاقيها هناك منتظرتك
رفع محمد حواجبه بصدمه من انتظارها وهز راسه : زين استاذنكم
راح محمد والكل متبسم
تبسم خالد ورفع حاجب : ومتى الملكه ياعمي لاجل يتكلمون براحتهم اكثر
ناظروه جاسم ويزن بصدمه وضحك ابو عهد بحب : تكلمت مع حمد واتفقنا يكون بعد بكره
جاسم بصدمه : وشلون ماعندنا علم
ابو عهد ضحك : حتى محمد ماعنده علم تو تكلمنا اليوم
ناظرو الثلاثه بعضهم بصدمه ونطق خالد : اجل والعرس بعد تحدد  اكيد
ابو عهد هز راسه : اي والله بعد شهر ان شاء الله
يزن بتردد : وليه العجله مايمدي شهر تتجهز العروس
ابو عهد تنهد بحزن : والله لو انه يمدي كان ماتركتها تتزوج الا بعد عمر طويل
جاسم عقد حواجبه : ووش الي مايمدي
ابو عهد ابتسم بانكسار : انا مريض وودي اتطمن على بنتي واسافر اتعالج والله يعلم كم باقي من العمر
خالد : عمر طويل باذن الله لكن وش عندك ياعم
ابو عهد ميل فمه : عندي تشنج العضلات الصدريه
يزن عقد حواجبه : اعتقد ان انقباض عضلات الصدر هو تقلص عضلي مؤلم غير إرادي يحدث للعضلات الصدرية بصورة مفاجئة، أو نتيجة الحركة المستمرة لعضلات الصدر بصورة متكررة وقوية
خالد باهتمام : ووش العلاج
يزن رفع حاجب : ممكن يوصفون الدكاتره استخدام بعض الأدوية، مثل: مرخيات العضلات، وبعض المسكنات من أجل التخفيف من تقلصات الصدر وتشنجاتها المؤلمة
او ممكن وباسواء الحالات اللجوء إلى الجراحة في حالات التمزق الشديدة والتي تحتاج إلى إصلاح لكن ما اتوقع تحتاج الى جراحه
ابو عهد هز راسه : باذن الله مايحتاج
جاسم ابتسم : معافى باذن الله لاتقلق
تبسم ابو عهد : اتركك مني وقول عنك وش القصه
،
قعدت لمى على سريرها وتمسكت بكف عمار لاجل مايروح : وش تشوف
ابتسم عمار وقعد قربها : الي تشوفينه
لمى بشتات : مادري محتاره متردده
عمار تنهد : دام ذا شعورك يعني بقلبك اخترتي من تكونين لمى او ليلى
لمى شتت عيونه وبضعف : مبين انه كان يقاتل لاجل يوصلني وغير كذا ابوي وصيته
عمار مسح على شعرها : فكري يالمى صلي استخاره وترى همدان مجنون اما تقنعيه او تقنعي جاسم
لمى ببحه حزينه : وابوي
عمار ابتسم بحنيه : لو انه ابوي الي واقف قدامك كان رفض الاثنين ولاتركك كذا حزين وحايره
بلعة لمى غصه حزينه : وامي وش تقول
عمار : تعرفين امي ماتقول شي تنتظر منك قرار وماودها تضغط عليك باي شكل
لمى هزت راسها : زين بصلي استخاره وبفكر زين
وقف عمار وباسها براسها : كذا الصح لاتفكري كثير وتترددي
طلع عمار بعد ماهزت لمى راسها برضى واتجه لمجلس الرجال يسمع وش يقولون